Izaskun Ellakuriaga Bustintza kazetari bizkaitarra hil da
Hainbat hedabidetan aritu zen lanean, tartean Bizkaia Irratian edota 'Bertsolari' aldizkarian. Horrez gainera, erakunde ugariren komunikazio aholkularia ere izan zen, besteak beste, Gerediaga elkartekoa eta Durangoko Azokakoa.
Izaskun Ellakuriaga Bustintza kazetari iurretarra hil zen asteazken arratsaldean gaixotasun baten ondorioz, 53 urte zituela.
Besteak beste, Gerediaga Elkarteko komunikazio arduraduna eta Durangoko Azokaren marketinaren arduraduna zen, bai eta Bizkaia Irratiko esataria ere.
“Izaskun eskuzabala, ausarta eta nekaezina zen, oztopo denen gainetik pasioa eta lana arlo guztietan erakusten zuenetakoa; umore berezia zuen eta solaskide aparta zen", nabarmendu dute Gerediaga Elkartetik.
Ellakuriagak berak Durangoko Azokako antolatzaileen militantzia eta inplikazioa goratu zituen Biba Zuek saioan egin zioten elkarrizketan, 2022an.
Hasierako ikasketak Iurretako eta Durangoko ikastoletan egin zituen, eta Kazetaritzan lizentziatu zen EHUn 1995ean. Unibertsitate berean Multimedia Negozioen Zuzendaritza Masterra egin zuen 2003an, eta komunikazioaren arlo ezberdinei buruzko formakuntza jaso zuen (harreman publikoak, protokoloa, ekitaldien antolaketa, gizarte sareak).
Euskaldunon Egunkaria-n hasi zuen ibilbide profesionala jaietako kronikak eta kultur kronikak idazten zituen eta astero bertsolaritzari buruzko kronika argitaratzeaz arduratu zen.
Bertsolaritzarekin ere lotura handia izan zuen. Bertsolari aldizkariko erredakzio kontseiluan parte hartu eta artikulu batzuk idatzi zituen. Bertsotan, gai jartzaile eta epaimahaikide ere ibili zen.
Durangaldeko Eraz astekarian erredaktore eta zuzendari lanetan jardun zuen 1994tik 2003ra, eta ondoren komunikazioko beste esparru batzuetan lan egin zuen.
Hainbat erakundetako komunikazio aholkularia edo arduraduna izan zen, hala nola Berrizko Udalean, Durangoko Kurutziaga Ikastolak 2005ean antolatutako Ibilaldian eta 2009ko Euskal Herriko Bertsolaritza Txapelketan.
Iurretako Kofradiak gertutik ezagutu zituen, eta ordezkari izateko saiakera ere egin zuen, baina emakumea izateagatik ez zuen onespenik jaso.
Ingelesa hobetzeko asmoz, 2012an Zeelanda Berrira eta Australiara joan zen eta bertako kultura eta bizitza ezagutzeko aukera izan zuen. Sator hegalariak (2024) liburuan agertzen da esperientzia hori azalduta elkarrizketa mamitsu batean.
Lekukom komunikazio agentzia sortu zuen Marijo Deogracias kazetariarekin, eta irratia benetan maite zuen: Bizkaia Irratiko esataria zen.
Zure interesekoa izan daiteke
AP-8 autobidea itxita egongo da gaur gauetik larunbat arratsaldera Mendaron, Bilborako noranzkoan
22:00etatik aurrera, 'bypass' bat jarriko dute, Bilborantz doazen ibilgailuak Behobiarako noranzkoko ezkerreko erreietik desbideratzeko.
Foru Berria Gizateriaren Ondare izendatzea eskatuko dute Bizkaiko Batzar Nagusiek eta Foru Aldundiak
Foru Berria onartu zenetik 500 urte betetzen diren honetan egingo dute eskaera. Bizkaiko Batzar Nagusiek 1526an onartu zuten eta urtebete geroago berretsi zuen Karlos I.a enperadoreak.
Otsoen erasoak nabarmen ugaritu dira Karrantzan
Karrantzako (Bizkaia) herritarrak oso kezkatuta daude azken asteotan nabarmen ugaritu baitira otsoek inguruan eragindako erasoak. Ildo horretatik, Kantabrian, otso batek, gutxienez, berriki zauritutako asto bat erakusten dituzten irudiak jaso ditu EITBk. Halaber, Karrantzarekin mugan dagoen Ramales de la Victoria udalerrian (Kantabria) otso bat grabatu dute, Ancillo mendian. Animalia horiek kalte handiak eragin dizkiete inguruko abeltzainei aspaldidanik; izan ere, dozenaka ardi, moxal eta zekor hil edo zauritu dituzte han. Aspaldiko gertaerei, azken aste hauetako erasoak gehitu behar zaizkie. Gertaera horiek eztabaida sortu dute animalien aldeko taldeen eta abeltzainen artean, batzuek otsoa espezie mehatxatuen euskal zerrendan gehitzea eskatzen dutelako, besteek eraso horiei aurre egiteko neurri zehatzak eskatzen dituzten bitartean.
Gipuzkoako adinekoen egoitza publikoetako garbitzaileek euskararen hizkuntza-eskakizunik ez dutela behar ebatzi du epaitegi batek
Euskadiko CCOOk ohar batean azaldu duenez, hautagaiek "hamarkadak zeramatzaten egoitzetan lanean, aldi baterako kontratuekin eta lan ordutegiaren barruan euskara ikasteko aukerarik gabe, bitarteko langileak zirelako". Sindikatuarentzat "hizkuntza eta lan eskubideak guztiz bateragarriak dira proportzionaltasun soziolinguistikoak errespetatuz".
Banderaren jaitsiera, zuzenean
24 orduko festari amaiera emango dio Donostiak hiriko bandera jaistearekin batera.
Donostiako haurren danborrada, zuzenean
Jarraitu zuzenean Donostiako haurren danborrada!
Azpeitiko danborrada, zuzenean
Jarraitu zuzenean Azpeitiko danborrada.
Donostiako danborrada, zuzenean
Jarraitu zuzenean Donostiako banderaren igoera eta hiriaren egun handiaren hasiera.
Organo emaileen kopurua % 10 igo da EAEn, urtebetean
Organo emaileen tasa milioi bat biztanleko 64,3koa da EAEn, Espainiako eta Europako batez bestekoaren gainetik. Iaz, 262 pertsonaren organo transplanteak egin zituen Osakidetzak, eta 144 pertsonak eman zituzten organoak hil ondoren.
Amaitu dira auto-ilarak A-8an Arrigorriagan, istripu batek goiza konplikatu ostean
Istripua izan da A-8an Arrigorriaga parean eta 7 kilometroko ilarak izan dira. Txorierrin ere istripua izan da Lezama parean eta bi errei itxi behar izan dituzte BIlborantz, eta auto-ilarak sortu diren arren, dagoeneko bere onera itzul da egoera hor ere.