Elkarretaratzea egingo dute gaur arratsaldean Zarautzen emakume baten hilketa salatzeko
Zarauzko Udalak elkarretaratzea deitu du 19:00etan Lege Zaharren Enparantzan, 47 urteko gizon bat atxilotu ostean 53 urteko emakume bat hil izana leporatuta. Erakundeek eta kolektiboek gaitzespena eta babesa adierazi diete biktimaren ingurukoei.
Elkarretaratzea egingo dute gaur arratsaldean Zarautzen gertatutako hilketa gaitzesteko. Udalak elkarretaratzea deitu du ostiral honetarako, 19:00etan, Lege Zaharren Enparantzan.
Ertzaintzak 47 urteko gizon bat atxilotu zuen asteazkenean, 53 urteko emakume baten hilketarekin lotuta. Segurtasun Sailak jakinarazi duenez, agenteek aurreko gauean jaso zuten emakumearen heriotzaren berri, eta susmagarria atxilotzea eragin zuen ikerketa abiatu zuten.
Horrela, legeak genero-indarkeriatzat hartzen duen bikotekidearen edo bikotekide ohiaren aurkako krimena izango litzatekeen ala ez ikertzen ari dira, ez baitago argi bien arteko harremana. Halere, instituzioek indarkeria matxistaren inguruko protokoloak jarri dituzte martxan.
Zarauzko Udalak premiazko Bozeramaileen Batzordea deitu, eta gertatutakoa "hilketa matxista" gisa kalifikatzen duen adierazpen instituzionala onartu du. Udalak "emakumeen aurkako indarkeria matxistaren adierazpen guztiak" salatu ditu bertan, eta gertatutakoaren aurrean "gaitzespen handiena eta sumindura handiena" agertu ditu.
Era berean, Udalak "babes eta elkartasun osoa helarazi die biktimaren senideei eta gertukoei", eta indarkeria matxistaren aurrean arreta eta babesa emateko zerbitzu espezializatuak eskaini dizkie.
Udalak "gizarte bidezkoago eta berdintasunezkoago baten alde" lanean jarraitzeko konpromisoa berretsi du, eta herritarrei dei egin die "emakumeen aurkako edozein indarkeria-adierazpenen aurrean jarrera aktiboa har dezaten, ez onartuz, isilik egon gabe eta indarkeria jasaten dutenei babes osoa emanez".
Emakundek ere gaitzetsi du hilketa, eta babesa adierazi die biktimaren familiari eta gertukoei. Erakundeak kasu horietarako aurreikusitako protokoloa aktibatu du, eta herrian deitutako elkarretaratzean parte hartuko du.
Ildo beretik, Gipuzkoako Foru Aldundiak "samina eta elkartasuna" agertu dizkie biktimaren hurbilekoei, eta gaur eguerdian lantokietan elkarretaratzera deitu ditu langileak. Eudel Euskadiko Udalen Elkarteak ere bat egin du gaitzespenekin, eta "heriotzek emakumeen aurkako indarkeriaren arazoaren zati bat baino ez dute erakusten", nabarmendu du.
Zure interesekoa izan daiteke
Azpeitiko ustezko hiltzailearen etxebizitza miatzen ari da berriro Ertzaintza
Poliziak dispositibo zabala abiatu du Landeta industrialdearen inguruan, 30 urteko taxilari baten hilketaren ustezko egilea han egon daitekelakoan. Gizonaren autoa gaur goizean aurkitu dute inguru horretan.
AEK-k euskaltegi guztiak bete nahi ditu datorren ikasturtean, euskarak kaleak eta plazak har ditzan
Gaurtik, zabalik dago AEK-ko euskaltegietan izena emateko epea. Dirulaguntzei dagokienez, berrikuntzarik nabarmenena Euskara Bonua da Euskal Autonomia Erkidegoan: A1, A2 eta B1 mailetan matrikulatzen diren ikasleek, 120 euro ordainduta, 4 urtez ikasi ahal izango dute.
Ceutako krisia Marokori leporatzeko "txostenik ez" dagoela erantzun dio Poliziaren zuzendariak Marlaskari
Barne ministroak azalpenak eskatu ditu El Español egunkariak Auzitegi Nazionalari igorritako txosten baten inguruan argitaratu duen informazioaren harira. Horren arabera, Marokoko jendarmeek gidatu zituzten migratzaileak Ceutako mugara uztailaren 30ean.
Emakume baten hilketa artxibatu dute Zizurren, ikertutako gizonak narriadura kognitiboa duelako
Epailearen ebazpenaren arabera, ezintasun hori ikertutako gertakarien ondoren etorri zitzaion; gertakariok 78 urteko emaztearen hilketarekin lotuta daude.
Azpeitiarrek shock egoeran jarraitzen dute taxilariaren hilketagatik
30 urteko taxi gidari bat hil zuten tiroz, atzo, asteartea, 20:00ak pasata, Azpeitian, eta bizilagunak gertatutakoa sinistu ezinik daude. Biktima oso ezaguna zen herrian, eta, antza, tirokatzailea ere bertakoa da. Lekukoen arabera, erasotzaileak martxan zihoan taxia atzetik jo zuen bere ibilgailuarekin, eta, autotik atera zenean, bost tiro eman zizkion. Gero, ihes egin zuen.
Begoñako Basilikan 3D eskaneatzea eta georradar bidezko azterketa hasi dituzte, indusketa arkeologikoa hasi aurretik
Esku-hartze arkeologikoa Begoña/Vecunia proiektuaren barruan kokatzen da, eta urriaren 13an hasiko da. Iraganera begiratzea du helburu, Bilborako eta Bizkairako esanguratsua den enklabe baten historia hobeto ezagutzeko.
Taxilari bat hil dute tiroz Azpeitian
Gertakaria Artzubia hiribidean izan da, 20:15 inguruan. Lekukoen arabera, auto batek beste bat kolpatu du atzetik, eta kolpatutako autoko gidaria tirokatu egin dute. Ertzaintza egilearen bila ari da.
Elkarretaratzea Zizur Nagusian, adingabe batek jasandako sexu-erasoa gaitzesteko
Erasoa igande goizaldean gertatu zen, herriko jaietan. Ustezko egilea atxilotuta dago.
Joan den ostiraletik Barakaldon falta zen gizona aurkitu dute
Auzokide batek aurkitu du bere etxeko garajera oinez sartzeko eskaileretan. Gizasemeak akidura sintomak zituen.
Abiatu da ikasturtea Ipar Euskal Herrian, berritasun batekin: telefono mugikorrak debekatu dituzte
Ipar Euskal Herriko 50.000 bat ikaslek gaur izan dute lehen eskola eguna. Aurten, berritasun nagusi bat izango dute zentro guztietan: telefono mugikorrak eskola orduetan erabiltzea debekatuta dago. Frantziako Gobernuak uztailean onartu zuen legea, eta gaur hasi dira aplikatzen.