Kobetamendiko karabana eta autokarabanen gunea martxan izango da igandetik aurrera, Bilbao BBK Live jaialdia amaitu ostean
Udalak instalazioak berritu berri ditu, azken urteetan izandako erabiltzaileen gorakada nabarmenari erantzuteko. Hemendik aurrera Bilbao Caravan Park izena izango du. Azpiegitura nagusi berri bat sortu da eta instalazio zaharra eraldatu da.
Bilboko karabana eta autokarabanen eremuaren irudia. Argazkia: EuropaPress
Bilboko Kobetamendiko karabana eta autokarabanen guneak igande honetan, uztailaren 20an, ekingo dio berriro ohiko jarduerari, Bilbao BBK Live Jaialdiaren beharrei erantzuteko, egun batzuetan zerbitzurik eman gabe egon ondoren. Bilboko Udalak nabarmendu duenez, "gune hau erabiliz Bilbo eta inguruak bisitatzen dituztenek asko baloratzen duten erreferentziazko espazioa da".
Udalak izena aldatu -hemendik aurrera Bilbao Caravan Park izango da- eta instalazioak berritu berri ditu, azken urteetan izandako erabiltzaileen gorakada nabarmenari erantzuteko. Hobekuntzen artean, azpiegitura nagusi berri bat sortu da, zerbitzu guztietara sarbidea emango duena, eta instalazio zaharra eraldatu da, erabiltzaileentzako aisialdi eta topaketarako gune bihurtuz.
Esku-hartze horren bidez, Bilboko Udalak indartu egin nahi du "kalitatezko turismo jasangarri baten aldeko apustua, ingurune eroso, irisgarri eta karabana edo autokarabanan bidaiatzen dutenen egungo beharretara eta zifretara egokitua".
Ekimen honetan, gainera, enplegu bultzatzeko proiektu bat ere sartzen da, EDE Fundazioak sustatutako Suspertu SL gizarteratze eta laneratze enpresa batek kudeatuko baitu zerbitzua, enplegagarritasun-zailtasunak dituzten pertsonentzako bost lanpostu sortuz.
2024an, guztira, 44.977 bidaiari eta 19.848 ibilgailu izan ziren gunean: maiatzean (4.805 erabiltzaile) eta abuztuan (6.365 bidaiari) izan ziren bidaiari gehien.
2025eko urtarriletik maiatzera bitartean, 6.525 ibilgailu igaro dira espazio honetatik, 14.194 pertsona guztira.
Bilbao Caravan Park Kobeta mendian dago (Kobeta 31) eta 72 partzela ditu, guztiak elektrizitate eta edateko urarekin.
Albiste gehiago gizartea
Espetxera bidali du epaileak Anoetan txirrindulari bat harrapatu eta hiltzea leporatuta atxilotutako gidaria
Istripua ostiral arratsaldeko zortzietan gertatu zen, eta bertaratutako osasun-zerbitzuek Zizurkilgo 53 urteko kirolariaren heriotza baieztatu besterik ezin izan zuten egin.
Bilboko Konpartsek jai giroan abiatu dute Aste Nagusirako atzerako kontaketa
Urtero bezala, hainbat ekitaldi antolatu dituzte, konpartsa guztietako kideei eta bilbotarrei zabalik, konpartsakidetzera animatu daitezen, Aste Nagusia eta gainerako jaiak bizitzeko oso modu berezia baita. Bilboko Aste Nagusiari hasiera emateko hilabete eskas geratzen dela gogorarazi dute Bilboko Konpartsek, adiskide arteko giroan, Konpartsakide Egun honetan.
Ibiko suteak ez du sugarrik, eta Navaluengakoak jada 1.500 hektarea erre ditu
Ibin (Alacant), Font Roja parke naturaletik gertu, piztutako baso-sutea perimetratzea lortu dute, eta jada ez du sugarrik. Hala ere, suak martxan jarraitzen du Navaluengan (Avila), 26 kilometroko perimetroarekin, eta 1.500 hektarean da jada.
Zaleak prest Peyresourden, Frantziako Tourraren 14. etapa ikusteko
Familia eta kuadrila asko hiru egun lehenago bertaratu dira lekurik onena hartzera, eta giroaz gozatzera. Hala, dozenaka karabana eta furgonetek kanpaleku erraldoia sortu dute egunotan.
Euskal Herria, arrazakeriaren aurrean, erantzun antolatua
Nafarroako eta Bizkaiko arrazismoaren aurkako kolektiboek elkarretaratzeak egin dituzte larunbat honetan, gorrotoak eta indarkeria arrazistak gora egin dutela salatzeko.
18 urteko pertsona bat zauritu da Arroitzen, auto istripu batean
Zauritua Nafarroako Unibertsitate Ospitalera eraman dute, pronostiko erreserbatuko politrauma batekin.
Euromillones zozketak milioi bat euroko saria utzi du Donostian
Gipuzkoako hiriburuko 13. administrazioan baliozkotu dute saria, Madril etorbideko 24. zenbakian, Amara auzoan.
Samaniegon desagertutako 70 urteko gizon baten bila ari dira
Desagertua ostiral arratsaldean ikusi zuten azkenekoz; bilaketa Arabako Errioxako landa-eremuan egiten ari dira.
Euskararen aurkako azken epaia salatzeko elkarretaratzeak egin dituzte ehun bat herritan eguerdian
UEMAko presidenteak larritzat jo du Espainiako Auzitegi Gorenaren epaia, eta “adostasun sendoak” behar direla nabarmendu du Martin Aranburu lehendakariak. Euskarak lege-babesa behar duela azpimarratu du eta elkarrekin aritzeko deia egin die alderdi politikoei, euskal eragileei eta herritarrei.