Ostiralera atzeratu da Juana Rivasen adin txikiko semea aitari ematea

Auzitegi Konstituzionalak babes-errekurtsoa atzera bota du, baina Granadako epaileak haurra aitari ematea atzeratzea erabaki du, horretarako "indarra erabiltzea erabat baztertzen" duela argudiatuta.

Llegada de Juana Rivas con su hijo menor al punto de encuentro familiar. A 22 de julio de 2025, en Granada (Andalucía, España). Francesco Arcuri, el padre de los dos hijos de Juana Rivas, ha llegado al punto de encuentro familiar acordado por la justicia para la recogida del menor de ellos, a la espera de lo que pueda dictaminar el Tribunal Constitucional, reunido para estudiar este martes la solicitud urgente presentada por la madre de Maracena (Granada) para que suspenda la orden de entrega, que fue dictada por la Corte de Apelación de la ciudad de Cagliari (Italia) en el proceso por el que se ha resuelto mantener al menor bajo la custodia de éste.

Antonio L Juárez / Europa Press

22/7/2025 — Juana Rivasek elkargunean entregatu du adingabea, epaitegien agindua betez. Argazkia: Europa Press.

Agentziak | EITB

2025/07/22 - 16:50

Azken eguneratzea

2025/07/22 - 16:50

Granadako 3. Auzitegiko titularrak ostiralera atzeratu du Juana Rivasen adin-txikiko semea bere aitari ematea. Rivasek kartzela zigorra eta ondoren indultu partziala jaso zituen, bere bi semeak tratu txarrengatik prozesu penala zabalik duen Francesco Arcuri aitarengadik urruntzeagatik.

Italiako epaitegien ebazpenek aitarekin Italiara itzultzeko agintzen diote Rivasen 11 urteko semeari, hark baitu haurraren zaintza. Arcurik astearte goizean Granadako hiriburuko familia-elkargunean jaso behar zuen mutikoa.

Rivasen defentsak, ordea, babes-errekurtsoa eta kautelazko neurriak eskatu zituen Konstituzio Auzitegian. Epaitegiak astearte goizean, azken unean, ezetsi egin ditu neurri horiek "bide judiziala ez agortzea eta garrantzi konstituzional berezirik ez izatea" argudiatuta.

Hala ere, tentsioz betetako goiz baten ostean, haurra amarekin itzuli da, Italiako auzitegien ebazpen judiziala bete arte.

Granadako familia-elkarguneko langileek emandako informazioari erantzuten hartu du neurria epaileak. Izan ere, hainbat orduz izan da han mutikoa, bertako langileekin bilduta.

Epaileak eman duen arrazoia da “erabat baztertzekoa” dela “indarra erabiltzea mutikoa aitari emateko”.

Oraingoz, beste guraso trukea ostiralean egitea erabaki du epaileak eta "premiaz" eskatu du langile espezializatuek adingabea entregatzeko "lekuari, baldintzei eta moduari" buruzko txosten bat egitea.

Amaren talde juridikoak esan du oraindik garaiz daudela haurraren nahiak entzuteko eta honek “bere sufrimendua azaltzeko adina heldutasun” duela. Izan ere, mutikoak, Granadan bere anaia adin nagusikoarekin, gelditzeko nahia adierazi du.