Gasteizen izandako istiluetan gertatutakoari buruz bertsio kontrajarriak eman dituzte GKSk eta alkateak
Gazte Koordinadora Sozialistaren (GKS) arabera, "giro lasaian" egiten ari ziren ekimen baten aurka "kargatu" zuen Poliziak, eta 18:00etarako elkarretaratzea deitu dute, Andre Maria Zuriaren plazan. Maider Etxebarria Gasteizko alkateak, bere aldetik, atzoko gertakariak gaitzetsi ditu eta bere esker ona adierazi dio Ertzaintzari eta Udaltzaingoari.
Gasteizen izandako istiluen biharamunean, ez dago gertaturikoari buruzko errelato bateraturik. Izan ere, Andre Maria Zuriaren plazan kanpaldia hasi nahi zutenak —Gazte Koordinadora Sozialista (GKS) eta Etxebizitza Sindikatu Sozialista— eta agintariak (Eusko Jaurlaritzako Segurtasun Saila eta Gasteizko Udalak) ez datoz bat zer gertatu zen azaltzean.
Segurtasun Sailaren arabera, Andre Maria Zuriaren plazan bilduriko pertsona batzuek objektuak jaurti zizkieten agenteei.
Gazte Koordinadora Sozialistak (GKS) eta Etxebizitza Sindikatu Sozialistak gaur, osteguna, egin duten prentsaurrekoan, gezurtatu egin dute "objekturik jaurti" zenik. "Giro lasaian egiten ari ginen ekimen baten aurka kargatu zuen Poliziak", gaineratu dute gaurko agerraldian. Ildo horretan, nabarmendu dute Polizia dela "segurtasun arazoak sortzen dituena".
Atzoko istiluetan lau pertsona atxilotu zituzten —gaur goizean aske utzi dituzte, epailearen aurrera eraman zain—, eta sei ertzain eta udaltzain bat zauritu ziren.
Polizia agenteez gain, hamarnaka zauritu izan zirela adierazi du Koordinadorak; tartean, kazetariak.
Hori guztia dela eta, elkarretaratzea egin dute 18:00etan, Andre Maria Zuriaren plazan, jasandako "errepresio poliziala" salatzeko.
Gasteizko alkateak istiluak gaitzetsi eta agenteen lana babestu du
Maider Etxebarria Gasteizko alkateak atzoko istiluak gaitzetsi eta eskerrak eman dizkie Ertzaintzari eta Udaltzaingoari.
Gasteizko Udalak ostegun honetan egindako ezohiko osoko bilkuraren hasieran atzoko istiluak gaitzetsi ditu eta babesa erakutsi die zauritutako ertzain, udaltzain eta pertsona guztiei.
EAJ, PP eta PSE-EEk adierazpen bateratua kaleratu dute, eta agenteek pairatutako erasoak salatuz eta GKSko eta etxebizitza sindikatuko kideen jarrera "biolento" eta "antidemokratikoak" gaitzetsiz. Halaber, babes osoa agertu diote Ertzaintzari eta Udaltzaingoari. EH Bildu eta Elkarrekin taldeek ez dute bat egin adierazpenarekin.
Gizarteari buruzko albiste gehiago
Albistegien denboraldi berria hasi du Euskal Telebistak
Irudi berria, dekoratu berriak eta aurpegi berriak izango dituzte "Egun On Euskadi", "Gaur Egun" eta "Teleberri" albistegiek denboraldi berri honetan. Egiazkotasuna, zorroztasuna eta hurbiltasuna izango dituzte oinarri.
Eusko Jaurlaritzak zortzigarren urtez ospatu du Euskal Diasporaren eguna
Markina-Xemeingo ekitaldiak omenaldia egin dio zesta-puntari; hain zuzen ere, euskararen izena mundu osoko pilota lekuetara eran duten pilotariei.
Erraldoien dantza ikusgarriek Iruñeko katedrala hartu dute, burguen batasuna lortu zuen ituna ospatzeko
Gaur 602 urte izenpetu zuen Karlos III.a Erregeak. San Zernin, Nabarreria eta San Nikolas izeneko burguak batzeko ituna, Iruñea hiria sortuz. Ospakizun ugari antolatu dituzte, tartean, gaur egin den erraldoien ikuskizuna katedralean.
EAEko Justizia Auzitegi Nagusiak berretsi egin du Gipuzkoan 6 urteko haur bati eraso egin zion gizonari ezarritako 20 urteko kartzela-zigorra
2025 hasieran, 20 urte baino gehiagoko kartzela-zigorra ezarri zion Gipuzkoako Auzitegiak gizonari, eta ia bi urtekoa adingabearen amari, erasoak baimentzeagatik. Errekurritu egin zuten epaia baina EAEko auzitegi gorenak berretsi egin dizkie zigorrak.
Nola egokitu hiriak beroaldietarako eta muturreko tenperaturetarako?
Udak gero eta beroagoak eta luzeagoak dira Euskal Herrian EITB Datak argitaratutako datuen arabera. Bilbon eta antzerako hirietan muturreko tenperaturak izan dituzte. Mundu osoan hiriak beroaldiak hobeto igarotzeko egokitzen ari dira eta natura hirietan sartzea da urbanisten gomendio nagusia.
24 urteko gizon bat espetxeratu dute, Usurbilen emakume bati lapurreta egin eta ondoren hura hiltzen saiatzeagatik
Ertzaintzak jakinarazi duenez, joan den larunbatean izan ziren lapurreta eta hilketa saiakera. Igandean atxilotu zuten ustezko erasotzailea, Usurbilgo borda batean.
Gutxienez 4 kilometroko auto-ilarak AP-8an, Zarautzen, Donostiarako noranzkoan
Kamioi bat irauli egin da, eta istripua eragin du errepidean. Ertzaintzak errail bat moztu du Donostiara noranzko errepidean.
Eusko Jaurlaritzak "eskola inklusibo, ekitatibo eta kalitatezkoaren" aldeko mahaia jarri du abian, ikasturte hasieran
Imanol Pradales lehendakariak eta Begoña Pedrosa Hezkuntza sailburuak Etxebarri BHI berrian abiatu dute Eskola Segregazioaren aurkako Itun Sozialaren mahaia, ikasturtearen hasiera ofizialarekin bat eginez.
Eskola-segregazioaren aurkako mahaiak markatu du 2025-2026 ikasturtearen hasiera
Imanol Pradales lehendakariak eta Begoña Pedrosaa Hezkuntza sailburuak eman diote hasiera ikasturteari, Etxebarriko (Bizkaia) BHIn. Ondoren, mahaiaren lehen bileraren buru izan dira. Bileran hezkuntza-komunitateko hainbat eragilek, EAJ, PSE-EE, EH Bildu eta PPren ordezkariek eta sindikatuek hartu dute parte, ELA eta Steilas sindikatuek izan ezik.
Itsasoaren berotzeak hainbat espezieren portaera aldatu du
Kantauri itsasoko tenperaturak hamarkadak daramatza igotzen, eta horren ondorioak nabaritzen hasiak gara. Aztik ia 40 urte daramatza gure kostaldeko datuak biltzen.