PPk eta Voxek debekatu egin dute jendaurrean Islamarekin lotutako ekitaldiak egitea, Jumillan, Murtzian
Ezingo dute ospatu, adibidez, musulmanen artean ohikoa den Arkumearen Jaia. Voxek proposatu zuen mozioa, eta PPren babesarekin, aurrera atera da. Jumilla da, hortaz, xenofobia instituzioek bultzatzen duen lehen herria.
Musulmanak, otoitzean. EFEren artxiboko argazkia
Torre Pacheco lehendabizi, eta orain begirada guztiak Murtziako Jumilla herrian daude jarrita. Izan ere, 27.000 biztanle inguruko herri horretan, Udalak kirol-guneetan Islamarekin zerikusia duen ospakizun oro egitea debekatu du. Voxek proposatu zuen mozioa, eta PPren babesarekin, aurrera atera da.
Jumilla da, hortaz, xenofobia instituzioek bultzatzen duten lehen herria, erlijio askatasunaren aurka eginez.
Neurriak oposizioko alderdien kritikak piztu du, espero bezala; izan ere, aurrerantzean, ezin izango dira gune horietan jarduera erlijioso batzuk egin, Ramadana edo Arkumearen Jaia, kasu.
Walid Habbal Murtziako Eskualdeko Batzorde Islamikoaren koordinatzailearen ustez, Udalaren erabakia "atzerapausoa" da, eta uste du eraso politikoa baino, "errespetu falta" dela.
Bide beretik, Espainiako Islamiarren Batzordeak "kezka" agertzeaz gain, erlijio- askatasunaren aurkako erasoa ikusten du mozioaren atzean. Elkarte horren hitzetan, botere publikoen "egitekoa" da herritar guztien erlijio-askatasuna bermatzea eta sinesmenen arteko elkarbizitza zaintzea. "Ikusten ari garena guztiz kontrakoa da. Erlijio-askatasuna oztopatu nahi dute".
Espainiako Gobernua, neurriaren aurka
Espainiako Gobernuak antzeko iritzia du, eta adierazi du "erne" egongo dela, akordio horretatik eratorritako gorroto-diskurtsoak atzemateko. Hala, iragarri du Gizarteratze Ministerioak Arrazakeriaren eta Xenofobiaren aurkako Behatokia aktibatuko duela.
Erlijio askatasuna bermatzea eskatu dute gotzainek
Bere aldetik, Espainiako Gotzainen Batzarrak bere egin ditu Espainiako Islamiarren Batzordearen hitzak, eta erlijio-askatasuna errespetatzea eskatu du, Konstituzioan jasota dagoen "oinarrizko giza eskubidea" dela nabarmenduz.
"Espainiako Konstituzioaren 16.1 artikuluan dago jasota: herritarren eta komunitateen ideologia-, erlijio- eta gurtza-askatasuna bermatzen da, muga bakarra ordena publikoa mantentzea delarik", adierazi dute gotzainek.
Zure interesekoa izan daiteke
Zedarriak Foroak etxebizitzarako euskal bizitegi-kontratu bat eta bizi arteko gozamena duen arrisku-kapitaleko funts bat proposatu ditu
Foroak uste du 7.000 milioira arteko inbertsio publiko-pribatua beharko dela etxebizitza-arazoari aurre egiteko eta 5 urtean 10.000 etxebizitza mobilizatzeko.
Gazteen % 75ek sare sozialen bidez jasotzen dute informazioa, eta % 13k soilik identifikatzen dituzte albiste faltsuak
Gazteen % 20a baino gehiago eduki ideologikoen eta eztabaidagarrien eraginpean jartzen dira egunero. Hala ere, "berdintasunaren, demokraziaren edo immigrazioaren alde jarraitzen dute" ikerketaren arabera.
Gure Eskuk “HERRITU” aurkeztu du, Euskal Herriaren erabakitzeko eskubidearen alde agertzeko
Gure Eskuk “HERRITU” ekimena aurkeztu du gaur, euskal komunitatea sendotzeko eta zutabeak indartzeko helburua duen tresna gisa. Euskarri modura txartel fisiko edo birtuala izango du. Harpidetza egiten duenak Euskal Herria 7 herrialdek osatutako nazio bat dela, eta euskararen eta erabakitzeko eskubidearen aldeko atxikimendua adieraziko du. Durangoko azokan jarriko da martxan eta asmoa herriz herri zabaltzea da, 10 euroko harpidetzaren truke.
Etxerik gabeko pertsonen kopurua bikoiztu egin da EAEn, eta 1.500 baino gehiago ziren 2024an
Argitan, Atxurigorri, AZET edo Berri-otxoak bezalako eragile sozialek manifestazioa egin dute gaur Bilboko Udalaren aurrean kartoi artean lurrean etzanda, "etxebizitza duina" izatea eragozten duen administrazioen etxebizitza-politika gaitzesteko.
Osakidetzak anbulatorioetan psikologoak kontratatzeko prozesua ireki du
Profesional horien bidez, Euskal Osasun Zerbitzuko anbulatorioetan insomnioa, antsietatea, depresio arina edo antzeko nahasmendu eta ondoezei hobeto erantzutea da helburua. Kontratatuko diren psikologoak Lehen Mailako Arretan erreferenteak izango dira, eta bitartekari lanak egingo dituzte pazientearen eta familiako medikuaren eta, kasu konplexuagoetan, ospitalez kanpoko osasun mentaleko zentroetan ematen den arreta espezializatuaren artean.
![VITORIA, 17/11/2025.- El juzgado de lo Penal número 1 de Vitoria inicia este lunes el juicio contra 21 antiabortistas acusados de coacciones por realizar concentraciones frente a una clínica en la que se realizan abortos en Vitoria. EFE / L. Rico [POOL]](https://s7g10.scene7.com/is/image/eitb/juicios-askabide-efe?fmt=webp-alpha&qlt=80)
Akusatuek ukatu egin dute inor presionatu izana, eta Askabideren aurrean isilean otoitz egin zutela ziurtatu dute
Gehienek adierazi dute ez zirela inorengana hurbildu, otoitzak isilean izan zirela, eta poliziak ez ziela inoiz alde egiteko eskatu. Argumentu horiek errepikatu dira gaur Askabide klinikaren aurrean egindako kontzentrazioengatik epaitzen ari direnek emandako bertsioetan.
Jaliscoko Kartelaren Espainiako 'bulegoa' desegin dute, adar operatiboa bat Bilbon zuena
Polizia Nazionalak 20 pertsona atxilotu ditu nazioarteko makrooperazio batean. 1.870 kilo kokaina atzeman ditu, eta Espainiako Jalisco Nueva Generacion kartelaren egitura desegin du.
Bi gizon atxilotu eta droga saltzeko gune bat desegin dute Barañainen
Azaroaren 12an egindako polizia-operazioan, 35 eta 41 urteko bi gizonezko atxilotu zituzten, droga-trafikoko delitu baten ustezko egile gisa. Auzokideen salaketen ondorioz hainbat zaintza, jarraipen eta egiaztapen-lan egin ondoren jarri zen martxan polizia-operazioa.
Zabaldu dute N-1 errepidea Legorretan, Irungo noranzkoan, bi ibilgailuren arteko istripuagatik itxita egon ondoren
Goizeko lehen orduan kamioi batek eta furgoneta batek istripua izan dute, eta furgonetako gidaria Tolosako Asuncion klinikara eraman dute, zaurituta. Errepidea zabaldu arren, 09:30ean oraindik auto ilarak zeuden.
Askabideren aurrean egindako kontzentrazioengatik auzipetuek gaur deklaratuko dute Gasteizen
21 akusatuek deklaratuko dute gaur, atzo lekukoek klinikaren aurrean presio "etengabea" egiten zutela esan ostean. Fiskaltzak dio hertsapenak egon zirela.