Piratek Donostiako kaia abordatuko dute beste behin
Goizean goizetik ehunka pertsona ibili dira ontziak prestatzen, arratsaldeko 17:00etatik aurrera Kontxako hondartzara iristeko. 'Auzolanari tiraka' lelopean, aniztasunaren aldeko banderak altxatuko dituzte, eta gizarte-bazterketaren aurka arraun egingo dute.
Donostiko piratak abordatzeari ekiteko prestatzen ari dira, goizean goizetik. Aste Nagusiko ikur ere bilakatu den abordatzea egingo dute arratsaldean piratek, eta goizean goizetik hasi dira egur, puzgarri, soka... eta nork eskura duenarekin baltsak egiten.
Portuan elkartu dira piraten kuadrillak ontziak prestatu eta arratsaldeko 17:00etan ureratzeko. 1.000 tripulatzailetik gora, 225 ontzitan, eta helburu bakar bat: Donostia abordatzea, edo beste modu batera esanda, norberak ahal duen moduan Kontxako hondartzara iristea.
Behin eraikuntza- eta sorkuntza-lanak amaituta, indarrak hartuko dituzte bazkari herrikoian, Flamenkan, eta 17:00etan kaiko uretara jauzi egingo dute, Kontxako hondartzara iristeko asmoz. 'Auzolanari tiraka' lelopean, aniztasunaren aldeko banderak altxatuko dituzte euren txalupetan piratek, eta gizarte-bazterketaren aurka arraun egingo dute.
Indargetuta bukatu ez duenak La Txamaren kontzertuaz gozatzeko aukera izango du, 23:00etatik aurrera, Donostiako Piraten egun handiari amaiera borobila emateko.
2003an inbaditu zuten lehen aldiz piratek hiria, eta ordutik, Donostiako Aste Nagusiaren ikur bihurtu da abordatzea, baita jai-egitarauaren barruan ikusmin handiena sortzen duen jardueretako bat ere.
Zaragozako su artifizialak eta musika ugari
Donostiako jaietako hirugarren egun honetan,piraten esku egongo da hiria abordatzea, baina bestelako ekitaldiak ere ez dira faltako.
Puzgarriak Katalunia Plazan, bertsolariak, erraldoiak eta buruhandiak hiriaren erdialdean, eta, gauean, Pirotecnia Zaragozanaren ikuskizuna su artifizialen lehiaketan. Saguesen, berriz, pop elektronikoaz gozatzeko parada egongo da, OBKren eskutik.
Gizarteari buruzko albiste gehiago
Euskadin adingabeei egindako sexu abusuen biktima ia denak (% 92) neskak dira, eta 15 urtetik beherakoak gehienak
Save The Children gobernuz kanpoko erakundeak haurren kontrako sexu abusuen inguruko 88 epai aztertu ditu, 2019tik 2024ra bitartekoak. Halaber, kasu guztietan akusatua gizona zen.
Sindikatuek "propagandatzat" jo dute Osakidetzak Lehen Mailako Arretako 13 zentrotan psikologia zerbitzua eskainiko duela iragarri izana
ELA eta LAB sindikatuek ohartarazi dutenez, psikologo hauek "ez dute espezialitaterik, eta ezin izango dute tratamendurik diagnostikatu edo bideratu". Lehen Mailako Arretako osasun zentroetan psikologia zerbitzua ezarriko duen proiektu pilotua aurkeztu die Eusko Jaurlaritzako Osasun Sailak Osakidetzako sindikatuei. Osasun Sailak iragarri duenez, helburua "anbulatorioetako arreta emozionalaren irisgarritasuna hobetzea" da.
44 urteko gizonezko bat hil da Arrigorriagan, autoarekin BI-3723 errepidetik AP-68ra erorita
Lau metrotan behera erori da ibilgailua. Pertsona bakarra zihoan barruan, eta tokian bertan zendu da.
EITBren "Glaziarrak agurtzen" lanak aitortza lortu du nazioarte mailan, Venice TV Awards sarietan
Nazioarteko telebista-programen berrikuntza eta bikaintasuna saritzen dituzte Veneziako Telebista golardoek, eta Cross Platform Programming atalean izendatu dute proiektua, EITBk eduki berritzaile eta hainbat euskarritan emititzearen alde egindako apustua aitortuta. Glaziarrak agurtzen PRIMERANen, Euskal Telebistan eta ORAINen estreinatu zen, guztietan egokitutako lengoaia eta formatuak erabilita.
Osakidetzak psikologia zerbitzua emango du Lehen Arretako 13 zentrotan
Gipuzkoako lau zentrotan, Arabako bitan eta Bizkaiko zazpitan arituko dira psikologoak. Lehen Arretako gaixoen ongizate emozionalaren erreferente izango dira psikologo horiek, kasu arinenak ere artatuz, eta familia-medikuaren eta ospitalez kanpoko osasun mentala artatzeko zentroen arteko bitartekari moduan jardungo dute.
Aurkikuntza arkeologiko oso garrantzitsua Iruñean: Barbazan dorrearen barruan dagoen Kalonjeen atea
Iruñean, arkeologia aurkikuntza bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Nahi izanez gero, bisita gidatua egiteko aukera dago.
Giza Eskubideen Behatokiak kereila bat bultzatu du 1974ko Asturiagako segadagatik
Behatokiak iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzengatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.