Bartzelonatik Gazara abiatu zen flotillak itzuli behar izan du, eguraldi txarragatik
Itsaso zakarraren ondorioz, ontziek ezin izan zuten aurrera egin eta Bartzelonako kostaldean jarraituko dute aroa hobetu arte.
Igande honetan Bartzelonatik Gazarako laguntza humanitarioarekin itsasoratu diren hogei itsasontziek ezin izan dute aurrera egin, denborale zakarra dela eta, eta Bartzelonako kostaldera itzuli behar izan dute.
Global Sumud Flotilla 44 herrialdetako 22 ontzik eta 300 pertsonak baino gehiagok osatzen dute, eta atzo abiatu zen Gazara bidean, Israelen genozidioa eta blokeoa salatzeko eta elikagaiak eta botikak eramateko.
Antolatzaileek jakinarazi dutenez, bilera egingo dute gaur bertan, erabakitzeko noiz ekingo dioten ibilbideari.
Igandean 5.000 pertsona inguru bildu ziren Moll de la Fustan flotillari agur esateko. Bertan, Greta Thunberg, Ada Colau, Liam Cunningham, Eduard Fernández eta Tadhg Hickey aktibisten eta pertsona ezagunen laguntza izan zuten.
Euskal ordezkaritza
Euskal ordezkaritza bat flotilla humanitarioan parte hartzen ari da, eta Gazarako Mugimendu Globala Euskal Herria plataformak iragarri du lau euskal herritarrek parte hartuko dutela ontzietan, baina nahiago izan dute parte-hartzaileak nor diren ez esatea "segurtasunagatik, arriskutsua baita Israelen balizko errepresaliak direla eta".
Politika arloari begiratuta, EH Bildu Bartzelonara joan zen nazioarteko flotillari babesa ematera.
"Kausa palestinarra geure kausa da; etorkizuna askatasunez erabakitzeko borrokan ari diren herri guztien kausa da", azpimarratu du Amancay Villalba parlamentariak.
Zure interesekoa izan daiteke
Honela dago trafikoa AP-8 autobidean, Eibar eta Elgoibar artean, Maltzagako istripuaren ondoren
Errei bana ireki dute noranzko bakoitzean eta auto-ilarak erabat desegin dira. Hala ere, ezkerreko erreia itxita dago bi noranzkoetan, garbiketa lanak direla eta. Ezbeharra izan duen zisterna-kamioia kentzeko lanetan ari dira.
"Esperientzia eta konpromiso handiko" foruzainak: Hala deskribatzen dituzte Elgoibarko istripuko bost hildakoak
Fermin Sola, Jesus Maria Vidaurreta, Miguel Crespo, Juan Martin Dominguez eta Miguel Antonio D'Entremont Iurretara zihoazen, Ertzaintzarekin prestakuntza ikastaro bat egitera.
Lau pertsona artatu dituzte Gasteizko zabortegi batean izandako sutearen kea arnasteagatik
Sua asteazken honetako 17:00ak aldera piztu da, eta ez dago sugarrak baso-eremura zabaltzeko arriskurik.
Bost hildako eta zauritu bat AP-8an, Elgoibarren, furgoneta baten eta kamioi baten arteko istripuan
Hildakoak furgonetako bidaiariak ziren, Nafarroako foruzainak denak; Iurretan praktikak egitera zihoazen. Kamioi gidaria da zauritutakoa. Errepidea guztiz itxi dute, hasieran, bi norabideetan; geroxeago errei bat zabaldu dute Irunerako noranzkoan, baina arratsaldean zehar kamioia erretiratu arte, beste errepide batzuetatik bideratuko dute trafikoa.
Epaimahaiak errudun jo ditu Lukas Agirre hiltzeaz akusatutako bi gizonak
Hala ere, aringarria ezarri dio akusatu nagusiari drogak kontsumitzeagatik. Bigarren akusatuaren kasuan, erantzukizun penalaren aldaketa bikoitza erabaki du buruko nahasmendu bikoitzagatik eta estupefazienteak kontsumitzeagatik. Epaitutako hirugarren akusatua ere erruduntzat jo dute, beste biak estaltzeagatik.
Osasun Sailak tenperatura kaltegarrien atalaseak eguneratu ditu: 25,7 gradutik Gipuzkoako kostaldean 36,9 gradura Nafarroako Erriberan
Gehiegizko Tenperaturak Osasunean dituen Eraginak Prebenitzeko Jardueren Plan Nazionala asteazken honetan aurkeztu da, eta irailaren 14ra arte egongo da indarrean.
?fmt=webp-alpha&qlt=80)
23 pertsona atxilotu dituzte Iruñerrian, Vito Quilesen ekitaldi baten harira izandako istiluengatik
Espainiako Polizia Nazionalaren operazioak irekita jarraitzen du eta atxiloketa gehiago izan daitezke.
Nafarroako Gobernuak adierazpen instituzionala onartu du, hildako bost agenteen heriotzagatik samina agertzeko
"Herritarrak babesten eta zaintzen aritu diren bost zerbitzari publiko galdu ditugu. Gure aintzatespena, errespetua eta esker ona haientzat, erakutsi duten konpromisoagatik eta zerbitzurako bokazioagatik", dio testuak.
Asier, Maltzagako istripuaren lekukoa: "Larrialdi zerbitzuak oso azkar mobilizatu dira"
Radio Euskadin azaldu duenez, ez du istripuaren unea ikusi, baina bai berehalako ondorioak. Gertatutakoa azaldu du: kamioi bat galtzada batetik bestera igaro da, eta erdibitzailean geratu da, iraulita; istripuaren ondorioz, furgonetak kalte larriak izan ditu.
Hamar urteren ostean, Eibarren zezen-ikuskizunak atzera programatzea gaitzetsi du Haiekin elkarte animalistak
Elkartearen iritziz "atzerapauso handia" da, herriko San Joan jaietan hiru sokamutur saio programatzea, eta ohartarazi duenez "2016an PSE-EEk berak hartutako konpromiso ofizialen kontra doa".