Bikote bat epaituko dute Donostian, bi hilabeteko haurra astinduz haren bizia arriskuan jartzea egotzita
Zazpi urte eta zazpi hilabeteko espetxe-zigorra eskatu dute bikotearentzat. Haurrak lesio larriak jasan zituen 2023ko urrian jasandako astinduengatik.
Gipuzkoako Fiskaltzak zazpi urte eta zazpi hilabeteko espetxe-zigorra eskatu du bikote batentzat, bi hilabeteko alaba astinduz haren bizia arriskuan jartzeagatik. 2023ko urrian jazotako gertaerak astelehenean epaituko dituzte, Gipuzkoako Auzitegiko Lehen Sekzioan.
Akusazio-idazkiaren arabera, gurasoek gogor astindu zuten haurra, "gutxienez behin", biek batera edo bietako batek bestearen baimenarekin. Horren ondorioz, neskatoak lesio larriak izan zituen: estatus epileptikoa, entzefalopatia akutua, garezur barruko hematoma eta hipertentsioa, besteak beste. Gainera, odoljario ugari atzeman zizkioten bi begietan.
Lesio horien eraginez, Donostiako Unibertsitate Ospitaleko Zainketa Intentsibo Pediatrikoen Unitatean ingresatu behar izan zuten, arnasa hartu ahal izateko intubatuta. Fiskaltzaren arabera, umeak izan zituen sintomak "astindutako haurraren sindromearen erakusgarri argiak" dira, eta bizi-arriskuan egon zen.
Gertakarien ostean, epaitegiak guraso-ahala kendu zien gurasoei, eta haurra babesgabetasun-egoeran deklaratu zuten. Urgentziaz, osaba-izeben etxean hartu zuten, eta gurasoek ikuskatutako bisiten bidez baino ezin dute alabarekin harremanetan jarri.
Zure interesekoa izan daiteke
Euskadik 340 milioi bideratuko ditu 2030era arte Lanbide Heziketa inklusiboagoa eta enpresarekin konektatuagoa izateko
Lanbide Heziketako Euskadi 2030 Estrategia bost ardatzen inguruan egituratzen da eta 20 helburu estrategiko eta 37 ekintza ditu. Euskadin, gaur egun, 51.600 ikasle daude izena emanda Lanbide Heziketan, eta matrikulazioa % 33 igo da azken hamar urteetan.
Adamuzeko tren istripuan zer gertatu den jakin egingo dela azpimarratu du Sanchezek
Espainiako Gobernuko presidenteak Estatuaren babesa adierazi die Kordobako tren istripuaren biktimei, eta tragediari emandako erantzunean batasun instituzionala nabarmendu du.
Zer dakigu Kordobako tren istripuari buruz? Zer dago argitzeko?
Ordu gutxi batzuk baino ez dira igaro Adamuzen zorigaiztoko tren istripua jazo denetik. Argitu gabeko arrazoiak direla eta, bart, abiadura handiko tren bat errailetik atera da, eta kontrako noranzkoan zihoan Renferen tren bat bidetik aterarazi du. Horiek dira, oraingoz, baieztatuta dauden datuak.
Zer dakigu Kordoban istripua izan duen Iryo tren-konpainiari buruz?
Iryo konpainia italiar-espainiarra abiadura handiko tren-operadore pribatu handiena da eta 2022ko azaroan hasi zuen jarduna Espainian. Astean 400 zerbitzu baino gehiago eskaintzen ditu, hiru korridore handitan banatuta: ipar-ekialdea (Madril-Zaragoza-Bartzelona-Tarragona.), hegoaldeko korridorea (Madril-Kordoba-Sevilla/Malaga) eta Levanteko korridorea (Madril-Cuenca-Valentzia/Alacant/Albacete/Murtzia).
Renferen ustez, giza akatsak eta gehiegizko abiadurak ez dute tren istripua eragin
Alex Fernandez Heredia konpainiako presidenteak azaldu duenez, "arraroa" da istripua gertatu den modua, eta "gertatutakoaren inguruan espekulatzea orain okerrena izango litzateke".
Herri Nortek sexu-erasoak gaitzetsi ditu eta ikerketan lagunduko duela ziurtatu du
Athleticen zale taldeak komunikatu bat atera du, sare sozialetan hainbat testigantza argitaratu ondoren eta arduradun politikoek gertatutakoa argitzeko eta biktimak babesteko eskatu ondoren.
Poztasuna nagusitu da Bilboko senegaldarren artean, Afrikako Kopa Senegalek irabazi du eta
Bilboko San Frantzisko kalean festa handia egin dute Senegal-Maroko partida amaitu ondoren. Finala senegaldarren pozarekin eta Marokoko zaleen etsipenarekin amaitu zen.
Gutxienez 39 hildako eta 48 ospitaleratu Kordoban, abiadura handiko bi trenen arteko istripuan
Trenetako bat errailetik atera da Adamuzeko (Kordoba) 1. trenbidearen sarrerako desbideraketan eta alboko trenbidean sartu da. Beste tren bat zebilen bide horretan, eta hura ere errailetatik atera da. Madril eta Andaluzia arteko abiadura handiko trenen zirkulazioa bertan behera geratu da.
Puentek azaldu duenez, Adamuzeko istripua zuzengune batean gertatu zen, trena berria zen eta trenbidea berrituta zegoen: "Oso arraroa da"
Oscar Puente Garraio eta Mugikortasun Iraunkorrerako ministroak esan du oraindik ez direla ezagutzen Adamuzeko (Kordoba) tren-istripuaren arrazoiak, baina "oso arraroa" dela adierazi du, ezbeharra zuzengune batean gertatu delako, trena nahiko berria zelako eta trenbidea duela gutxi berritu dutelako.
Adamuzen istripua izan duen Iryoko trena duela lau egun ikuskatu zuten
Trenbide-operadoreak erakundeen arteko koordinazioaren garrantzia azpimarratu du, eta administrazio eta udalerrien aldetik jasotako babesa eskertu du.