Bikote bat atxilotu dute Beasainen furgoneta bat lapurtu eta ertzainei erasotzeagatik
Bikoteak laneko furgoneta bat lapurtu zuen Beasainen, eta, ondoren, aparkatuta zeuden hainbat ibilgailurekin talka egin zuen. Emakumeak haiek atxilotzera joan ziren ertzainak eraso zituen.
Ertzaintzak 21 urteko gizonezko bat eta 25 urteko emakume bat atxilotu ditu Beasainen, furgoneta bat lapurtzea leporatuta. Hain zuzen ere, emakumea ertzainei erasotzeagatik atxilotu dute, eta gizona, ibilgailua lapurtzeagatik. Furgonetak aparkatutako hainbat ibilgailurekin egin du talka , eta hainbat kalte ditu.
Segurtasun Sailak jakitera eman duenez, gertakariak asteazkenean jazo ziren, 08:30ak aldera. Ordu horretan, bizilagun batek salatu zuen bere lan-furgoneta aparkatuta zegoen tokitik desagertu egin zela.
.Ibilgailuaren GPS dispositiboari esker, ibilgailua, lapurreta gertatu zen lekutik kilometro eta erdira aurkitu zuten.
Furgoneta pinudi batean zegoen, mendi-hegal baten ertzean, motorra martxan eta gurpil bat lehertuta zeukala. Lapurrak atzeko eserlekuetan zeuden, eta identifikatu zituztenean, emakumea ertzainei oldartu zitzaien. Ondorioz, atxilotu egin zuten agenteen aurkako atentatu batengatik. Gizona, berriz, ibilgailua lapurtzeagatik atxilotu zuten.
Zure interesekoa izan daiteke
Protestek ez dute etenik Vueltan, baina Fiskaltzaren ustez ez dira Audientzia Nazionalaren eskumena
ELA sindikatuaren ustez, Beatriz Artolazabalen aurkako panfletoen jaurtiketa "guztiz gaitzesgarria" da
Bere etxe aurrean izandako "jazarpen ekintza" ez gaitzestea leporatu dio Artolazabalek EH Bilduri
Israelgo zazpi xake jokalarietatik hiruk baja eman dute ostiral honetan hasiko den Sestaoko txapelketan
Bonolotoak ia bi milioi euroko saria utzi du Zarautzen
Ingurumen Fiskaltzak salaketa jarri du Bilboko portuan hondakin kutsagarriak isurtzeagatik
Joxerramon Bengoetxea: "Protesta egiteko forma batzuk guztiz lekuz kanpo daude"
Zazpi pertsona zauritu dira Sestaon lotan zeuden pabilioian piztutako sutean kea arnastuta
