185 familiak gutuna bidali dute Euskadi Irratira, Bernedoko udalekuaren ereduaren alde egiteko
Espazio horren eredua defendatu dute, eta salatu egin dute antolatzaileak jasaten ari diren "jazarpena", "auzia neurrigabe kriminalizatzen" ari direla iritzita.
Sarrea Euskal Udaleku Elkarteak antolatutako Bernedoko udalekuan parte hartu duten 185 familiak eta legezko tutorek espazio horren eredua defendatu dute gutun batean, eta antolatzaileak jasaten ari diren "jazarpena" salatu dute, "auzia neurri gabe puztu" eta "kriminalizatu" dituztelako.
Familia horiek Euskadi Irratira euskaraz bidalitako gutuna Gasteizko Instrukzioko 3 zenbakiko Epaitegiak ustez kanpamentu horretan izandako sexu-askatasunaren aurkako "gertakarien" hiru adingabe "biktima-lekuko" gisa deklaratzera deitu eta biharamunean eman da argitara.
Udaleku horietan parte hartu duten seme-alabak dituzten familiek —kasu honetan, 185ek— gutun bat sinatu dute udalekua berriro aukeratuko luketela esan eta antolatzaileei eta begiraleei babes osoa emateko, sare sozialen bidez jasaten ari diren "jazarpenaren", "akusazioen" eta "mehatxuen" aurrean.
Gainera, komunikabide publiko eta pribatuak errealitatea "puzten" eta "desitxuratzen" ari direla salatu dute, begiraleen lana "kriminalizatzeko".
Oso eskertuta agertu dira beren seme-alabek "euskara eta feminismoa zutabe" dituzten eta "belaunaldi gazteenei aniztasuna zentzu zabalean" hautemateko tartea ematen dieten udaleku horietan parte hartzeko aukera izan dutelako.
Udalekuetan "gorputza espazio politiko" gisa ikustea eta bizitzako une guztiak, besteak beste atsedena, higienea eta otorduak, "espazio politiko" ere bihurtu izana eskertu dute.
"Ez gaituzte diskurtso faltsu, bortitz eta erreakzionarioekin nahastuko. Zuekin gaude", dakar gutunak.
Udaleku horrekin kritiko diren familien testigantzak argitara eman zirenean, begiraleek ohar bat argitaratu zuten, euren proiektua "autogestionatua, feminismoan, euskaran eta lan komunitarioan oinarritua" dela defendatzeko, eta horrek bat egiten du asteazken honetan ezagututako gutunean azaldutakoarekin.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.