Hasi da Korrikaren egunean etorkinei Lapurdira sartzen laguntzeagatik auziperatutako zazpi lagunen aurkako epaiketa
Urtarrilean atzeratu ondoren, astearte honetan hasi da Baionako auzitegian 36 etorkini Lapurdira sartzen laguntzea leporatzen dieten zazpi lagunen aurkako epaiketa. Epaitegiaren aurrean ehun lagun inguru bildu dira auziperatuei babesa erakusteko.
Zazpi akusatuek 750.000 euro arteko isunei eta 10 urteko kartzela zigorrari egin beharko diote aurre. Epaiketan euskaraz deklaratzeko aukera ukatu diete.
2024ko martxoaren 14an, 23. Korrika abiatu berritan, herritar talde batek 36 etorkinekin batera hartu zuten parte AEKren aldeko lasterketan eta Irundik Hendaiarako bidea egin zuten denek Santiago Zubitik barrena.
Desobedientzia ekintza horretan politikako, gizarteko eta sindikatuetako 20 eragilek hartu zuten parte eta Europako migrazio politikak salatzeko baliatu zuten. Frantziako Estatuak zazpi kide auziperatu ditu migratzaileei laguntzea leporatuta.
Auziperatuek elkartasun zabala jaso dute hilabete hauetan guztietan. 2024ko azaroan martxan jarritako J’accuse kanpainaren bidez 5.000 lagun inguruk euren buruak autoinkulpatu dituzte.
Horrez gainera, hainbat hautetsiren babesa ere jaso dute. Ipar Euskal Herriko 19 udalerritako auzapezek auziperatuen absoluzioa eta “migrazio politika gizatiarrak” eskatu dituzte. Pariseko gorteetako euskal diputatuek haien aldeko deklarazioa egin zuten eta gaia Europako Parlamentuko diputatuen artera ere iritsi da.
2021etik 10 migratzaile hil dira Euskal Herrian Espainiako eta Frantziako estatuen arteko muga zeharkatu nahian.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.