Bizkaiko Auzitegia
Absolbitu egin dute Santurtzin 400 adingabe txertorik gabe utzi zituen erizaina, asaldura psikologikoa duela iritzita
Bizkaiko Auzitegiak zigorraren ordez segurtasun-neurriak ezarri dizkio: kanpoko tratamendu medikoa eta erizaintzan lan egitea debekatzea, eta 20.000 euroko kalte-ordaina ordaindu beharko dio Osakidetzari.
Bizkaiko Auzitegiak absolbitu egin du erizain bat, Santurtziko osasun zentroan haurren immunizazio kanpainan 400 adingabe inguru txertorik gabe utzi izana leporatuta.
EITBk jakin duenez, auzitegiak frogatutzat jo du akusatuak asaldura psikiko baten eraginpean jardun zuela, eta horrek erantzukizun penaletik salbuesten duela, Zigor Kodearen 20.1 artikuluko salbuesgarri osoa aplikatuta.
Epaitzak dakarrenez, erizaina absolbitu egin dute kalteak eragin eta dokumentuak faltsutzeagatik. Kartzela zigorrik ez du bete beharko, biana segurtasun-neurriak ezarri zaizkio. Besteak beste, psikiatriako espezialista batek agindutako kanpoko tratamendu medikoa jaso beharko du, eta osasun arloko lanbideetan aritzea galarazita izango du bi urtez, kalte-delitua egiteagatik, eta bost urtez, dokumentuak faltsutzeagatik.
Era berean, epaiak Osakidetzari eragindako kalteengatik 20.000 euroko kalte-ordaina ematera behartzen du akusatua. Epaitzaren aurka apelazio-errekurtsoa jar daiteke Euskal Autonomia Erkidegoko Auzitegi Nagusiko Zibileko eta Zigor Arloko Salan, hamar egun balioduneko epean.
Alfonso Gonzalez-Guija Jimenez, Reyes Goenaga Olaizola, Jesus Agustin Pueyo Rodero eta Maria Reyes San Emeterio Peña magistratuek sinatu dute ebazpena, eta amaiera ematen dio 2021ean Kabiezesko anbulatorioko haurren txertaketa-erregistroetan irregulartasunak aurkitu ondoren hasi zen prozesuari.
Epaitegiak kontuan hartu ditu eldarnio-nahasmendu iraunkorra frogatzen duten auzitegiko txostenak, eta horrek eragin larria izango zukeen bere ekintzak zilegiak ez zirela ulertzeko gaitasunean.
Defentsaren erreakzioa
Defentsak osasun mentaleko gaixotasuna izateak dakarren "giza drama" nabarmendu du, Osakidetzak ez baitzuen aintzat hartu.
Luis Maria Pardo eta Ruben Gutierrez Sobrino abokatuek azaldu dutenez, "epaiak aitorpen garrantzitsua egiten dio akusatuaren errealitate klinikoari" eta gaixotasun horrekin bizitzeak dakarren "giza dramari".
"Ez gaude erantzukizunak saihestu zituen pertsona baten aurrean, gertakarien unean ez zen gai ulertzeko bere jokabidea ez zela zilegi", ziurtatu dute abokatuek.
Hori dela eta, Bizkaiko auzitegiak salbuesgarri osoa aplikatzea erabaki izana baloratu dute; izan ere, "erantzukizun penala eta gaixotasun mentala zorrotz bereizten dituen justizia ekintza da".
Zure interesekoa izan daiteke
STOP AHT Zundaketak taldeak udalei eskatu die zundaketa lanetan ez laguntzeko
Aurreikuspenen arabera, Ataunen, Idiazabalen, Beasainen eta Bakaikun dira zundaketak egitekoak, 'Euskal Y'-aren eta Nafarroaren arteko lotunea aztertzeko.
GOIDIaren biktimen protesta Valentziako Gorteen atarian, Mazonen agerraldia dela eta
Valentziako GOIDIaren biktimen elkarteek elkarretaratzea egin dute Valentziako Gorteen atarian, Carlos Mazon Generalitateko jarduneko presidentea ikerketa batzordean agerraldia egiten ari zen bitartean. Epaitegira joateko diputatu akta ez uztea aurpegiratu diote biktimek Mazoni.
Eusko Jaurlaritzak etxaldeei eskatu die hegazti gripeari aurre egiteko neurriak bete ditzatela
Elikadura, Landa Garapen, Nekazaritza eta Arrantza Sailak premiazko bilera deituko du datozen egunotan, sektoreko eta erakundeetako ordezkariekin, egoeraren jarraipena egiteko.
Europako ikerketa baten arabera, eleaniztasunak gazte izaten laguntzen du
Ikerketak ondorioztatu duenez, hizkuntza bat baino gehiago hitz egiten duten pertsonak gainerakoak baino georago zahartzen dira.
Behobiako partaide bat salbatu zuen mediku korrikalaria: "Luze egin zen, 10 minutu egon ginen bihotz-biriketako bizkortzea egiten"
Rafa Pajaresek, Segoviako Ospitaleko ZIUko medikuak, ez du ahaztuko joan den igandean Behobia-Donostia lasterketan bizi izandakoa. Lasterketako 10. kilometroan oihuak eta "parada" hitza entzun zituen. Berehala laguntza ematera hurbildu zen. Bertan zeuden beste osasun-langilerekin batera, bihotz-biriketako geldialdian zegoen korrikalaria suspertzea lortu zuten.
Alboka eta txalaparta doinuekin hartu dituzte Palestinako selekzioko jokalariak
Futbolari palestinarrak astearte eguerdan iritsi dira Bilboko Aireportura, euskal futbol selekzioarekin larunbatean San Mamesen duten hitzordurako. Bilbon dauden bitartean, EHUren ikasle-egoitza batean hartuko dute ostatu.
Nortasun agiria lapurtu zioten eta iruzurra egin duelakoan ikertu dute: bizkaitar neska gazte baten kalbarioa
22 urteko Iratik salatu du 2023an nortasun agiria lapurtu ziotela, eta Internet bidez iruzurrak egiteko erabili izan dutela haren dokumentazioa. Hiru auzi judizialetan ikertu gisa deklaratzera deitu dute, eta akats baten ondorioz atxilotu dute.
Gertakariak oroitu eta familiak omentzeko ekitaldi handi batekin gogoratuko dute aurten Martxoaren 3a Gasteizen
Udalak eta Martxoak 3 elkarteak jarduera programa bat antolatu dute, elkarlanean; tartean, zinema ziklo bat eta literatur lehiaketa. Otsailaren 28an Europa Jauregian egingo da oroimen ekitaldi handia, nahi duen orori irekia.
-5?fmt=webp-alpha&qlt=80)
Nerabeen % 10ak ziber-jazarpena jasan du eta hirutik batek indarkeria digitala bikote harremanetan
Haurtzaroa, nerabezaroa eta ongizate digitala neurtzen dituen UNICEFen txosten berriaren arabera, azken lau urteetan jaitsi egin dira “sexting” kasuak zein mugikorraren erabilera ikasgelan, baina antsietatea eta indarkeria digitala areagotzen ari dira.
Palestinako futbol selekzioko jokalariei doako ostatua emango diete EHUren egoitza batean
Miguel de Unamuno ikastetxe nagusian hartuko dute ostatu futbolari palestinarrek, Bilbon egingo duten egonaldia bitartean. Iker Goñi Euskadiko Futbol Federazioaren presidenteak azaldu duenez, euskal selekzioak etxean inoiz egindako partidarik jendetsuena izango da larunbateko hitzordua, hiru astean 50.000 sarrera baino gehiago saldu dituztelako.