Seme-alaben zaintzarako lanaldi-murrizketen edo eszedentzien dirulaguntzak % 10 igoko dira
Halaber, 4 eta 7 urte bitarteko seme-alabak dituzten guraso bakarreko familiek 100 euroko laguntza jasoko dute, familia ugariek dagoeneko jasotzen duten dirulaguntza bera. 2026ko urtarril edo otsailerako dekretu berria onartzea aurreikusi du Eusko Jaurlaritzak.
Eusko Jaurlaritzako Ongizate, Gazteria eta Erronka Demografiko Sailak neurri sorta bat aurkeztu du EAEko familientzako kontziliaziorako. Neurri horiek 2026ko lehen hiruhilekoan jarriko dira abian. Berritasun nagusia da laguntza horien zenbatekoa % 10 handituko dela lanaldia murrizten dutenentzat edo seme-alabak edo mendeko senitartekoak zaintzeko eszedentzia eskatzen dutenentzat, eta % 30 familia zaurgarrientzat.
Nerea Melgosa Ongizate, Gazteria eta Erronka Demografikoko sailburuak egin du iragarpena, Familien Euskal Kontseiluak astearte honetan Gasteizen egin duen osoko bilkuraren ondoren.
Eszedentzien kasuan, 20.000 eurotik beherako familia-errenten kasuan, zenbatekoa urtean 3.500 eurotik 3.850 eurora luzatzen da (lanaldiaren eta urtearen % 100 erreferentziatzat hartuta). Lanaldi-murrizketei dagokienez, % 33tik % 40ra bitarteko murrizketetarako (laguntza jasotzeko gutxienekoa), 2.200 eurotik 2.420 eurora zabaltzen da 20.000 eurotik beherako errentetarako.
EAEn ia 60000 pertsonak dute murriztuta lanaldia edo eszedentzia hartu dute beren seme-alabak edo mendetasuna duten senideak zaintzeko. Laguntza horiek familien diru-sarreren galera konpentsatzea dute helburu, eta 2026an 2,17 milioi euroko kostua izango dutela aurreikusi du Eusko Jaurlaritzak.
Gainera, hileko 200 euroko txekea lau urtera arte luzatuko da ardurapeko seme edo alaba bakoitzeko, baina ez du atzeraeraginik izango. Era berean, 4 eta 7 urte bitarteko seme-alabak dituzten guraso bakarreko familiek familia ugariek hilean jasotzen dituzten 100 euroko laguntza ere jasoko dute.
Melgosak azaldu duenez, Jaurlaritzak lehenbailehen gauzatu nahi dituen dekretu horiek onartzeko izapideak, datorren urteko urtarrilean edo otsailean onartu ahal izateko.
Horrela, adingabeak edo mendekoak zaintzeagatiko eszedentziak eta murrizketak jasotzen dituen 164/2019 Dekretua eguneratzen du, 15 urtean lehen aldiz, Nerea Melgosa sailburuak zuzentzen duen Sailak. Gainera, laguntza horiek eskuratzeko administrazio-izapideak erraztea ere izango du helburu dekretu berriak.
Datorren ekitaldian kontziliaziorako, hazkuntzarako eta familientzako 32,7 milioi euroko inbertsioa egingo du Eusko Jaurlaritzak.
Zure interesekoa izan daiteke
Donostia, 24 orduko jaiari hasiera emateko prest
Begirada gehien Gipuzkoako hiriburuak biltzen baditu ere, Azpeitian eta Nafarroako Tafalla eta Lakuntza herrietan ere ospatzen dituzte danborradak.
Gutxienez 10 hildako eta 25 zauritu larri Kordoban, abiadura handiko bi trenenen arteko istripuan
Trenetako bat errailetik atera da Adamuzeko (Kordoba) 1. trenbidearen sarrerako desbideraketan eta alboko trenbidean sartu da. Beste tren bat zihoan hortik eta hura ere errailetatik atera da. Madril eta Andaluzia arteko abiadura handiko trenen zirkulazioa bertan behera geratu da.
Celtako zaleek azazkalak margotu dituzte Borja Iglesiasen alde, futbolariak Sevillan jasotako irain homofoboak salatzeko
Sevillaren aurkako partida bukatu zenean, Sanchez Pizjuanen jokalariak jaso zituen irainen aurrean, gaurko Balaidosko norgehiagokara azazkalak margotuta joatera animatu zituen klubak jokalari eta zaleak. Iglesiasek berak urteak daramatza homofobiaren aurka borrokatzen, eta azazkalak margotuta eramatea izan da bere ezaugarrietako bat.
Auzitegi Gorenera jo du Kermanen familiak Arabako Auzitegiak haren hilkeren "larritasuna murrizten" duela iritzita
Azaroan behin-behineko askatasuna eman zioten erasotzaileari eta epaiketa labur bat egingo zela ebatzi zuen Arabako Auzitegiak, instrukzio epaitegiaren iritziaren kontra.
Pertsona bat hil da Benasquen, elur-jausi batek harrapatuta
Cerler eski estazioan gertatu da ezbeharra. Dirudienez, hainbat elur-jausi izan dira gaur pistetatik kanpo.
Lau gazte atxilotu dituzte Bedian, Euskotrenen tren batean grafitiak egitea egotzita
18 eta 21 urte bitarteko lau gizonezko hartu dituzte atxilo, trenbidean barrikada bat jarri eta Euskotrenen tren batean pintaketak egitea leporatuta.
Hamar pertsona erietxera eraman dituzte Gasteizko lonja batean izandako sutean kea arnasteagatik
Ertzaintzak jakitera eman duenez, igande goizeko zortzi eta erdietan gertatu da. Ikerketa abiatu dute sua zerk eragin duen argitzeko.
Pertsona bat erreskatatu dute Basauriko zubi batetik ibaira erori ostean
Larrialdi zerbitzuek gizon bat erreskatatu dute larunbat honetan, Agirre Lehendakariaren etorbideko zubi batetik uretara erori ondoren.
Ertzaintzak giza gorpuzkiak kiskalita topatu ditu Ortuellan
Ikerketa abian dute gertatutakoa argitu eta istripua izan den edo kriminalitate zantzuak dauden zehazteko. Oraindik ez dute biktima identifikatu.
11 pertsona intoxikatu dira kea arnastuta Baionan piztu den sute batean
Baiona iparraldeko lau solairuko etxebizitza batean piztu dira garrak, 10:30 aldera, eta eguerdirako itzali dute sutea. Sei pertsona ospitaleratu behar izan dituzte.