Leticia Landa estatubatuarrak irabazi du Basque Culinary World Prize 2025 saria
Joan Roca buru izan duen epaimahaiak Landa saritzea erabaki du, La Cocina proiektuan egin duen lanagatik. San Frantziskon (AEB) sukaldaritza munduan sartu nahi duten eta bazterketa-egoeran dauden komunitateetako talentudunei zuzendutako proiektua da.
Mexikar jatorriko Leticia Landa estatubatuarrak irabazi du Basque Culinary World Prize 2025 saria, La Cocina proiektuan egin duen lanagatik. San Frantziskon (AEB) sukaldaritza munduan sartu nahi duten eta bazterketa-egoeran dauden komunitateetako talentudunei zuzendutako proiektua da.
Ateak zabaldu berri diuten Gastronomy Open Ecosystem (GOe) espazioan egiten ari diren Talaia kongresuan iragarri da sariaren hamargarren ekitaldiko irabazlearen izena.
Landari buruzko bideo bat proiektatu da ekitaldian. Azaroan jasoko du saria, Donostian egingo den zeremonia batean, baina azaldu duenez, saria lan kolektibo baten aitortza da, "20 urtez La Cocinaren misioari tinko heldu dioten pertsona askoren ahaleginari" aitortza, hain zuen ere.
"Ohorea da sari hau La Cocinan lan egin dugun eta indarrak batu dituzten guztion izenean jasotzea; horiek, euren istorioak nirekin partekatuta, frogatu didate zer egiteko gai diren. Iraganeko eta oraingo lankide guztiekin elkarbanatzen dut sari hau", esan du Landak.
100.000 euroko sari aitzindaria Eusko Jaurlaritzak eta BCCk sustatzen dute eta hainbat arlota, besteak beste, jasangarritasunean, elikadura-heziketan, osasunean, nutrizioan, integrazio kulturalean, tokiko garapen ekonomikoan, biodibertsitatean eta berrikuntza zientifikoan sukaldaritza gizartea eraldatzeko tresna gisa erabiltzen duten pertsonak saritzen ditu.
Munduko sukaldari garrantzitsuenetako batzuek osatu dute Joan Roca buru duen epaimahaia, eta, azaldu dutenez, ez da "batere erraza" izan "proposamen zoragarri" ugariren artean aukera egitea. Hala ere, azkenean, bat etorri ziren epaimahaikideak Landak La Cocina ekimenean egin duen "funtsezko lana" aitortzeko.
Proiektu horretan "prestakuntza, inkubazio eta laguntza aukerak" sortzen dira, onuradunek "beren negozioak gidatu eta errentagarri egin ditzaten", eta horiek "hirien bihotz produktiboaren parte bihur daitezen, horrela, beren inguruneak gastronomiaren bidez eralda ditzaten".
Gainera, epaimahaikideek aipamen berezia egin diote João Diamanteri, Brasilen egindako lanagatik, gastronomiako prestakuntza "nork bere buruaren mugak gainditzeko tresna gisa" erabiltzen duelako, eta Matthew Evansi, "elikagaiak modu etikoan eta jasangarrian ekoizteko erronkei buruz kontzientziatzeko" Australian dibulgatzaile gisa egindako ekarpenagatik.
Leticia Landa Texasen jaio zen, eta, etorkin mexikarren alaba den aldetik, "ondotxo daki zer den bere komunitateaz bestelako komunitate batean integratzea, lanaren eta hezkuntzaren bidez".
"Sukalde eta boluntariotza ekimenen artean lanean, Antropologia ikasi zuen. 2008an batu zen La Cocinara, eta bertan haren ñama funtsezkoa izan da proiektuaren bilakaerarako. Egitasmo horrek 100 negozio inguru ditu gaur egun, batzuk, abiatzen, eta beste batzuek jada ezarriak", BCCk ohar batean jakinarazi duenez.
San Frantziskoko badiako 40 jatetxe, kafe eta kioskok baino gehiagok hartu dute parte La Cocina programan. Lorpen handienetako bat da parte-hartzaileen % 70ek negozio aktiboak dituztela programa horretan graduatu eta hamar urtera.
Gizarteari buruzko albiste gehiago
Sute ikusgarri batek Zumaiako baserri bat erre du
Ez da kalte pertsonalik izan, eraikina hutsik zegoelako. Suhiltzaileak bertaratu dira sutea itzali ahal izateko eta sutea zerk eragin duen jakiteko. Zumaia eta Getaria lotzen dituen N-634 errepidea itxi behar izan dute garrak itzali arte.
Eusko Jaurlaritzak jarduera fisikoa eta ongizatea sustatzeko Mugiment Mahaia aurkeztu du
Mugiment Mahaiaren helburua aldaketa soziala sortzea da, sinergiak sortuz eta modu koordinatuan lan eginez.
Gasteizko Judimendi parkeko lanak geldiarazi dituzte, aztarna arkeologikoak aurkitu dituzte eta
Hezur-hondarrak aurkitu zituzten tirolina eta beste jolas batzuk jartzeko lanak gauzatzen ari ziren bitartean.
EHUko Arabako campusa kerik gabeko lehen unibertsitate eremu bihurtu da
Kerik Gabeko Guneen Sarearekin bat egin duen lehen unibertsitate-eremu bihurtu da Euskal Herriko Unibertsitatearen Arabako campusa. Sarea 2021ean sortu zuen Eusko Jaurlaritzak, Euskadiko foru-aldundiekin eta udalekin lankidetzan, eta, besteak beste, tabakoa eta horren deribatuak (lurrungailuak, esaterako) kontsumitzen hastea prebenitzea eta zigarrokinek eragindako kutsadura saihestea du helburu.
Osakidetzak txertaketa-zentro bat jarriko du Bilbon, gripearen aurkako txertoa aldez aurreko hitzordurik gabe jasotzeko
Ostiral honetatik aurrera, Bilboko Casillako pabilioian 15 postu jarriko dituzte, herritar guztiek, 08:00etatik 20:00etara, gripearen aurkako txertoa jartzeko, aldez aurretik hitzordua eskatu beharrik gabe, pandemian egin zuen bezala.
Kaio hankahori batek hegazti-gripea duela hauteman dute Lasarte-Orian
Udalak "hildako zein gaixotutako hegaztiekin, haien gorotzekin eta jariakinekin kontakturik ez izatea" gomendatu du.
AP-8 errepideko zirkulazioa ohiko martxan dabil, Usurbil parean, hiru istripuren ondorioz bost kilometroko auto-ilarak izan ostean
Zirkulazioa oso motela izan da Irunerako noranzkoan. Hiru istripu izan dira, eta, ondorioz, errei bat itxi dute eta bost kilometroko auto-ilarak sortu dira. 09:00ak pasata, erreia ireki dute eta zirkulazioa ohiko martxara itzuli da pixkanaka. Gainera, Zamudion kamioi batek eta auto batek elkar jo dute, eta horrek trafikoa moteldu du BI-637 errepidean.
Amaya Zabarteren senarrak justizia exijituko du gaur, Legebiltzarrean egingo duen agerraldian
Ertzaintzak botatako foam jaurtigai batek larri zauritu zuen Zabarte iazko martxoan, Realaren eta PSGren arteko partidaren atarian Anoeta estadioaren inguruan izandako istiluetan.
Gidabaimena 17 urtetik aurrera atera ahal izango da
Hori bai, esperientzia duen heldu batekin joan beharko dute adinez nagusi izan arte. Europak gaur onartu du gidabaimenen inguruko araudi berria, eta adinarena da aldaketa nagusienetako bat. Orain, estatu kideek hiru urtera arteko epea izango dute, bakoitzak bere legedira egokitzeko.