Leticia Landa estatubatuarrak irabazi du Basque Culinary World Prize 2025 saria
Joan Roca buru izan duen epaimahaiak Landa saritzea erabaki du, La Cocina proiektuan egin duen lanagatik. San Frantziskon (AEB) sukaldaritza munduan sartu nahi duten eta bazterketa-egoeran dauden komunitateetako talentudunei zuzendutako proiektua da.
Mexikar jatorriko Leticia Landa estatubatuarrak irabazi du Basque Culinary World Prize 2025 saria, La Cocina proiektuan egin duen lanagatik. San Frantziskon (AEB) sukaldaritza munduan sartu nahi duten eta bazterketa-egoeran dauden komunitateetako talentudunei zuzendutako proiektua da.
Ateak zabaldu berri diuten Gastronomy Open Ecosystem (GOe) espazioan egiten ari diren Talaia kongresuan iragarri da sariaren hamargarren ekitaldiko irabazlearen izena.
Landari buruzko bideo bat proiektatu da ekitaldian. Azaroan jasoko du saria, Donostian egingo den zeremonia batean, baina azaldu duenez, saria lan kolektibo baten aitortza da, "20 urtez La Cocinaren misioari tinko heldu dioten pertsona askoren ahaleginari" aitortza, hain zuen ere.
"Ohorea da sari hau La Cocinan lan egin dugun eta indarrak batu dituzten guztion izenean jasotzea; horiek, euren istorioak nirekin partekatuta, frogatu didate zer egiteko gai diren. Iraganeko eta oraingo lankide guztiekin elkarbanatzen dut sari hau", esan du Landak.
100.000 euroko sari aitzindaria Eusko Jaurlaritzak eta BCCk sustatzen dute eta hainbat arlota, besteak beste, jasangarritasunean, elikadura-heziketan, osasunean, nutrizioan, integrazio kulturalean, tokiko garapen ekonomikoan, biodibertsitatean eta berrikuntza zientifikoan sukaldaritza gizartea eraldatzeko tresna gisa erabiltzen duten pertsonak saritzen ditu.
Munduko sukaldari garrantzitsuenetako batzuek osatu dute Joan Roca buru duen epaimahaia, eta, azaldu dutenez, ez da "batere erraza" izan "proposamen zoragarri" ugariren artean aukera egitea. Hala ere, azkenean, bat etorri ziren epaimahaikideak Landak La Cocina ekimenean egin duen "funtsezko lana" aitortzeko.
Proiektu horretan "prestakuntza, inkubazio eta laguntza aukerak" sortzen dira, onuradunek "beren negozioak gidatu eta errentagarri egin ditzaten", eta horiek "hirien bihotz produktiboaren parte bihur daitezen, horrela, beren inguruneak gastronomiaren bidez eralda ditzaten".
Gainera, epaimahaikideek aipamen berezia egin diote João Diamanteri, Brasilen egindako lanagatik, gastronomiako prestakuntza "nork bere buruaren mugak gainditzeko tresna gisa" erabiltzen duelako, eta Matthew Evansi, "elikagaiak modu etikoan eta jasangarrian ekoizteko erronkei buruz kontzientziatzeko" Australian dibulgatzaile gisa egindako ekarpenagatik.
Leticia Landa Texasen jaio zen, eta, etorkin mexikarren alaba den aldetik, "ondotxo daki zer den bere komunitateaz bestelako komunitate batean integratzea, lanaren eta hezkuntzaren bidez".
"Sukalde eta boluntariotza ekimenen artean lanean, Antropologia ikasi zuen. 2008an batu zen La Cocinara, eta bertan haren ñama funtsezkoa izan da proiektuaren bilakaerarako. Egitasmo horrek 100 negozio inguru ditu gaur egun, batzuk, abiatzen, eta beste batzuek jada ezarriak", BCCk ohar batean jakinarazi duenez.
San Frantziskoko badiako 40 jatetxe, kafe eta kioskok baino gehiagok hartu dute parte La Cocina programan. Lorpen handienetako bat da parte-hartzaileen % 70ek negozio aktiboak dituztela programa horretan graduatu eta hamar urtera.
Zure interesekoa izan daiteke
Hiru etxebizitza hustu behar izan dituzte Gazolazen, Oltza Zendean piztutako sute batengatik
Sutea piztu da arratsaldean Oltza Zendean, Nafarroan. Zereal soro batean piztu da sua, eta Gazolazko hiru etxebizitza hustu behar izan dituzte, badaezpada. Pinudi bat ere harrapatu dute sugarrek. 20:30 aldera lortu dute sutea estabilizatzea. Gauean, sua erabat itzaltzen eta ingurua freskatzen arituko da suhiltzaile talde handi bat.
USaPeko euskarazko azterketan 0 bat atera duten ikasleek protesta egin dute Bilbon
Dozenaka ikasle ez daude konforme USaPeko euskarazko azterketan lortutako emaitzarekin eta, irakasleekin batera, egoerari irtenbidea emateko eskatu dute gaur Bilboko Ingenieritza Fakultate kanpoan.
Zortzi urte eta erdiko kartzela-zigorra ezarri diote Rafa Mir futbolariari, sexu-erasoagatik eta lesioengatik
Bigarren akusatu bati 2 urteko kartzela-zigorra ezarri diote, sexu-eraso delituengatik.
Aurrera doa Tolosako ospitale berriaren esleipena, nahiz eta EH Bilduk murrizketak kritikatu dituen
Alberto Martinez Osasun sailburuak adierazi du prozesua bide onetik doala eta aste honetan bertan espero duela ospitale berria eraikitzeko proiektua esleitzea, lanak 2028an hasi eta 2031n amaitzeko asmoz. Bien bitartean, Rebeka Ubera EH Bilduren legebiltzarkideak gogor kritikatu du dokumentua, eta alternatiba guztiak ondo aztertu diren zalantzan jarri du.
Zubietako espetxearen inaugurazio ofizialak gizarteratzearekiko konpromisoa finkatu du, Martuteneko ereduaren aurrean
Pertsona erdigunean jartzen duen espetxe sistema propioa aldarrikatu du bertan Imanol Pradales lehendakariak, eta ETAk hil zituen espetxe funtzionarioei aitortza egiteko baliatu dute ekitaldia Pradalesek eta Fernando Grande-Marlaska ministroak.
EHUk gogorarazi du gauerdian amaituko dela USaPeko azterketak berrikusteko eskaria egiteko epea
Iritsi da EHUren oharra, Euskarari dagokion azterketan dozenaka ikasleri "0" jarri zien akats informatikoaren ondotik. Unibertsitateak akatsa konpondu zuela adierazi arren, egoerak egonezina sortu du kaltetutako ikasle eta familien artean, eta gaur goizean San Mamesko Ingeniaritza Fakultatearen aurrean elkarretaratzea egin dute.
Etxebizitzaren arazoak handitzen jarraitzen du, eta EAEko herritarren % 60 kezkatzen ditu dagoeneko
Politikaren arloan, herritarren % 25ek nahiago dute Pradales (EAJ) lehendakari izatea; % 11k, berriz, Otxandianoren (EH Bildu) alde egin dute. Hala jasotzen da Eusko Jaurlaritzak egindako azken soziometroaren datuetan.
Pedrosak iragarri du beroari aurre egiteko hainbat neurri ezarriko dituztela lau ikastetxetan, pilotu gisa
Begoña Pedrosa Hezkuntza sailburuak iragarri du ikastetxeak muturreko bero-boladetara egokitzeko plan bat jarriko dutela martxan. Proiektua uda honetan abian jartzea aurreikusten da, Euskal Autonomia Erkidegoko lau ikastetxetan, proba pilotu gisa, familien protestei erantzunez. Izan ere, Bilboko hainbat ikasgelatan 35 graduko tenperaturak erregistratu dira eta ikasle batzuek bero-kolpeak izan dituzte.
Milaka pertsona elkartu dira Amurrion, Araba Euskaraz jaiaz gozatzeko
"Taupadak berpiztu!" lelopean, Aresketa Ikastolak antolatu du musikaz, kulturaz eta adin guztientzako jarduerez beteriko jai jendetsua. Eguzkia eta beroa ere protagonista izan dira Arabako ikastolen festan.
Euskal Herriko lehenengo “Gazta Rolling” lehiaketa antolatu dute Urnietan
Azkorteko ermita alboko maldaren goialdean partehartzaileak kokatu ostean, hasi da ikuskizuna. 30 bat lehiakide abiatu dira gaztaren atzetik, eta Xabik ireki du lehiaketa honetako garaileen zerrenda.