Bernedoko udalekuen aurkako espedientea irekiko du aste honetan Arabako Foru Aldundiak
Gasteizko Instrukzioko 3. zenbakiko Epaitegiak hasitako ikerketarekin batera zabalduko dute espedientea, eta geldiarazi egin beharko du, azkenean kasua bide penalera iristen bada.
Bernedoko udalekua. Argazkia: EITB
Arabako Foru Aldundiak zehapen-espediente bat irekiko du datorren astean Sarrea Euskal Udaleku Elkarteak antolatutako Bernedoko udalekuaren aurka. Aurkeztutako salaketen arabera, begiraleak biluzik dutxatzen ziren nerabeekin, eta beste zenbait ekintza ere badaude jomugan.
Espediente hori Ana del Val Kultura eta Kirol diputatuak sinatuko du, Gasteizko Instrukzioko 3 zenbakiko Epaitegiak irekitako ikerketarekin batera izapidetuko da, eta gelditu egingo dute, azkenean kasua bide penalera iristen bada.
Aldundiko iturriek azaldu dutenez, espediente honen helburua salatutakoak bezalakoak berriro ez gertatzea da, baina ohartarazi dute oraindik ezin dela zehaztu zer neurri hartuko dituzten, prozesu luzea izango baita, eta, besteak beste, alegazioak aurkezteko epeak ireki beharko baitira.
Diputatuak urriaren 9an Arabako Batzar Nagusietan egindako agerraldian iragarri zuen espedientea irekiko zuela, eta bertan aitortu zuen ez zekiela administrazioen "akatsa" zein izan zen.
Arabako Foru Aldundiak ez zuen duela urte batzuetatik egiten den udaleku horren berri irailaren 15era arte. Orduan, Gazteriaren Foru Erakundeak ama baten mezu elektroniko bat jaso zuen, udaleku horretan jarduera "desegokiak" izan zirela ohartarazteko.
Hamar egun geroago, irailaren 25ean, horren berri jendaurrean eman zenean, Aldundiak elkarte feministen bi idazki jaso zituen, gertakari oso larriak kontatzen zituztenak.
Horren ondorioz , hilaren 27an bilera bat antolatu zuten Arabako, Bizkaiko eta Gipuzkoako familia kaltetuekin, gertatutakoari buruzko dokumentazio guztia eskatu zitzaien, eta Ertzaintzaren aurrean salaketa jartzera animatu zituzten. Aldundiak dagoeneko bidali dio Fiskaltzari kasuari buruzko dokumentazio guztia, Arabako Aldundiko iturriek baieztatu dutenez.
Gainerako euskal erakundeei ere eskatu zien informazioa. Bizkaiko Foru Aldundiak ama baten kexaren berri eman zien 2019an (Eusko Jaurlaritzari bidali zioten), eta Gipuzkoakoak salaketa baten berri eman zien 2024ko urtarrilaren 3an.
Diputatuak aitortu zuen aldundiek eta Eusko Jaurlaritzak ez zutela elkartea erregistroetan, eta hark ere ez zuela inoiz eman antolatzen zituen kanpalekuen berri. Horretara behartuta dago, eta horregatik irekiko da zehapen-espedientea.
Zure interesekoa izan daiteke
Osakidetzak gaur amaituko du iraungitako hexabalente-dosia jaso zuten 30 pertsonak berriz txertatzen
Gainera, Euskal Osasun Zerbitzuak aste honetan deituko die tetrabalentearen eta hirukoitz birikoaren iraungitako txertoak jaso dituztela uste den 78 pertsonei.
Santurtzi eta Barakaldo arteko aldirietako tren-zerbitzua eten dute, matxura baten ondorioz
Santurtzitik Barakaldorako joan-etorrian dabiltzan tren guztiek Desertu-Barakaldo geltokitik hasi eta amaituko dute ibilbidea, eta erabiltzaileek autobus zerbitzua izango dute helmugara iristeko.
Gipuzkoako lehen Ostalaritza Eskola izango da 2027tik aurrera
Euskadiko laugarren ostalaritza-eskola izango litzateke, Leioa, Galdakao eta Gamarrako eskolekin batera. Hezkuntza Saila Donostiako Udalarekin lanean ari da kokapenerako.
Gutxienez bi kilometroko auto-ilarak N-1 errepidean, Andoainen, kamioi baten matxuragatik
Kamioi baten matxurak eragina izan du N-1eko trafikoan, Gasteizko noranzkoan, eta zirkulazio motela eragiten ari da lehen orduan.
Gaur hasiko da Euskadin 2026-2027 ikasturterako aurrematrikulazio epea
Otsailaren 13ra arte egongo da zabalik aurrematrikula egiteko epea. Derrigorrez egin behar dute bi urteko ikasgeletako ikasleek, baita ikastetxe batera lehen aldiz sartzen direnek edo hizkuntza-eredua aldatu nahi dutenek ere.
Gizon batek bikotekidea hil du Pontevedran eta bere buruaz beste egin du ondoren, atxilotu aurretik
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Gizona etxebizitza batean gotortu da eta Guardia Zibila berarekin negoziatzen aritu da arratsalde osoan, entregatu zedin, baina bere buruaz beste egin du azkenean.
Lau urteko haur bat oso larri zauritu da Oionen, etxeko bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.