Dagoeneko 17 dira Bernedoko udalekuaren kontra aurkeztutako salaketak, Zupiriaren arabera
Segurtasun sailburuak azaldu duenez, gehienak exhibizionismo eta derrigortze delituekin lotutakoak dira, baina badago sexu-erasoekin zerikusia eduki lezakeen salaketaren bat.
Bernedoko udalekua. Artxiboko argazkia: EFE
Dagoeneko 17 familiak jarri dute Bernedoko (Araba) udalekuen aurkako salaketa, ia denak sexu-askatasunaren aurkako delituengatik, tartean exhibizionismo eta derrigortze delituengatik.
Euskadi Irratiko Faktoria saioan egin dioten elkarrizketan, Bernedoko auziari buruzko xehetasunak eman ditu Bingen Zupiria Eusko Jaurlaritzako Segurtasun sailburuak.
Azaldu duenez, gaur-gaurkoz 17 familiak aurkeztu dute salaketa, eta hiruzpalau ertzain-etxeetara gerturatu dira, baina salaketarik ez dute jarri.
Gehienak exhibizionismo eta derrigortze delituekin loturikoak direla azpimarratu du Zupiriak, baina gaineratu du badagoela sexu-erasoarekin zerikusia eduki lezakeen salaketaren bat.
Delitu zantzurik ote dagoen galdetuta, horren berri ematea epaileari dagokiola erantzun du Zupiriak.
Hala ere, udalekuen funtzionamenduaren inguruko gogoeta utzi nahi izan du Zupiriak. Horren ustez, batetik, familiei dagokie haurrak nora bidaliko dituzten begiratzea; bestetik, eskubidea daukate jakiteko udaleku horretan nolakoak izango diren harremanak. Hori dela eta, uste du udalekuen arduradunek gurasoen "onespena" behar dutela "egiten dituzten gauza guztietarako".
"Gutxienez, salaketa bat aurkeztera joan diren familien kasuan ez zuten ezagutzen nolakoa izango zen elkarbizitza udalekuaren barruan, eta uste dut hori konpondu beharreko kontua dela", gaineratu du.
Bestalde, Bernedoko udalekuko begiraleek salatutako lintxamenduaren aurrean Zupiriak gogorarazi euren burua egoera horretan ikusi dutenek aukera dutela salaketa aurkezteko.
Zure interesekoa izan daiteke
Bilboko Aste Nagusian galdu ezin diren 5 ekitaldi
Bost plan proposatzen dizkizugu Bilboko Aste Nagusiaz gozatzeko. Galdu ezin dituzun ekitaldiak dira: pregoia eta jaien hasierako txupinaren jaurtiketa, txosnak, lehiaketa gastronomikoak edo balearen ohiko desfilea
Bilboko Aste Nagusiko lehen kartela, 1978an sortua, egia bihurtuko da igande honetan
Ekitaldia Areatzan egingo da, eta zapi urdinak banatuko dituzte bertan, urte hartan jaien ikur gisa zabaldu baitziren.
Herritarrak konfinatu dituzte Pasaiako portuan piztutako sute baten ondorioz sortutako keagatik
Pasaiako portuan izandako sute batek eragindako keak Lezo eta inguruko biztanleei eragin diezaieke, eta, ondorioz, larrialdi zerbitzuek ES-Alert bat bidali dute bizilagunei konfinatzea eskatzeko.
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.