Hizkuntza Ofizialen Kontseilu berria eratu da, "forma eta funtsa" aldatuta
Kideak berritu ditu, eta nobedade nagusienetako bat da kontseilura batuko direla autonomia erkidegoetako hizkuntza politika sailetako ordezkariak.
Hizkuntza Ofizialen Kontseiluaren bilera, gaur, Miramar Jauregian (Donostia). Argazkia: EHU
Hizkuntza Ofizialen Kontseilu berria eratzeko bilera hartu du gaur Euskal Herriko Unibertsitateak (EHU), Donostiako Miramar Jauregian egin den ekitaldian. Osaera berria izango du erakundeak, orain artekoa baino ordezkaritza zabalagoarekin: besteak beste, autonomia erkidegoetako hizkuntza politika sailetako ordezkariak, hizkuntzen akademiak eta institutuak batuko dira kontseilura.
Joan den irailean argitaratu ziren Estatuko Aldizkari Ofizialean izendapenak, eta gaurko ekitaldiarekin, erabat osatu da. EHUk azaldu duenez, "zeharo" eraldatu dira Hizkuntza Ofizialen Kontseiluaren "forma eta funtsa". Orain arte, Estatuko Administrazio Orokorreko ordezkariek osatzen zuten erakundea.
Abiatu duen aro berri honetan, erakundearen helburu nagusia izango da hizkuntza ofizialen inguruko legedia —Espainiako Konstituzioan zein erkidegoetako estatutuetan jasota dagoena— bete egiten dela bermatzea. Nazioarteko akordioei ere erreparatuko diete, herritarren hizkuntza-eskubideak zaintzeko. Modu horretan, Estatuko Administrazio Orokorrarekin herritarrek dituzten hartu-emanetan hizkuntza ofizialak erabiltzeko eskubidea bermatu nahi da, bereziki, hizkuntza ofizial bat baino gehiago dituzten erkidegoetan.
Gutxienez, urtean behin bilduko da Hizkuntza Ofizialen Kontseilua, eta bere egitekoen artean dago Espainiako Estatuko “hizkuntza aniztasunaren aldeko balioak” zabaltzea.
17 urteko ibilbidea
Espainiako Gobernuak 2008an jarri zuen martxan Hizkuntza Ofizialen Kontseilua, "herritarren hizkuntza-eskubideei arreta hobea emateko”, eta 2018an gonbidatu zituzten aurrenekoz erkidegoetako ordezkari politikoak eta hizkuntzekin lotutako erakundeak kontseilura. Orain arte, iritzi-emaile gisa aritu dira azken horiek, eta, gaurtik, ordezkaritza izango dute egituran.
Gaurko ekitaldian, besteak beste, Joxerramon Bengoetxea EHUko errektorea, Aitor Aldasoro Eusko Jaurlaritzako Hizkuntza Politikako sailburuordea eta Jabi Arakama Nafarroako Euskarabideko zuzendaria izan dira.
Zure interesekoa izan daiteke
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.
52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.