Adingabe batzuk ikerketapean dira Plentzian, hainbat urtez irakasle bat jazartzeagatik
Azken erasoak Halloween gauean izan ziren. Orduko hartan, 50 bat gaztek arrautzak eta limoiak jaurti zituzten irakaslearen etxebizitzaren kontra. Horren aurrean, ikastetxeak ohar bat zabaldu du, azaltzeko zortzi urte daramatzala irakasle horrek erasoak jasaten, eta, hori dela eta, eskolaz kanpoko jarduera guztiak bertan behera utzi dituztela jakinarazteko.
Uribe-Kosta Institutua, Plentzia. Argazkia: EITB MEDIA.
Bizkaiko Adingabeen Fiskaltzak jazarpen kasu bat ikertzen ari da Plentzian; hain zuzen ere, Uribe-Kosta Institutuko ikasleek irakasle bati egindako "jazarpen" kasu bat.
Segurtasun Sailak jakinarazi duenez, irakasleak salaketa jarri du jazarpenagatik. Irakaslearen esanetan, urteetan zehar jaso ditu erasoak, arrautza eta objektu jaurtiketak, besteak beste.
Azken erasoa Halloween gauean gertatu omen zen, urriaren 31n. 50 bat gaztek arrautzak eta limoiak jaurti zituzten irakaslearen etxebizitzaren aurka, baita irakaslea iraindu ere.
Adingabeen Fiskaltza eta Hezkuntza Saila gertatutakoa ikertzen ari dira, 12 edo 13 urte inguruko ikasleak baitaude inplikatuta.
Institutuak, bitartean, bertan behera utzi ditu eskolaz kanpoko ekintza eta jarduera guztiak; DBHko 4. mailako ikasleen ikasketa-bidaia tartean.
Testuinguru horretan, DBHko 4. mailako ikasleek elkarretaratzea deitu dute astelehen honetarako, azaroak 17, ikasketa-bidaiarik gabe geratu ondoren.
“Jazarpenaren aurka gaude, eta gertatu dena ez du justifikaziorik, baina ez dago ondo ezer egin ez dugunoi ikasketa-bidaia kentzea”, salatu dute gazteek. Ildo horretatik, beltzez jantzita bertaratzeko deia egin dute, 11:00etan, haien “eskubideen alde”.
Zortzi urte, erasoak eta jazarpea jasaten
Ikastetxeak ohar baten bidez jakitera eman duenez, 21:00ak aldera hasi zen Halloween gaueko erasoa, eta 00:00etan bukatu. Dirudienez, institutu horretako irakasle bat ikasle taldearengana hurbildu zen Gorlizko ikastetxearen aurrean zeudenean, eta handik alde egiteko eskatu zien, baina ez zuen horrelakorik lortu.
Oharrean azaldu dute ez dela irakasle horrek erasoak eta jazarpena jasaten dituen lehenengo aldia; "beti garai berean, gainera". Zortzi urte daramatzate gazteek irakasleari eraso egiten, irainduz edota bere etxebizitzaren kontra arrautzak eta limoiak jaurtiz. "Bullyng delitu baten aurrean guela esan genezake, beraz", adierazi dute.
"Aurten erasotzaile kopurua asko handitu da. Erasoetan parte hartzen duten nerabeak, baina, ez dira beti pertsona berberak, nahiz eta beti diren DBHko ikasleak. Aurreko ikasturtean ere gazte talde handi bat (batzuk mozorrotuta eta maskarak jantzita) hurbildu zen irakasle horren etxe albora, arrautzak eta limoiak bota zizkioten, eta petardoren bat edo beste ere", gainerau dute.
Oharrak zehazten du, halaber, erasotua izan den irakaslea bizi den etxebizitzan ez ezik, ingurukoetan ere izan direla erasoak, "zehazki desgaitasuna duten pertsonak bizi diren etxe batera". "Izan ere, horiek izan ziren erasoak jasotzen lehenengoak, eta aipatu irakasleak babesa agertu zien. Orduan, gazteak irakaslearen aurka oldatu ziren", azpimarratu dute.
Gertatutakoa ikusita, ikastetxeak ezohiko 23 jardunbide ireki zituen iaz.
Zure interesekoa izan daiteke
Ehunka herritarrek Berrizen atzo izandako hilketa matxista saiakera salatu dute
'Erasoen aurrean, autodefentsa feminista' goiburupean, manifestazio zaratatsua egin dute gaur arratsaldean Berrizen. Ehunka herritar batu dira Mugimendu Feministak deitutako protestara, atzo izandako eraso matxista irmo salatzeko. Emakundek ere bat egin du deialdiarekin.
Basauriko hilketa matxista salatu dute Berangon
Berangoko Udalak eta Emakumeen Elkarteak deituta, indarkeria zantzuekin hilda agertu zen 44 urteko emakume berangoztarra gogoan izan dute astearte honetan.
Hego Euskal Herriko garaiak Kultura Ondare ez-materiala dira jada
Espainiako Gobernuak errege-dekretu batean aitortu du Iberiar Penintsulako iparraldeko garaien balio sinbolikoa eta soziala. Deklarazioak eraikuntza tradizional horien kontserbazioa bermatzen lagunduko du; izan ere, mantentze ezak, homogeneizazioak eta belaunaldien arteko aldeak arriskuan jartzen dituzte.
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.