Etxerik gabeko pertsonen kopurua bikoiztu egin da EAEn, eta 1.500 baino gehiago ziren 2024an
Argitan, Atxurigorri, AZET edo Berri-otxoak bezalako eragile sozialek manifestazioa egin dute gaur Bilboko Udalaren aurrean kartoi artean lurrean etzanda, "etxebizitza duina" izatea eragozten duen administrazioen etxebizitza-politika gaitzesteko.
Irudia: EITB MEDIA
Euskal Autonomia Erkidegoan etxerik gabe bizi ziren pertsonak 1.500 baino gehiago ziren 2024an, eta 743, berriz, 2016an, Gizarte Zerbitzuei eta Gizarte Politikari buruzko Dokumentazio Zentroaren (SIIS) datuen arabera.
Argitan, Atxurigorri, AZET edo Berri-otxoak bezalako eragile sozialek manifestazioa egin dute gaur Bilboko Udalaren aurrean kartoi artean lurrean etzanda, "etxebizitza duina" eragozten duen administrazioen etxebizitza-politika gaitzesteko.
"Etxebizitza eskubide bat da, eta merkatuaren logikatik kanpo geratu behar da", gogoratu du Victor Villares kolektiboen bozeramaileak. Era berean, administrazioen etxebizitza-politikak jarri ditu jomugan, ehunka familia kalean uztearen arduradun direlakoan.
Bilbok etxerik gabeko pertsona kopuruaren % 185eko hazkundea izan du: 2016an, 212 pertsona zeuden bertan, eta 2024an, 605.
Lurralde osoari dagokionez, EAEn 1.556 pertsona daude kalean bizitzen, eta 2016an, berriz, 743. Araba da portzentajean hazkunde handiena izan duen probintzia (+% 306), 122 pertsonarekin; ondoren, Gipuzkoa dago, 524rekin (+% 252), eta, azkenik, Bizkaia, 910ekin (+% 241), 2024ko datuak kontutan hartuta.
"Datuak bi urtean behin kontatzen diren gau batekoak dira, beraz, bi edo hiru aldiz gehiago izan daitezkeela uste dugu", aitortu du Villaresek.
Agerraldian, udal-baliabideen kudeaketan ere jarri du arreta. Ziurtatu duenez, "erabat gainezka" daude, eta hiru eta sei hilabete arteko itxaron-zerrendak dituzte, "jantoki sozialeko txartel sinple bat edo hitzordu bat emateko".
Bestalde, etxebizitzaren prezioak azken urteetan "etengabe gora" egin duela salatu du: "Ikusten dugu eraikuntza enpresek, higiezinen enpresek, funts putreek eta bankuek beren irabaziak handitzen jarraitzen dutela, erakundeen oniritziarekin eta herritarren pobretzearen kontura".
"Erakundeak dira espekulazioari amaiera emateko arduradunak", defendatu du Villaresek.
Te puede interesar
Gizon bat atxilotu dute Sarrigurenen, emaztea hiltzea eta ama larri zauritzea egotzita
Gertakariak Eguesibarrean (Nafarroa) jazo dira, arratsaldeko 19:30ak aldera.
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.