Gipuzkoako Foru Aldundiak eta Zarauzko Udalak herrian izandako eraso matxista gaitzetsi dute
Bi erakundeek "irmo" gaitzetsi dute emakume batek jasan duen erasoa, eta ostegunean, 12:00etan, Udaletxe plazan egingo den elkarretaratzean parte hartzera deitu dituzte herritarrak.
Zarauzko Udalak eta Gipuzkoako Foru Aldundiak "irmotasun osoz" gaitzetsi dute udalerrian gertatutako eraso matxista, eta babesa helarazi diete biktimari eta haren senideei.
Udaleko talde politikoek adierazpen instituzionala egin dute, ekintza hori, "osotasun fisiko eta moralaren aurkako erasoa" izateaz gain, "giza eskubideen urraketa larria eta onartezina" ere badela esanez.
Era berean, gogorarazi dute sexu-erasoek eta eraso sexistek "gizartean eta gure eguneroko bizitzan, eremu pribatuan zein publikoan, gertatzen den indarkeria matxista islatzen" dutela, eta "emakumeekiko errespetuzkoak ez diren" jokabide mota guztiak arbuiatzen dituztela.
Horregatik guztiagatik, "edozein eraso sexistari aurre egiteko" deia egin diete herritarrei.
Bestalde, Gipuzkoako Foru Aldundiak bat egin du Udalaren gaitzespen-adierazpenarekin, Gipuzkoako Emakumeen aurkako Indarkeriaren aurkako Protokolo Instituzionalari jarraituz.
Bere adierazpenean gogorarazten duenez, "horrelako gertakarien jatorria da gizonen eta emakumeen arteko berdintasun falta" da, "emakumeak menderatu eta kontrolatu nahi dituzten jarrera eta ideia matxistak".
Emakumeen eta gizonen arteko berdintasuna errespetatzea "eskubide bortxaezina" dela aldarrikatu du, bai eta "pertsona guztien duintasuna, sexu-askatasuna eta osotasun fisikoa".
Bi erakundeek dei egin diete herritarrei, ostegun honetan, 12:00etan, Zarauzko Udaletxeko plazan egingo den elkarretaratzean parte hartzera.
Zure interesekoa izan daiteke
Indonesiak hiru egunez luzatu du itsasoan desagertu ziren familia espainiar bateko kideen bilaketa
Bigarren gorpua erreskatatu dute gaur, Fernando Martin Valentzia CF taldeko B taldeko 44 urteko entrenatzaile ohiarena. Bi haur falta dira oraindik.
Erriberrin desagertutako gizona bilatzeko lanei berrekin diete
Asteazken arratsaldean ikusi zuten azkenekoz, udalerri horretan antolatutako San Silvestre lasterketan, ikusle gisa. Bizilagunek egun hartan grabatutako hainbat bideotan ageri da.
Eneko Arrastua Panticosan hildako mendizalearen hileta egin dute Irunen
Astelehenean hil zen 48 urteko irundarra, Panticosan, elur-jausi batek harrapatuta. Familia, lagun eta herritar andana bildu da Irungo elizan, Arrastuari azken agurra emateko.
Erriberrin desagertutako gizonaren bila jarraitzen dute, hirugarren egunez
Asteazken arratsaldean paseatzera irten zen 68 urteko gizona eta ez zen bere bizitokira itzuli. Oliteko San Silvestre lasterketan ikusi zuten azken aldiz.
Gaur egingo da Irunen Eneko Arrastuaren aldeko hileta-elizkizuna
48 urteko mendizalea joan den astelehenean hil zen Panticosan, elur-jausi batek harrapatuta.
Donostiako alkateak uste du Topoaren erdiguneko zatia uda bukaeran egongo dela prest
Jon Insausti Gipuzkoako hiriburuko alkateak esan duenez, Donostiako Topoaren obrarik handienak bukatuta daude, eta 2026ko uda bukaeran martxan jarri ahal izatea aurreikusten du.
Altsasuko alkateak salatu du pertsona talde bat udal eraikin batean indarrez sartzen saiatu zela
Gertakariak urtarrilaren 1eko goizaldean jazo ziren. Udaltzaingoak erasoa saihestu zuen, baina agenteak "larderia eta irain larrien" biktima izan ziren, alkatearen arabera.
Gaueko guardiako zerbitzua eskaintzen duen bigarren farmazia ireki dute Gasteizen
Eusko Jaurlaritzak hartu du erabakia, Gasteizko iazko errolda kontuan hartuta; izan ere, 250.000 biztanleko kopurua gainditu du hiriak. Larrialdiren bat izanez gero, beraz, aurrerantzean errazagoa izango da botikak eskuratzea.
Derrigorrezkoa al da eta funtzionatzen al du V16 balizak atzerrian?
Espainian matrikulatutako ibilgailuek V16 baliza erabil dezakete beste herrialde batzuetan, 1968ko Bide Zirkulazioari buruzko Vienako Konbentzioak ezartzen baitu nazioarteko zirkulazioan dauden ibilgailuek matrikulatuta dauden herrialdeko araudia bete behar dutela. Hala ere, kontuan izan behar da konektibitateak Estatu espainiarrean bakarrik funtzionazen duela eta matxura edo istripuren bat izanez gero, tokiko larrialdi-zerbitzuei deitu beharko zaiela.
225 eskaera baino gehiago jaso dituzte lehen egunean, guraso bakarreko familien ziurtagiri ofiziala lortzeko
Guraso bakarreko 21.000 familia inguru bizi dira Euskadin, horietatik % 80 emakumeak.