EAEko Auzitegi Nagusiak 88 urtera igo dio kartzela zigorra 11 adingaberi sexu-abusuak egiteagatik zigortutako Hondarribiko surf monitoreari
Gipuzkoako Auzitegiak 71 urte, 5 hilabete eta 9 eguneko kartzela ezarri zion, eta, hortaz, 17 urte gehituko zaizkio. Dena den, epaia ez da irmoa eta helegitea jar dakioke Auzitegi Gorenean.
Hondarribiko surf monitoreari egindako epaiketa. Artxiboko argazkia: EFE
EAEko Justizia Auzitegi Nagusiko Arlo Zibil eta Penaleko Aretoak 17 urte igo dio kartzela zigorra —88 urte eta 5 hilabeteraino— 11 adingaberi sexu-abusuak egiteagatik kondenatutako Hondarribiko surf monitoreari. Gipuzkoako Auzitegiak 71 urte, 5 hilabete eta 9 eguneko kartzela ezarri zion. Horrez gain, 5 hilabeteko espetxe-zigorra ere ezarri zion pornografia-materiala edukitzeagatik.
Justizia Auzitegi Nagusiak aintzat hartu ditu Ministerio Fiskalak eta akusazio partikularrak epaiari aurkeztutako helegiteetan jasotako hainbat inpugnazio. Besteak beste, zigortutako gertaerak sexu-eraso delitu gisa aitortzea eskatzen zuten, eta ez sexu-abusu.
Gipuzkoako Auzitegiaren ebazpenak ez zuen "larderia" aitortzen. Aitzitik, horren arabera, surf irakasleak egindakoa 16 urtetik beherakoen gaineko sexu-abusu delituak dira, biktimekiko zuen nagusitasun egoera baliatuta.
Instantziako auzitegiak adierazitakoaren arabera, kondenatuak nagusitasunez jokatu zuen biktimekin baina ez zen biktimengan beldurra somatzera iritsi, besteak beste, akusatuak ez zuelako indarkeria fisikoa erabili edo mehatxurik egin.
EAEko Justizia Auzitegia Nagusiak, berriz, ebatzi du Zigor Kodearen 183.2 artikuluaren arabera, adin txikikoen kasuan indarkeria mota guztiak hartu behar direla kontuan, indarkeria emozionala tartean, ez indarkeria fisikoa bakarrik.
Hori dela eta, 10 biktimaren kasuan surf irakaslea sexu-eraso delituagatik zigortzea erabaki du; aldiz, beste biktimaren kasuan sexu-abusu kalifikazioari eutsi dio.
Gauzak horrela, Justizia Auzitegi Nagusiak 17 urte gehiagoko espetxe-zigorra ezarri dio eta % 30 igo dizkio ordaindu beharreko kalte ordainak.
Dena den, epaia ez da irmoa eta helegitea jar dakioke Auzitegi Gorenean.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.