Saaki, Euskadin ospitaleratutako haurren beldurra baretzeko robot berria
Bioaraba Osasun Ikerketa Institutuak, Vital Fundazioarekin lankidetzan, SAAKI proiektua aurkeztu du. Unitree G1 EDU robota Txagorritxun izango da, ospitaleratutako haurren esperientzia teknologia eta enpatia bidez hobetzeko.
Bioarabak, Osakidetzako Araba ESIarekin lankidetzan eta Vital Fundazioaren laguntzarekin, SAAKI proiektua jarri du abian. Ekimen aitzindaria da, eta adimen artifiziala duen robot bat integratzen du Txagorritxu AUOko Pediatria arloan. Pazienteen antsietatea arintzea eta ospitalean egon bitartean laguntza emozionala eta entretenimendukoa ematea du helburu.
Unitree G1 EDUk 130 zentimetroko altuera du eta 35 kilo pisatzen ditu, 9 eta 11 urte bitarteko haurren antzeko proportzioak ditu, eta horrek errazten du haurraren eta robotaren arteko harremana hurbila izatea, eta, gainera, ez du beldurrik sortzen. 3D sentsoreekin eta komunikazio aurreratuko gaitasunekin hornituta, robotak prozedura medikoak modu errazean azaldu, talde-jardueretan parte hartu eta adingabeei egunean zehar lagundu diezaieke.
Alberto Martinez Eusko Jaurlaritzako Osasun sailburuak nabarmendu du SAAKI "aurrerapen nabarmena" dela "arreta pediatriko gizatiarrago eta emozionalki sentikorrago baterantz", eta azpimarratu du teknologia funtsezko laguntza bihur daitekeela ospitaleratutako haurren ongizaterako. Bestalde, Arantxa Ibañez de Opakua Vital Fundazioaren zuzendariak azpimarratu du proiektuak agerian jartzen duela giza dimentsioa duen teknologia aplikatuak egoera zailetan dauden haur pazienteen bizitza hobetu dezakeela.
Robota bertan izateak, gainera, ikerketa-ildoak irekitzen ditu pediatriako errehabilitazioan, osasun-hezkuntzan, mugimendu-terapian eta laguntza emozionalean, baita etorkizunean beste ospitale-zerbitzu batzuetan aplikatzeko ere. Juan Fernandez Bioarabako Berrikuntzako koordinatzaileak azaldu duenez, SAAKIk aukera ematen du robotika sozialaren inpaktu emozionala ebaluatzeko, eta asistentzia humanizatzeko ezagutza sortzeko, ikuspegi zientifiko eta multidiziplinarretik.
Proiektuak Bioarabak eta Osakidetzak osasunari aplikatutako berrikuntza teknologikoan duten posizioa indartzen du, Osasun Sailak osasun-arreta modernizatzeko eta humanizatzeko duen konpromisoa sendotuta.
Zure interesekoa izan daiteke
Donostiako Apezpikutzak basilika batean grabatutako Tokischa rap-abeslariaren bideoa kentzeko eskatu du
Gotzaindegiak "sakonki deitoratzen du espazio sakratu baten erabilera desegokia", eta "oihartzun erraldoia" izan duen edukia grabatzeko baimenik ez zuela eman azpimarratu du.
Apirilak 8, Ijito Herriaren Nazioarteko Eguna Euskal Herrian
Ijito Herriaren Nazioarteko Eguna ospatzeko, urtero hainbat ekimen eta elkateratze egiten dira Euskal Herriko zenbait herritan. Bilboko Otxarkoaga auzoan, EAEko lehen hiri-bankua estreinatu dute bandera erromaniarra margotuta.
Espetxera bidali dute Berrizen emaztea labankadaz larri zauritzeagatik atxilotutako gizona
Biktimak, 38 urteko emakumeak, zainketa intentsiboetako unitatean jarraitzen du. Arma zuriz eraso egin zion bikotekideak, familiak duen etxebizitzan bertan, eta lau seme-alaben aurrean. Emakumea Gurutzetako Ospitalera eraman zuten zauri larriekin, helikopteroz. Halaber, biktimaren alabetako bat, 15 urteko adingabea, arin zauritu zuen aitak.
HaurSare sortu da, haurren gaitz kroniko konplexuak eta zainketa aringarriak artatzeko Osakidetzaren sare integrala
Helburua da errealitate horri erantzun ordenatuagoa, bidezkoagoa eta eraginkorragoa ematea, gaixotasunaren faseetara eta adingabeen kasuan kasuko konplexutasun mailara egokituko den "etengabeko asistentzia" batekin. Horretarako, pediatrek, pediatriako erizain espezialistek, gizarte langileek eta psikologoek osatutako diziplina anitzeko taldeak egongo dira, eta 24/7 laguntza eskainiko dute.
Realzaleak beldur dira, ez ote dituzten hegaldiak atzeratuko edo bertan behera utziko, Sevillako aire kontrolatzaileen greba dela eta
Kopako finalerako 10 egun falta direnean, Saerco enpresako langileen grebak Andaluziako hiribururako hegaldiak arriskuan jarri ditu. Txuri-urdinen jarraitzaileek eta aldez aurretik planifikatu beharko dute bidaia, atzerapen eta gorabehera posibleak kontuan hartuta.
Gizon bat atxilotu dute Donostian, emakume bati sexu-erasoa egitea leporatuta
Atxilotuak 33 ditu eta, egozten zaionaren arabera, emakumea indarrez eraman zuen parking bateko sarrerara. Han, immobilizatzea lortu eta erasoa egin zion.
Adamuzko istripuaren gaineko Guardia Zibilaren azken txostenak dio istripuaren bezperan hautsi zela burdinbidea
Montoroko epategian egindako ikerketaren arabera, inguruko argindar-sistemako tentsioak behera egin zuen, baina ez zenez gutxieneko atalasea baino baxuagoa izan, ez zen alarmarik sortu.
Espainiako Gobernuak maiatzean onartuko du 16 urtetik beherakoek sare sozialak izatea debekatzeko legea
Sare sozialetan sartzeko gutxieneko adina eta sare sozialen edukietan ateratzeko gutxieneko adina 16 urtera igoko da.
Gizon bat atxilotu dute Gasteizen, bizikletako giltzarrapoarekin laguntza eskatu eta urruntze-agindu bat urratzea egotzita
Gasteizko Udaltzaingoak 25 urteko gizon bat atxilotu du, bizikletaren giltzarrapoa irekitzen laguntzera joan zaizkion agenteak urruntzeko agindu judizial bat urratu duela ohartu direnean.
Bost pertsona atxilotu dituzte Bizkaian, ia 300 kilo speed entregatu behar zituztela egotzita
Atxiloketak lurraldeko hainbat udalerritan egin dituzte. Gainera, lau etxebizitza miatu dituzte, Bilbon eta Galdakaon. Espainiako Estatuan atzemandako substantzia horren kopuru handienetako bat da.