Goiz korapilatsua errepideetan, eta istripuak AP-8an Amorebieta-Etxanon, N-1ean Alegian eta Elgoibarren
Bi autok talka egin dute AP-8 autobidean, Amorebieta-Etxano parean eta Donostiarako noranzkoan, eta, ondorioz, gutxienez bost kilometroko auto-ilarak sortu dira, N-1 errepidean, Alegia parean. Elgoibarko AP-87 autobidean, Gasteizko A-622 autobidean eta Leioako Avanzada autobidean ere arazoak izan dira.
Goiza zaila izan da euskal errepideetan.
Oraindik ere arazoak daude AP-87 autobidean, Elgoibarren, Bilborako noranzkoan, ibilgailu bat galtzadatik irten delako. Hainbat kilometroko auto-ilarak izan dira.
Bestalde, hainbat ibilgailuren arteko istripuak arazoak sortu ditu N-1 errepidean, Alegia parean. Kamioi batek eta auto batek istripua izan dute, eta hirugarren ibilgailu batek talka egin du.
Gainera, istripu oso larria izan da goizeko lehen orduan AP-8 autobidean, Zornotzan, Donostiarako noranzkoan. Bi autok talka egin dute, eta, ondorioz, bi erreiak itxi dituzte.
Bi zauritu izan dira, eta Galdakaoko ospitalera eraman dituzte. Bost kilometroko auto-ilarak izan dira gutxienez.
Bestalde, Leioako errepidean ibilgailu bat errepidetik atera da, eta auto-ilarak sortu dira.
Gainera, N-622 errepidean, Gasteizen, Lakua parean, furgoneta batek istripua izan du, eta inguruan zirkulatzeko arazoak egon dira.
Larrialdietako eta errepideen mantentze-lanetako zerbitzuek lanean jarraitzen dute normaltasuna lehenbailehen berrezartzeko.
Azpimarratzekoa da Eusko Jaurlaritzako Segurtasun Sailak abisu horia aktibatu duela Gipuzkoan, izan ere 24 orduan metro koadroko 60 litro (l/m²) baino gehiago pilatuko dira, batez ere ekialdeko puntuetan.
Abisua Gipuzkoan soilik ezarri da, baina Bizkaian ere euria gogotik egingo du, eta 24 orduan 40-50 l/m² pilatuko dira.
Gaur prezipitazio ertaina egingo du, Kantauri isurialdean sarriagoa eta ugariagoa izango da, batez ere ekialdean. Iluntze partean ekaitzak jo eta txingorra egin dezke. Abisu horia bihar ere (asteartea) izango da indarrean, egun osoan zehar euri-zaparrada mardulak egingo dituelako.
Zure interesekoa izan daiteke
Konstituzio Auzitegiak ez du ebatziko hizkuntz-eskakizunen derrigortasunaren inguruan
EAEko Justizia Auzitegi Nagusiak luzatu zion galdera, enplegu publikoan hizkuntz-eskakizunak derrigorrezkoak izateak Konstituzioa urratzen duen edo ez ebazteko, baina gaia ez du tramitera onartu Espainiako goi auzitegiak.
ITASUA IATko langileek greba mugagabearekin mehatxatu dute negoziazioak blokeatuta jarraitzen badu
Zarautz eta Bergarako langileek bigarren greba-eguna egin dute enpresak Gasteizko ordezkariekin alde bakarreko akordio bat sinatu ostean, eta astelehenetik aurrera lanuzte mugagabea hasiko dutela ohartarazi dute, lan-baldintzak Gipuzkoako gainerako estazioekin parekatzeko.
12.000 sinadura baino gehiago bildu dituzte USaPeko zuzentzaileei babesa emateko, jaso duten "tratu bidegabeagatik"
EHUko irakasleek eta ikertzaileek uste dute gatazka hau "euskal hezkuntza sistema publiko osoaren aurkako mesfidantza eta deslegitimazio erasoa" dela.
LABek ez du hitzarmenetan 1.500 eurotik beherako soldatarik onartuko
Sindikatuak fase berri bat abiatuko du negoziazio kolektiboan, gutxieneko soldata gehiengorik ez duen esparruetara zabaltzeko eta patronalaren zein alderdi batzuen blokeoari mobilizazioekin erantzuteko.
12.600 sinaduratik gora bildu dira USAPeko irakasleei emandako "tratu bidegabea" salatzeko
EHUko irakasleek agerraldia egin dute USaPen jardun duten kideen profesionaltasuna defendatzeko, eta babes gisa 12.645 sinadura jaso dituztela jakinarazi dute (horietatik 2.000 unibertsitateko langileenak). Iñigo Urrutia irakasleak azaldu duenez, kaltetuek zein EHUk berak "tratu bidegabea" jaso dute, unibertsitate publikoaren objektibotasuna, gardentasuna eta zerbitzuarekiko konpromisoa kolokan jarri direlako.
2026ko uztailaren 8ko entzierroaren unerik onenak
Cebada Gago ganadutegiko zezenak protagonista izan dituen 2026ko sanferminetako bigarren entzierroa azkarra izan da. Arriskutsu ospeari omen eginez, gizon bat adarkatu dute besoan, Telefonica parean. Zezenek 2 minutu eta 26 segundo behar izan dituzte bidea egiteko.
San Ferminetako erraldoien agurra, zuzenean
Txupinazo Txikia, zuzenean
Emakume bat eta haren alaba indarkeriaz hil direla baieztatu dute Mijaseko etxebizitza batean izandako sutearen ostean
Guardia Zibila asteazken goizaldean gertatutakoa ikertzen ari da eta ez du hipotesirik baztertzen.
Gazte bat larri dago telefono mugikor bat berreskuratzeko Urumea ibaira salto egin ostean
Gertakariak 00:45ean izan dira. Hasiera batean, larrialdi-zerbitzuek flotagailu bat bota diote, baina korronteak arrastan eman eta hondoratu egiten zela ikusita, Ertzaintzako bi agente eta udaltzain bat uretara bota dira laguntzeko. Ateratzea lortu dutenean, bihotz-birikak suspertzeko maniobrak egin behar izan dizkiote eta larri eraman dute erietxera.