Sute izugarri baten ondorioz lau eraikin hutsarazi dituzte Iruñeko Arrotxapea auzoan
Horrez gainera, SOS Nafarroak etxetik ez irteteko eta ateak eta leihoak ixteko eskatu die Marcelo Celayeta kalearen inguruko bizilagunei, keak eragindako intoxikazioak saihesteko.
Sute izugarria izan da Iruñeko Arrotxapea auzoko Marcelo Celayeta kaleko denda batean, eta horren ondorioz lau eraikin hutsarazi dituzte.
Suhiltzaileek kontrolpean hartu dute sua, baina garrak daude oraindik denda dagoen etxeko beheko solairuan. Kea eraikinean eta inguruan zabaldu da eta agintariek hurbilen dauden hiru eraikinak hustea erabaki dute.
Horrez gainera, SOS Nafarroak etxetik ez ateratzeko eta ateak eta leihoak ixteko eskatu die inguruko bizilagunei, kea arnasteak eragindako intoxikazioak saihesteko.
SOS Nafarroak adierazi duenez, sua 17:31n hasi da, Marcelo Celayeta kaleko 100. atariaren inguruan. Trinitariosko eta Cordovillako suhiltzaileak bidali dituzte bertara, baita anbulantzia bat eta Iruñeko udaltzaingoko agenteak ere. Foru Poliziari ere bidali diote informazioa.
Suhiltzaileek jakinarazi dutenez, bi pertsona artatu dituzte lekuan bertan, keak eragindako intoxikaziogatik. Inguruko bizilagunei etxetik ez ateratzeko deia egin diete, inor ez dadin intoxikatu kea arnastuta. Hain zuzen ere, lanean ari direnek zein bertara gerturatzen den edonork FFP2 motako musukoa jantzita izan behar dute. Babes Zibilaren arabera, lanak hainbat orduz luzatuko dira.
Etxetik irtenarazi dituztenetako gehienek senideen eta lagunen etxeetan igaroko dute gaua. Behar izanez gero, inguruko hotel bat ere jarri dute kaltetuen eskura.
Amparo Lopez Nafarroako Gobernuko Barne kontseilaria Arrotxapeara hurbildu da, egoera bertatik bertara ezagutzeko.
Zure interesekoa izan daiteke
Zer dakite gazteek frankismoaz?
500 gazte baino gehiago bildu ditu Gogorak frankismoaren inguruko mitoak desmuntatzeko. Diktadura idealizatzen duten diskurtsoen gorakadaren aurrean, memoria demokratikoa indartzea izan du helburu BECeko jardunaldiak.
Euskadiko adinekoen artean oso zabalduta dago jokoa, baina joko problematikoko kasuak oso urriak dira
Jokoaren Euskal Behatokiak egin duen '65 urtetik gorako pertsonak eta jokoa Euskadin' txostenak erakusten duenaren arabera, jokoa gehiago lotzen da tradizioarekin eta entretenimenduarekin adikzio-jokabideekin baino. Bingen Zupiria Segurtasun sailburuak eta Ixone Fernández de Labastida EHUren Arabako Campuseko errektoreordeak gaur aurkeztu dute ikerketa, otsailaren 17an izaten den Joko Arduratsuaren Nazioarteko egunaren harira antolatutako jardunaldian.
Espainiako Gobernuak 16 urtetik beherakoei edari energetikoak saltzea debekatuko du
Kontsumo ministroak iragarri du 16 urtetik beherakoei edari energetikoak saltzea debekatzeko araudia martxan jarriko duela, eta debekua 18 urtera artekoa izango da 100 mililitroko 32 miligramo kafeina baino gehiago duten edarien kasuan.
Zupiria, Sestaoko gertakariari buruz: "Ertzaintzak indarra behar bezala erabiltzen ez duenean, lehenak gara salatzen"
Bingen Zupiria Segurtasun sailburuak ziurtatu duenez, Ertzaintzak "gizartearen legitimitatea du indarra modu zuzen eta proportzionalean erabiltzeko, eta hori gertatzen ez denean, hori salatzen lehenak gara". Gasteizen ekitaldi bat egin aurretik, Segurtasun sailburuak adierazi du hasiera-hasieratik izan duela zaurituen egoeraren berri. Halaber, gogorarazi du Segurtasun Batzordean agerraldia eskatu duela gertatutakoaren nondik norakoak azaltzeko.
Beste emakume batek Iñigo Errejon salatu du sexu-erasoagatik
Defentsa abokatuak, Elisa Mouliaa aktorearen abokatua ere badenak, biktima lekuko babestua izan dadin eskatu du, haren identitatea babesteko.
Hamar pertsona artatu dituzte, horietako lau ertzainak, sute batean kea arnasteagatik, Gasteizen
Gasteizko Santiago kaleko lau solairuko eraikin bateko sukaldean piztu da sua, bitrozeramikan, Segurtasun Sailak jakitera eman duenez.
Auto-ilara luzeak Leioako errepidean, Bilborako noranzkoan, ibilgailu batek istripua izan duelako
Auto batek istripua izan du eta auto-ilara luzeak sortu dira Leioako errepidean, Bilborako noranzkoan.
Salaketa jarri dute Ertzaintzaren aurka, gizonezko bati barrabiletan lesio larria eragiteagatik, Sestaon
Bingen Zupiria Segurtasun sailburuak Eusko Legebiltzarreko Segurtasun Batzordean agerraldia egitea eskatu du, gertatutakoaren inguruko azalpenak emateko.
ELAk salatu du irakasleak euskalduntzeko Irale programa bertan behera utziko duela Jaurlaritzak
Begoña Pedrosa Hezkuntza sailburuak zehaztu du programarekin jarraituko dela, baina egungo "behar berrietara" egokituta. Azpimarratu du azken urteotan sistema publikora batu diren irakasleek C1 maila dutela. "Datu hori nahikoa adierazgarria da".
Martxan dago Masustegi auzora igotzeko funikularra
Masustegi auzora igotzeko funikular berria martxan da. Aldapa handiak eta eskailera ugari diren auzo horretan, aspaldian eskatua zen igogailua estreinatu berri da. 100 metroko aldapak igotakoan, herri moduko bat dago, nahiz eta hirian egoten jarraitu.