Beloradoko abadesa ohia, moja bat eta antzinako objektuen saltzaile bat atxilotu dituzte, monasterioko artelanak saltzea leporatuta
Beloradoko komentuko auziekin loturarik ez duen herritar batek salatu zuen abadesa izandakoa, Elizarenak ziren artelanak saltzeagatik, eta Briviescako Epaitegiak ikerketa zabaldu zuen.
Beloradoko komentua, artxiboko irudi batean. Argazkia: Europa Press
Laura Garcia de Viedma Beloradoko (Burgos) komentuko abadesa ohia eta antzinako objektuen saltzaile bat atxilotu ditu Guardia Zibilak, ostegun honetan, monasterioko artelanak saltzea egotzita. Briviescako Auzitegiak eman du miaketa egiteko eta atxilotzeko agindua.
Ikerketako iturriek baieztatu dutenez, ostegun goizetik arratsaldera arte komentua miatzen aritu da Guardia Zibila. Komentuko artelanak eta pieza historikoak legez kanpo bereganatu eta saltzea egozten dizkiote abadesa izandakoari.
Objektu horietako batzuk Urduñan egon zitezkeela eta, epailearen aginduz, Urduñako komentua miatzen aritu dira aurrez Beloradoko monasterioan egin duten bezala. Ia gauerdira arte luzatu da miaketa eta moja bat atxilotu dute.
Defentsa abokatuak azaldu duenez, guardia zibilak Urduñan zeuden bitartean epaitegitik dei bat jaso dute bost moja beste komentu batera eraman behar zituztela esanez. Azkenean, ordea, Urduñan gelditu dira.
Herritar batek jarri zuen salaketa, eta berehala zabaldu zuen ikerketa Briviescako Auzitegiak.
2024ko maiatzean, Beloradako 10 mojek manifestu bat kaleratu zuten, Eliza Katolikoa utzi egiten zutela adieraziz. Ondorioz, Mario Izeta Burgosko Artzapezpikuak moja horiek eskumikatzea erabaki zuen.
Ikerketak zabalik jarraitzen du, oraindik topatu ez diren beste ondare-pieza batzuk berreskuratzeko helburuarekin.
Zure interesekoa izan daiteke
Euskal Herriko urtegien % 48,8 dago beteta, abuztuan ohi baino ia 6 puntu gutxiago
Uztailaren hasieratik, urtegietan bildutako ura azken 20 urteetako batezbestekoaren azpitik dago, eta alde hori astez aste handitzen joan da.
Hondarribiko Alarde tradizionalak "jarrerak polarizatzea eta herritarrak haserretzea" leporatu dio Udalari
HAOSE elkarteak dio otsailean utzi zuela konponbidea bilatzea helburu zuen prozesua, "gardentasun faltagatik eta prozesuarekiko leialtasun faltagatik", eta uste du Udalak orain argitaratutako komunikatuaren helburua dela alarde ez parekidearen defendatzaileak "deslegitimizatzea".
Espainiako Gobernuak bere gain hartu du Ceutako krisiaren kudeaketan aginte bakarra
Espainiako Gobernuak "historian aurrenekoz" deklaratu du Segurtasun Nazionalaren interes egoera eta migrazio krisiari eman beharreko erantzuna koordinatzeko aginte bakarra hartu du. Angel Victor Torres Lurralde Politikako eta Memoria Demokratikoko ministroak zuzenduko du egitura.
Patata-tortilla usaina eta festa giroa Bilbon, Aste Nagusiaren laugarren egunean
Gaur goizean, Areatzako patata-tortilla lehiaketak 400 parte-hartzaile baino gehiago bildu ditu; herritar eta konpartsakideak zartagina eskuan aritu dira euren trebezia erakusten. Gainera, eguerdian, ohikoa den moduan, bilbainadak entzun dira Pergolan, Los Chimberos taldearen eskutik.
Nafarroak frankismoaren biktimen memoria berreskuratu du "Objektuen memoria" erakusketan
Erakusketak Nafarroako hobi komunetan egindako prospekzio eta hobitik ateratze lanetan berreskuratutako objektuak biltzen ditu, frankismoaren errepresioaren biktimen historia eta memoria herritarren esku jartzeko. Iruñeko Alde Zaharreko Rozalejo Markesaren Jauregi berrituan dago ikusgai.
Gizon bat atxilotu dute Gasteizen, genero indarkeria egotzita, bikotekidearekin eztabaida bat izan ostean
Udaltzainak etxebizitza batera joan ziren, eta borroka batekin bateragarriak ziren zantzuak ikusi zituzten.
Ane Lindane komikoa epaituko dute, eskarnioa egotzita, Abogados Cristianos fundazioak salatu egin baitu
Salatutako gertakariak 2025eko ekainaren 29an gertatu ziren, Arberatze-Zilhekoan (Nafarroa Beherea), eliza batean, gurutzefika batekin masturbatzen ari zen itxura egin zuen eta. Bilboko Instantzia Auzitegiak epaituko du euskal komikoa.
Gizon bat atxilotu dute Irungo prostituzio-etxe batean ustez sexu-erasoa egiteagatik
Erasotzaileak, 12.000 euro eskudirutan zeramatzanak, biktima atxiki eta laguntza ematera joan zitzaion beste emakume bat jo zuen.
Adin txikiko baten irudiarekin lagun bati estortsioa egiteagatik bi pertsona atxilotu dituzte Iruñean
Mehatxu eginez ia 50 mila euro lortu zituzten. Estortsioa jasan zuen gizasemeak berak aurkeztu zuen salaketa, eta horren ostean atxilotu dituzte 31 urteko gizona eta 29 urteko emakumea.
Juan Mari Aburto: "Ekitaldien alkatea baino, nahiago nuke igogailuen alkate gisa oroitu nazaten"
Radio Euskadin egindako adierazpenetan, Juan Mari Aburto Bilboko alkateak adierazi du Aste Nagusiaren hirugarren egunean zortzi lagun atxilotutu dituztela eta 48 salaketa jarri direla, iazko epe berean baino kopuru txikiagoak. Halaber, azaldu du bere agintaldian Bilbon ekitaldi handiak antolatu diren arren, "igogailuen alkate" gisa oroitzea gustatuko litzaiokeela, hori herritarren bizi-kalitatea hobetzen lagundu izanaren aitorpena baita.