Palestinarekin Elkartasuna plataformak salatu du Gazako su-etena "faltsua" dela eta Israel ez dela bere hitza betetzen ari
Mobilizazioak egin dituzte goizean Bilbon, Donostian eta Gasteizen. Bizkaiko hiriburuan, gainera, Palestinaren aldeko Herritarren Kolektiboak "Gazan hil dituzten 20.000 haurren izenak irakurri ditu banan-banan.
Palestinarekin Elkartasuna plataformak mobilizazioak egin ditu larunbat honetan Bilbon, Donostian eta Gasteizen, Israeli hitza bete ez duela leporatzeko, eta Gazako su-etenaren "faltsukeria" salatzeko. Bestalde Palestinarrekiko Elkartasunerako Nazioarteko Eguna dela eta, Estatu juduari egotzi diote jendea erasotzen eta hiltzen jarraitzea eta laguntza humanitarioa blokeatuta edukitzea, su-eten akordioa sinatu eta bi hilabetera.
Bilboko elkarretaratzean, dozenaka pertsona bildu dira erresistentzia palestinarraren aldeko pankarta baten atzean, eta Palestinarekin Elkartasuna taldeko bozeramaile Iñigo Rodriguezek azpimarratu du azken bi hilabeteetan "500 palestinar baino gehiago hil dituztela, asentamendu berriak sortu dituztela eta torturak areagotu direla".
Plataformako eledunaren hitzetan, Zisjordanian 1.300 etxebizitza eraikitzeko plan bat dago, "kolonoen indarkeria areagotzen ari den une honetan".
Horiek horrela, Palestinarekin Elkartasuna elkartearen ustez, "garbiketa etniko bat" egitea da helburua, "eta horren guztiaren erantzukizuna Israelek eta AEBk dute "mendebaldeko agintarien konplizitate guztiarekin".
"Su-eten faltsu honek herri palestinarra jasaten ari den zigorra ezkutatu nahi du: sarraskiaren edo genozidio progresiboaren artean aukeratu behar izatea", berretsi dute.
Irakurketa publikoa
Bilbon, bestalde, Palestinaren aldeko Herritarren Kolektiboak Gazan hil dituzten 20.000 haurren izenak irakurri dituzte.
Kultura, zinema, kazetaritza eta literatura munduko pertsona ezagunek hartu dute parte 09:00etan hasi den ekitaldian, besteak beste, Juan Luis Ibarra EAEko Justizia Auzitegi Nagusiko presidente ohiak eta Manuel Lezertua Ararteko ohiak.
Zure interesekoa izan daiteke
Andre Maria Zuria dantzaz eta elkartasunez bete da EITB Maratoiaren erronkaren hasieran
Nico Etxarten Euskal Rock and Roll-aren erritmora, adin guztietako jendea bildu da Gasteizko Andre Maria Zuriaren plazan EITB Maratoiaren erronka solidarioa babesteko. Ekimena bizitza luze eta osasuntsu baten aldeko dantza kolektibo handi batekin hasi da. Egun nagusia abenduaren 18a izango bada ere, dagoeneko martxan dago 33478 BIZUM solidarioa.
Mila pertsona inguru manifestatu dira Bilbon eskola publikoaren alde eta eskola segregazioaren aurka
Mila bat lagunek manifestazioa egin dute Bilbon, Euskal Eskola Publikoaz Harro plataformak deituta, eskola segregazioa arazo "estrukturala" dela salatzeko. Plataformak "politika ausartak" eskatu ditu, eta egungo neurriek, segregazio mahaia barne, sistema "bidegabea" finkatzen dutela kritikatu du. Manifestazioa, "Segregazioaren kontra, publikoa da bidea!" lelopean, Bilboko udaletxean amaitu da, hezkuntza publikoaren aldeko manifestu bat irakurriz.
Bi nerabe hilda agertu dira Jaengo parke batean, indarkeria-zantzurik gabe printzipioz
15 eta 16 urteko bi nesken gorpuak goizaldean aurkitu dituzte. Ikerketa abiatu dute gertatutakoa argitzeko, baina lehen begi-ikuskapenean ez omen da indarkeria-zantzurik antzeman, eta suizidioaren hipotesia darabilte ikertzaileek.
Biosegurtasuna indartzeko deia egin du Jaurlaritzak, Katalunian txerri izurri kasuak antzeman ostean
Aldi berean, ardura, zuhurtzia eta zaintza eskatu die txerrien sektoreari lotutako Euskadiko eragile guztiei, Bartzelonan sei basurde hil baititu izurriak bi egunean. Txerri izurriak, baina, ez die gizakiei eragiten, eta ez da kutsatzen txerri produktuak kontsumituta ere.
Atxilotu egin dute Femenek Francoren omenezko meza baten aurka egindako protestan bi ekintzaileri bularrak ukitu zizkien gizona
Bi emakume gaztek bultzadak eta ukituak jasan zituzten Hamabi Apostoluak parrokian (Madril) Francoren omenez egindako meza baten aurkako protesta batean.
Yoanna Acedo genero-indarkeriaren biktima omendu eta haren familiari babesa agertu dio Zarauzko Udalak
Gloria Vazquez Berdintasun zinegotziak Yoannaren amak idatzitako gutuna irakurri du: "Amak eta anai-arrebek egiaren, justiziaren, memoriaren eta zure alde borrokatzen jarraituko dugu. Beti gurekin".
Palestinan eraildako haurren izenen irakurketa jarraitua, Bilbon
Larunbat honetan, Palestinar Herriarekiko Elkartasunaren Nazioarteko Egunean, Palestinako herriari elkartasuna adierazteko elkarretaratzea egin dute Bilbon, Plaza Biribilean, eraildako haur guztien izenen irakurketa jarraitua eginez. Antolatzaileen artean, Gernika-Palestina eta Ongi Etorri Errefuxiatuak izan dira.
Uztaritzeko irakasle bat epaituko dute lau lankideri sexu-erasoa eta sexu-jazarpena egitea egotzita
Irakaslea lanpostutik erretiratu dute behin-behinean, eta abenduaren 9an epaituko dute Baionan. Gertakariak 2019a eta 2024a bitartean jazo ziren.
Beloradoko bi erlijioso behin-behinean aske utzi dituzte, artelanen salmentagatik deklaratu ondoren
Leonen artelanak hartzeagatik salatutako antzinakoen merkatari bat ere aske geratu da. Ikerketak irekita jarraitzen du, oraindik topatu ez dituzten beste ondare-pieza batzuk berreskuratzeko helburuarekin.