Abeltzaintzarekin loturarik ez duen pertsona bat txerri gripearekin kutsatu da Katalunian
Birus horrek ez du kutsatutako pertsona horren osasunean eraginik izan, eta, beraz, ez du osasun publikoa arriskuan jarri. Kutsatuak gaixotasun kronikoak ditu, eta urtarrilaren 30ean, gaitza atzeman ziotenean, gripearen sintomekin zerikusirik ez zuten beste arrazoi batzuengatik joan zen ospitalera.
Kataluniako Generalitateko Osasun Departamentuak ostiral honetan jakitera eman duenez, A txerri gripearen (H1N1) kasu bat atzeman dute Lleidan. Kutsatutako pertsona "ondo" dago, eta ez du abeltzaintza sektorearekin zerikusirik.
Esteve Fernandez Generalitateko Osasun Publikoko idazkariaren hitzetan, 2009. urteaz geroztik Espainiako Estatuan atzeman duten laugarren kasua da aipatutakoa.
Kasu horrek, baina, ez du Afrikako txerri izurriarekin loturarik, Fernandezen arabera, "beste birus bat delako".
Txerrien artean dabil H1N1 birusa, eta noizean behin gizakietara zabal daiteke, betiere animaliarekin edo birusak kutsatutako espazioekin kontaktua izanez gero.
"Kasu hau, ordea, ezohikoa da, kutsatutako lagunak ez baitu animaliekin harremanik izan", adierazi du Jacobo Mendioroz Generalitateko Osasun Publikoko Larrialde Zerbitzuetako zuzendariorde nagusiak.
Dena den, aditu talde bat egoera aztertzen ari da, kasu horren jatorria zehazten saiatzeko.
Ezohiko kasua
Oraingoz, Mendiorozek esan duen bakarra da "ezohiko kasu bat" dela, egiaztatu baitute ez duela eraginik izan kutsatutako pertsonaren osasunean, ezta horren gertuko pertsonen osasunean ere; beraz, ez du osasun publikoa arriskuan jarri.
Pertsona horrek gaixotasun kronikoak ditu, eta gaitza atzeman zioten egunean, urtarrilaren 30ean, gripearen sintomekin zerikusurik ez duten beste arrazoi batzuengatik joan zen ospitalera.
Gizon horrek animaliekin kontakturik ez zuela izan eta gaixotasunaren sintomarik ez zuela ziurtatu zuten orduan. Hori dela eta, Mendiorozek esan du beharbada birusaren arrastoak zituela gorputzean —ez zuten kutsatu— edo probak egiteko laginak hartzeko prozesuan birusarekin kutsatu zela.
Zure interesekoa izan daiteke
Arzakek salatu du bere marka ordezkatu dutela, online bidezko erreserbetan iruzurrak egiteko
Hiru Michelin izar dituen jatetxeak bere webgune ofiziala imitatzen duten iruzurrezko orriez ohartarazi du, eta dagoeneko salaketa aurkeztu du Ertzaintzan.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.
Gasteizko Mitika aretoaren auzia herri-epaimahai baten aurrean epaitzea baztertu du Gorenak
Arabako Probintzia Auzitegiak arrazoia eman zien akusatuaren defentsari eta Fiskaltzari, uste baitzuten gertakariak hobeto egokitzen zirela lesio-delitu batera, zuhurtziagabekeriazko homizidio batekin batera, eta horrek eragotzi egingo luke kasua herri-epaimahai baten aurrean epaitzea.
26 urteko emakume bat oso larri zauritu da Saratsan, auto-istripuan
Ezbeharra N-240-A errepideko 11,5 kilometroan jazo da. Larrialdi zerbitzuek ibilgailutik atera dute emakumea, eta anbulantzian eraman dute Nafarroako Unibertsitate Ospitalera, Iruñera. Guardia Zibila ezbeharraren nondik norakoak ikertzen ari da.
Garcia Ortizi aurre egin zion Madrilgo fiskala ordezkatu du fiskal nagusiak
Zehazki, Maria Isabel Martin Lopezek hartuko du Lastrak orain arte betetako kargua. Fiskaltzaren Idazkaritza Teknikoan aritu izan da 2018tik , fiskal nagusiaren laguntza-organoan. Lastrak bost urte zeramatzan karguan eta Madrilgo fiskal nagusi gisa jarraitu nahi zuen.
Global Sumud Euskal Herria: "Tirokatu gaituzte eta bueltatzeko agindu digute, baina aurrera jarraitzea erabaki dugu"
Israelgo soldaduak ontzira igo eta miaketa sakon bat egin dute Global Sumud Euskal Herriako aktibista batek zehaztu duenez. Soldaduen jarrera kritikatu dute eta gure artean Israelek dituen "konplizeak" ere aipatu dituzte.
Osakidetzak ebakuntza itunpeko zentroetan egiteko aukera eskainiko die 6 hilabete baino gehiago zain egondako 1.800 pazienteri
Alberto Martinezen hitzetan, Espainiako Osasun Ministerioa "Estatutu Markoa berritzeko moduan ez badago", Euskadi prest dago transferentziari ekiteko.
B1 maila lau urtean eta 120 euroren truke lortzeko Euskara Bonua aurkeztu du Eusko Jaurlaritzak
Ibone Bengoetxea lehendakariordeak laburbildu duenez, doakotasun politika horren jauzia "hirukoitza" da; izan ere, "burokrazia murrizten du" izapide bakar batera; ikaskuntzaren kostu osoa "nabarmen murrizten du", "% 95eraino"; eta, azkenik, "lau urteko aukera" edukitzea "pizgarria" da, ikasleek B1 maila lortu arte jarrai dezaten.
Adinekoen zentroetan bingoan jokatzeko aukera irekiko du Legebiltzarrak
Proposamena Bilboko zahar-etxe batean izandako polemikaren ondoren etorri da. Zentroan 20 zentimoko kartoiekin jokatzen zuten, eta isunak jasotzeko mehatxua izan zuten.