Armak enbargatzea eta Israelekin "harremanak etetea" eskatu dute 2000 pertsona inguruk Iruñean
Duela 78 urte Nazio Batuen Erakundeak (NBE) Palestina banatu zueneko urteurrena dela eta, Israel Gazan egiten ari den sarraskiaren aurka, kolonialismoaren aurka eta herri palestinarraren alde mobilizatu dira berriro Iruñeko herritarrak.
2.000 pertsona inguruk hartu dute parte gaur eguerdian Iruñean, Espainiako Gobernuak Nafarroan duen Ordezkaritzaren arabera, Palestinako herriari elkartasuna adierazteko eta Israelekin "harremanak haustea" eskatzeko.
Yala Nafarroa Palestinarekin plataformak deitutako mobilizazioak Nazio Batuen Erakundeak Palestina bi estatutan banatzea erabaki zuen 181 ebazpenaren 78. urteurrenarekin bat egin du.
Manifestazioa eguerdian abiatu da Antoniutti parketik, joaldunak aurretik zirela. Zisjordaniako Hattah dantza taldeko kideek Palestinako bandera eraman dute eta Gazteluko plazan dantza erakustaldia egin dute mobilizazioaren amaieran. Duguna dantza taldearekin senidetzeko helburuz joan da taldea Iruñera, eta hainbat jardueratan parte hartuko du hurrengo egunetan.
Palestinar dantza taldeko ordezkariak Lakuntzan izango dira igande arratsaldean, Tuteran astelehenean eta Lizarran asteartean. Gainera, Burlatako Askatasuna institutuan ere izango dira.
Hedabideen aurrean egindako adierazpenetan, Lidon Soriano Yala Nafarroako bozeramaileak azaldu du mobilizazio hau Europa mailako beste hiri batzuekin koordinatuta egin dela, "Israeli armak erabat eta guztiz enbargatzea eskatzeko berriz ere" eta herrialde honekiko harremanak "erabat haustea" eskatzeko, "genozida isolatuz bakarrik amaitu ahal izango dugulako genozidioa".
"Une erabakigarria" dela hau nabarmendu du. Izan ere, "Trump-Netanyahu ustezko bake akordioaren ondoren, jakin badakigu herritar batzuk desmobilizatu egin direla, benetan bake akordioa dela pentsatuta". Horren harira, adierazi duenez, "Israelek 300 aldiz baino gehiagotan urratu du su-etena, 268 pertsona hil ditu su-etena gauzatu behar zuela adierazi zuenetik, eta oraindik ez du laguntza humanitariorik sartzen utzi".
Zure interesekoa izan daiteke
Zer gertatu da Getxoko Irurak Bat jauregi txikiarekin?
Eraikinaren orubean 12 etxebizitza eraikitzeaz arduratzen zen enpresak hura zaharberritzeko lizentzia zuen, jatorrizko fatxadak mantenduz, tokiko babes maila berezia zuten eta. Hala ere, eraitsi egin zituen, Getxoko Udalaren baimenik gabe.
Xabier Anduaga, 2026ko Urrezko Danborra, festarako prest
Xabier Anduaga tenor donostiarrak aurtengo Urrezko Danborra jasoko du eta San Sebastian Martxa abestuko du, Donostiako Orfeoiarekin batera, Konstituzio Plazan. Familiarekin eta lagunekin gozatuko du momentuaz.
Burgoseko bi paziente onkologikoren heriotzari buruzko ikerketa abiatu du Fiskaltzak
Asteazken honetan, prozesatu aurreko ikerketa-eginbideak abiarazi dituzte, ospitaleak onartu ostean giza akats baten ondorioz bi paziente hil eta zaintzapean dauden hiruri kalteak eragin zitzaizkiela.
Hasi da txotx denboraldia Gipuzkoan!
Petritegi sagardotegian, euskal pilota selekzioa lagun, ireki dute aurtengo sagardoaren lehenengo upela. 3,1 milioi tona dira guztira, eta ezaugarriei dagokienez, arinxeagoa. 46 sagardotegi prest dira gaurtik aurrera bisitariak jasotzeko.
Auzitegi Gorenak espetxealdi iraunkor berrikusgarria ezarri dio Aizarnazabalgo krimenaren akusatuari
Auzitegi Gorenak atzera bota du kondenatuaren defentsak jarritako kasazio-errekurtsoa, eta hilketa hiperastunduaren delitu baten errudun jo du.
Hamaika urteko espetxe-zigorra ezarri diote gizon bati, Zizur Nagusian hilketa saiakera batean biktima paraplegiko uzteagatik
Auzipetuak, Iruñekoa eta nahasmendu psikiko bat diagnostikatuta duenak, 3 milioi euroko kalte-ordaina eman beharko dio biktimari. Gertakarien egunetik behin-behineko espetxealdian egon da, eta, aurrerantzean, ezingo du kaltetuarekin komunikatu ez eta harengana 200 metro baino gutxiagora hurbildu ere, 20 urtez. Gainera, espetxetik atera ostean, zaintzapean egongo da, aske, 10 urte gehiago.
Martxan da Hernanin txotx denboraldian autobusentzako aparkalekua erreserbatzeko sistema
Txotx denboraldiaren kudeaketa hobetzea du helburu erreserba sistema berriak. Autobus pribatuek 60 euroko tasa ordaindu beharko dute (9 eta 34 plaza artean) eta 100 eurokoa, 35 plaza baino gehiagokoek. Dena dela, lehen hiru larunbatetan (urtarrilaren 24an eta 31n eta otsailaren 7an) doan izango da, baina derrigorrez erreserba eginda.
Artxibatu egin dute Iruñeko unibertsitateko karparen inguruan egindako sexu-erasoagatiko salaketa
Erasoa urriaren 23ko gauean gertatu zen, Iruñeko unibertsitate-karpatik gertu. Emakume gazte bat bortxatu zuten, eta Nafarroako Unibertsitate Ospitalera eraman zuten. Ustez inplikatuta zeuden lau gizon atxilotu eta espetxeratu zituzten, baina, DNA probak haien profil genetikoarekin bat ez zetozela egiaztatu ondoren, epaileak aske utzi zituen lau espetxeratuak.
2025. urtea beroenetan hirugarrena izan zen, eta 2023tik izandako batezbestekoak 1,5 °C-ko muga gainditu du
2025ean, munduko batez besteko tenperatura 14,97 °C-koa izan zen, 1991-2020 erreferentziako aldiko batezbestekoa baino 0,59 °C beroagoa. Europan ere 2025a beroenetan hirugarrena izan zen, batez besteko tenperatura 10,41 °C-koa izan baitzen, 2024ko errekorra baino 0,30 °C baxuagoa baina batezbestekoa baino 1,17 °C altuagoa.
Urtebete igaro da Iruñeko Planetarioan sutea gertatu zenetik
Nafarroako Gobernuak eta Planetarioaren kudeatzen duen NICDO enpresa publikoak azaldu dutenez, azpiegitura eraberritu eta zientzia eta astronomiako dibulgaziorako gune bilakatu nahi dute.