Ehunka lagunek salatu dute Muskiz eta Abantoko herritarrak "hiltzen" ari dela Petronor
Bizkaiko bi herri horietako bizilagunak kalera atera dira ostegunean izandako bentzeno ihesaren aurka protesta egiteko. Salatu dutenez, agintariek "berandu" hartu zituzten prebentzio neurriak, bentzeno maila altuak goizean atzeman zituzten arren. Jaurlaritzari neurriak eskatu dizkiote, halakorik berriro gerta ez dadin.
Muskizko manifestazioaren une bat. Argazkia: Europa Press
Hainbat auzo elkartek deituta, manifestazioa egin dute gaur Muskizko eta Abantoko herritarrek, ostegunean Petronorren izan zen bentzeno ihesaren kontra protesta egiteko eta gertakaria kudeatzeko modua salatzeko. Bentzeno maila altuak zirela eta, etxean geratzeko gomendatu zuen Eusko Jaurlaritzak. Horren harira, agintariei Meatzaldeko herritarren osasuna zaintzeko deia egin diete, eta horrelakoak berriro ez gertatzeko neurriak hartzeko.
Manifestariak bi zutabetan joan dira findegiaren parera. Bietako bat Abantoko Las Carreras auzoko Trinitate plazatik abiatu da; bestea, Muskizko udaletxetik. Bi zutabeek Muñatones jauregian egin dute bat, eta bat eginda egin dute handik Petronorrerako bidea.
"Meatzaldea ez dago salgai", "Petronor aski da" eta "Gu hiltzen ari zarete" leloak izan dituzte ahotan herritarrek, euren haserrearen erakusle. Bertan salatu dutenez, agintariek "beranduegi" ezarri zituzten prebentzio neurriak; izan ere, bentzeno maila altuak goizean atzeman zituzten, baina gauera arte ez zieten eman etxetik ez ateratzeko gomendioa.
Jaurlaritzari neurriak hartzeko eskatu diote
Manifestazioaren amaieran, Meatzaldea Bizirik eta Stop Variante Las Carreras elkarteetako ordezkariek Petronorren zein Jaurlaritzaren jarduna kritikatu dute komunikatu banatan.
Las Carreras auzoan saihesbidea egitearen kontra dagoen plataformak salatu duenez, bizilagunek "pozoia arnastu" zuten ostegunean. "Etxean geratzeko gomendioa berandu eman izana ez zen akats puntuala izan, gero eta gehiagotan gertatzen den hanka-sartze larria baizik. Alarmak ez zuen jo, arriskua benetakoa zen arren", kritikatu dute.
Auzo plataformaren arabera, Petronorren azpiegiturak "zaharrak" dira, langileek "denbora daramate segurtasun eta mantenu arazoak salatzen, eta, bitartean, administrazioak ezikusiarena egiten du, gertakariei garrantzia kentzen die, ez du enpresa zigortzen eta ez du gardetasunez informatzen".
Stop Variante Las Carreras elkarteak esan du Meatzaldeko bizilagunen osasunaren alde "azken muturreraino" borrokatzeko prest dagoela, eta ez duela "atzerapausorik" onartuko.
Meatzaldea Bizirik elkartearen hitzetan, herritarrek "aski da" adierazi diote Petronorri, eta, halere, "gasekin pozoitzen gaitu behin eta berriz".
Elkarte horren ustez, ostegunean gertatutakoa "ez da gorabehera isolatu bat, azpiegituren funtzionamendu txarraren ondorio txarra baizik". "Ez ditugu enpresaren barkamen eskaerak nahi, ezta Jaurlaritzaren eta Udalen konplazentzia ere", gaineratu dute.
Halaber, osteguneko ihesa berriro ez errepikatzeko "beharrezkoak diren neurriak" hartzeko eskatu diote Jaurlaritzari, eta isuriak "etengabe eta publikoki monitorizatzeko" sistema bat galdegin dute.
Bizilagunez gain, EH Bilduko eta Podemos Euskadiko ordezkariak ere izan dira bertan.
Mikel Otero koalizio subiranistaren Trantsizio Ekologikorako idazkariak Petronorren "ikuskapen sakona" egiteko eskatu dio Jaurlaritzari, eta "neurriak eta isunak ezartzeko". Auzia Legebiltzarrera eramango dutela jakinarazi du, eta arduradun politiko zein enpresaren ordezkarien agerraldia galdegingo dutela.
Podemos Euskadiren aburuz, Petronorren egoera "onartezina" da, eta, hori dela eta, Foru Aldundiaren "berehalako agerraldia" eskatuko duela jakinarazi du.
Zure interesekoa izan daiteke
Haurdunaldian ematen den genero indarkeria kasuak osasun-kontsultei esker identifikatu daitezke
Haurdunaldian emakumeek harreman estua izaten dute osasun-sistemarekin: emaginarekin, ginekologoarekin eta erizainarekin dituzte kontsultak. Hilabete horiek giltza izan litezke genero-indarkeria egoerak identifikatzeko. Osasun eta gizarte-arloen aldetik erantzun koordinatua emateko beharra aldarrikatu dute adituek Donostian, “Indarkeria eta amatasuna” izeneko udako ikastaroan.
Einar Galilea euskal futbolariaren aurkako pintadak agertu dira Malagan, Argentinako kamisetarekin bere irudia zabaldu ostean
Irainez betetako pintadak Rosaledatik gertu agertu dira, Espainia eta Argentinaren arteko Munduko Txapelketako finalaren ostean. Malagako jokalariaren argazkia sare sozialetan zabaldu da, baina ez dago argi noiz ateratakoa den.
Agur terrazetan eta hondartzetan erretzeari: honelakoa da tabakoaren aurkako lege berria, bapeagailua eta zigarroa parekatzen dituena
Espainiako Gobernuak onartutako lege berriak debekatu egingo du terrazetan eta hondartzetan erretzea eta bapeatzea. Izan ere, zigarreta elektronikoa eta tabako tradizionala parekatu eta 600 eurorainoko isunak aurreikusten ditu.
Bi begirale atxilotu dituzte Biarritzen, hiru eta lau urteko haurrak bortxatzea eta sexu-erasoak egitea leporatuta
Baionako Fiskaltzak jakinarazi duenez, orain arte jasotako testigantzen arabera, 12 sexu-eraso kasuren eta bortxaketa baten zantzuak aurkitu dituzte, eta ez dute baztertzen gehiago izatea.
Alga asiarra: gure kostaldeko itsas hondoa hartzen ari den alfonbra berdea
Alga hori gure hondartzetan zabaltzea ageriko zatia baino ez da. Izan ere, alga asiarra gure itsas hondoan alfonbra berdeak osatzen ari da. Haren hedapenak biodibertsitatea mehatxatzen du, eta hura kontrolatzeko erronka berriak sortu ditu.
Espainiako Gobernuak behin betiko onartu du terrazetan eta hondartzetan erretzea debekatzen duen tabakoaren aurkako legea
Araudi berriak zigarro elektronikoak eta bapeagailuak ohiko tabakoarekin parekatu ditu, kerik gabeko guneak zabalduko ditu eta produktu berrien salmenta establezimendu espezializatuetara mugatuko du.
Euskal Encounterrek 5.000 parte-hartzaile inguru eta 4.000 ordenagailutik gora bilduko ditu BECen
Makrohitzordu teknologikoa uztailaren 23tik 26ra egingo da eta arreta berezia eskainiko zaio adimen artifizialari eta ordenagailu kuantikoari.
Bi emakume hil dituzte azken 24 orduetan beren bikotekide edo bikotekide ohi gizonezkoek Malagan eta Toledon
Emakumezkoek 30 eta 45 urte bitartean zituzten, eta euren bikotekideek eraso eginda hil dira. Gizon bat atxilotu dute, eta besteak bere buruaz beste egin omen du. Guardia Zibila beste kasu bat ikertzen ari da Malagan. Beste emakume bat hilik aurkitu zuten astelehen gauean Almoradin (Alacant), baina autopsiaren arabera, arrazoi naturalengatik hil zen.
Lekeitioko uharteko moilan erreskatatua izateak 1.500 eurorainoko faktura ekar dezake
2025eko lege-dekretu batek jasotzen duenez, erreskate-operatiboaren kostua erreskatatutakoaren gain utzi ahal izango da, baldin eta erreskatea arriskutsutzat seinaleztatutako gune batean egiten bada; duela aste batzuetatik, Lekeitioko uharterako moilak baldintza hori betetzen du.
Amaitu dira goizeko ilarak A-8an, Muskiz parean
Istripuak errei bat ixtea eragin du Santanderrerako noranzkoan eta une batean 5 kilometrokoak izan dira auto-ilarak, eguerdiko 12:00ak aldera errepidea berriro zabaldu duten arte.