Gizon batek bikotekidea hil du, jipoia eman eta ondorioz hiru egunez ZIUn egon ondoren, Catarrojan
Erasoaren ustezko egilea atxilotu egin zuten, eta asteartean epaileak aske utzi zuen kautelazko neurriekin; erabakia hartu eta ordu batzuetara hil da emakumea, zaurien ondorioz. Asteazken goiz honetan, atxilotzeko agindua eman du epaileak, ihes egiteko arriskuagatik, eta erasotzailea berriro atxilotu dute.
Gizon batek 48 urteko bikotekidea hil du, Valentzian, jipoi bortitza emanda.
Erasoa ostiraletik larunbaterako gauean gertatu zen, biktima eta ustezko erasotzailea bizi ziren etxean, Catarrojan (Valentzia).
Gizonak sekulako jipoia eman zion emakumeari, eta Valentziako La Fe Unibertsitate Ospitalera eraman zuten. Bertan hiru egunez egon da, koman, eta hil egin da azkenean.
Haren bikotekidea, 43 urteko gizona, Alfafarreko Polizia Judizialeko agenteek atxilotu zuten erasoaren ostean, eta epailearen esku utzi zuten atzo. Epaileak aske utzi zuen, kautelazko urruntze-neurriarekin. Une horretan emakumea bizirik zegoen.
Emakumea ospitalean hil ostean, asteazken goiz honetan, Emakumeen aurkako Indarkeriaren arloko Epaitegiak atxilotzeko agindua eman du, ihes egiteko arriskuagatik, eta erasotzailea berriro atxilotu dute, ikerketako iturriek jakitera eman dutenez.
Guardia Zibilak ikerketa zabalik du.
Zure interesekoa izan daiteke
Santurtzi eta Barakaldo arteko aldirietako tren zerbitzua eten dute matxura baten ondorioz
Santurtzitik Barakaldora edo Barakaldotik Santurtzira doazen tren guztiek Desertu-Barakaldo geltokitik hasi eta amaituko dute ibilbidea, eta autobus zerbitzua izango dute helmugara iristeko.
Gipuzkoako lehen Ostalaritza Eskola izango da 2027tik aurrera
Euskadiko laugarren ostalaritza-eskola izango litzateke, Leioa, Galdakao eta Gamarrako eskolekin batera. Hezkuntza Saila Donostiako Udalarekin lanean ari da kokapenerako.
Gutxienez bi kilometroko auto-ilarak N-1 errepidean, Andoainen, kamioi baten matxuragatik
Kamioi baten matxurak eragina izan du N-1eko trafikoan, Gasteizko noranzkoan, eta zirkulazio motela eragiten ari da lehen orduan.
Gaur hasiko da Euskadin 2026-2027 ikasturterako aurrematrikulazio epea
Otsailaren 13ra arte egongo da zabalik aurrematrikula egiteko epea. Derrigorrez egin behar dute bi urteko ikasgeletako ikasleek, baita ikastetxe batera lehen aldiz sartzen direnek edo hizkuntza-eredua aldatu nahi dutenek ere.
Gizon batek bikotekidea hil du Pontevedran eta bere buruaz beste egin du ondoren, atxilotu aurretik
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Gizona etxebizitza batean gotortu da eta Guardia Zibila berarekin negoziatzen aritu da arratsalde osoan, entregatu zedin, baina bere buruaz beste egin du azkenean.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.