Padura artifizialak sortu eta etorkizuneko eraikinetako kotak igoko ditu Jaurlaritzak, itsas mailaren igoerari aurre egiteko
Egoerarik okerrenean, itsasoaren maila 0,72 metro igo liteke 2100. urterako. Horrek guztiak zuzenean eragingo die EAEko biztanleriaren % 32ri (700.000 pertsonari baino gehiagori) kostaldean eta bokaletik hurbil dauden ibai haranetako biztanleei. Hori dela eta, Eusko Jaurlaritza onartu du, behin-behinean, Itsasertza Babestu eta Antolatzeko Lurralde Plan Sektorialari.
Itsasoaren mailaren igoerak zuzenean eragingo dio Euskal Autonomia Erkidegoko (EAE) biztanleriaren ia herenari, hau da, kostaldean eta bokaletik hurbil dauden ibai haranetako eremuetan bizi diren 700.000 pertsonari baino gehiagori.
IPCC zientzia-aditu taldeak egindako azterketa baten arabera, egoerarik okerrenean itsasoaren maila 72 zentimetroraino igo liteke 2100. urtean, eta horrek erabat eraldatuko luke itsasoaren eta lurraldearen arteko lotura. Aldiz, berotegi efektuko gasen isuriak geldiarazteko gai izanez gero, igoera hori 49 zentimetrora mugatuko litzateke.
Egoerarik okerrenean, EAEko hondartzen azaleraren % 39, dunen % 26,7 eta paduren % 75 gal daiteke.
Berdeguneak, azpiegitura ekologikoak, bizitegi- eta industria-eremuak eta olatuen eraginpean dagoen kostaldea ere are kalteberago izango litzateke. Zehazki, arriskuan dauden bizitegi-eremuak % 1,13 izatetik % 2,76 izatera pasako lirateke (% 244ko igoera), eta industrialak % 1,43tik % 3,64ra.
Hori dela eta, Eusko Jaurlaritzak onartu du, behin-behinean, astelehen honetan Itsasertza Babestu eta Antolatzeko Lurralde Plan Sektorialari (LPS), kostaldearen babesa indartzeko eta klima-aldaketaren ondorioei aurrea hartzeko.
Plan horren baitan, estuarioetan padura artifizialak sortuko dira, Urdaibai (Bizkaia) eta Urolan (Gipuzkoa), berbarako. Halaber, planak aurreikusten du, etorkizunean, etxebizitzak eraikitzerakoan kotak igotzea.
Halaber, Kantauriko artadien 300 hektarea baino gehiago Babes Berezia kategorian sartuko dira, klima aldaketaren ondorioen aurrean funtsezko ekosistemen kontserbazioa indartzeko.
Itsas eremuan, planak Natura 2000 Sarea handitzea bultzatzen du, Ulia-Jaizkibel itsas eremua sartuz, gutxi gorabehera 13.000 hektareako azalerarekin, itsas korridore ekologiko estrategiko gisa.
Hasierako onarpenaren ondoren, Itsasertzeko LPSa tokiko administrazioen, adituen, erakundeen eta herritarren ekarpenekin aberastuko da.
Zure interesekoa izan daiteke
Bi pertsona atxilotu dituzte Bizkaian, Hezbollahrekin zerikusia dutelakoan
Operazioa sekretupean dago, eta ez dute xehetasun gehiagorik zabaldu. Libanoko taldearen beso armatua Europar Batasuneko erakunde terroristen zerrendan dago; ez, ordea, alderdi osoa.
Lau segurtasun kamera suntsitu dituzte Gasteizko Alde Zaharrean
Gasteizko Udalak adierazi duenez, erasoak ostiralean hasi ziren eta astelehen gauean jarraitu dute, eta milaka euroko kalteak eragin dituzte.
Jaurlaritzak eta EHUko errektoreak premiazko bilera egingo dute arratsaldean, Euskara azterketetako zeroen polemikagatik
Unibertsitate eta Hezkuntza sailburuak Joxerramon Bengoetxearekin bilduko dira gaur arratsaldean.
Honelakoa da USaPeko azterketak berrikusteko prozesua
Gauerdian amaitu da unibertsitatera sartzeko proba berrikustea eskatzeko epea, eta behin betiko kalifikazioak ekainaren 22an argitaratuko dira.
Taxien Gasteizko ordenantza berriak sektorearen gehiengoaren babesa jaso du eta onartzeko bidean da
Profesionalen segurtasuna eta gauerako gutxieneko zerbitzuak dira hobetu daitezkeen alderdietako batzuk. Zerbitzu horietarako, 50 taxiko partidari eutsiko dio Udalak.
Errenteriako Bertso Eskolako erasoen auzia artxibatu dute, salaketarik ez dagoelako
Ez dago inolako salaketarik, eta Fiskaltzak ezin du ofizioz jardun salaketarik ez dagoenean.
Hiru etxebizitza hustu behar izan dituzte Gazolazen, Oltza zendean piztutako sute batengatik
Sutea piztu da arratsaldean Oltza zendean, Nafarroan. Zereal soro batean piztu da sua, eta Gazolazko hiru etxebizitza hustu behar izan dituzte, badaezpada. Pinudi bat ere harrapatu dute sugarrek. 20:30 aldera lortu dute sutea kontrolpean hartzea. Gauean, sua erabat itzaltzen eta ingurua freskatzen arituko da suhiltzaile talde handi bat.
USaPeko euskarazko azterketan zerokoa duten ikasleek protesta egin dute Bilbon
Dozenaka ikasle ez daude konforme USaPeko euskarazko azterketan lortutako emaitzarekin, eta, irakasleekin batera, egoera argitu dadin eskatzeko elkarretatzea egin dute Bilboko Ingenieritza Fakultate kanpoan.
Zortzi urte eta erdiko kartzela-zigorra ezarri diote Rafa Mir futbolariari, sexu-erasoagatik eta lesioengatik
Bigarren akusatu bati 2 urteko kartzela-zigorra ezarri diote, sexu-eraso delituengatik.
Aurrera doa Tolosako ospitale berriaren esleipena, nahiz eta EH Bilduk murrizketak kritikatu dituen
Alberto Martinez Osasun sailburuak adierazi du prozesua bide onetik doala eta aste honetan bertan espero duela ospitale berria eraikitzeko proiektua esleitzea, lanak 2028an hasi eta 2031n amaitzeko asmoz. Bien bitartean, Rebeka Ubera EH Bilduren legebiltzarkideak gogor kritikatu du dokumentua, eta alternatiba guztiak ondo aztertu diren zalantzan jarri du.