Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Zestoako sei auzipetuei babesa emateko elkarretaratzea Donostiako epaitegien atarian. Argazkia: EFE
Gaur geratuko da epai zain Zestoako sei herritarren aurkako auzia, gizonezko baten integritate moralaren aurkako delitua egitea leporatuta.
Atzo, osteguna, fiskalak atzera egin eta akusatu nagusiaren absoluzioa eskatu zuen. Halaber, gainerakoei espetxe zigor eskaera erretiratu zien, baina 15.000 euroko isuna jartzeko eskaera egin zuen (30.000 eurotik 15.000 eurora murriztuta).
Hain zuzen ere, tratu txarren kontakizun gordina egin zuen akusatu nagusi eta salatzailearen bikotekide ohi ere badenak eta horren ondoren erabaki zuen fiskalak zigor eskaerak aldatzea.
Fiskalaren galderei erantzunez, salatzaileak tratu txarrak eman zizkiola kontatu zuen akusatu nagusiak. Azaldu zuenez, erabateko kontrola ezartzen zion, lagunekin irteten bazen (bereziki mutilekin) haserretu egiten zen eta telefonoko mezuak erakutsi behar zizkion.
2015ean akusatua haurdun geratu zenean egoerak okerrera egin zuela kontatu zuen, irainak areagotu egin ziren.
Gizonak alkohola eta droga kontsumitzea ohikoa zela kontatu zuen, eta askotan goizaldean bere onetik irtenda etxera itzultzen zenean haurra esnatu eta bere aurrean iraindu egiten zuela.
2016ko azaroan harremana eten, etxetik irten eta haurra berarekin eramatea erabaki zuen.
Ez zuen inoiz salaketarik jarri, ordea, umeari zer gertatuko zitzaion "beldurrez".
Behin semearen zaintza partekatua zutela, lagun talde batek laguntzen zion akusatuari adin txikikoa jasotzera eta hartzera. Epaiketan egindako deklarazioan guztiek ukatu zuten salatzailea zaintza jazarri eta presionatu egin zutela.
Salatzailearen arabera, bikotekide ohiak eta herriko beste bost pertsonak jazarri eta presionatu egin zuten, semearen zaintza partekatuari uko egin ziezaion, eta bere kontrako kontzentrazioak eta bestelako ekintzak egin zituzten, emakumeari tratu txarrak ematen zizkiola esanez.
Gaur aldeek ondorioak aurkeztuko dituzte eta akusatuek azken hitza hartzeko aukera izango dute.
Zure interesekoa izan daiteke
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.