10 urteko kartzela-zigorra berretsi dute hipikako irakasle batentzat, ikasle adingabe bati sexu-abusuak egitea egotzita
Nafarroako Justizia Auzitegi Nagusiaren arabera, adingabeak 13 eta 15 urte bitartean zituenean jasan zituen sexu-abusuak, etengabe, eta "ez zuen gaitasun eta heldutasun nahikorik" egoera horri aurre egiteko. Gainera, "manipulazio afektiboa" antzeman du, "berezi" sentiarazi nahi zuelakoan.
Nafarroako Probintzia Auzitegiak hipikako irakasle bati irailean ezarritako 10 urte eta egun bateko kartzela-zigorra berretsi egin du Nafarroako Justizia Auzitegi Nagusiak, 13 eta 15 urte bitarteko ikasle bati sexu-abusuak egitea egotzita.
Halaber, 15 urtez, biktimarengandik 300 metro baino gutxiagora hurbiltzeko debekua berretsi du epaileak, baita harekin edonola komunikatzeko eragozpena ere. Horrez gain, akusatuak 8 urteko zaintzapeko askatasuna bete beharko du espetxe-zigorraren ondoren, eta, erantzukizun zibil gisa, 25.000 euroko kalte-ordaina eman beharko dio gazteari, kalte moralagatik. Epai horren aurka helegitea jartzeko aukera dago.
Aurreneko sexu-abusua 2015eko urtarrilean gauzatu zen, zentro hipiko horretako gizonezkoen aldageletan, akusatuak 32 urte zituenean eta biktimak 13 urte. Ordutik aurrera, erasoak ohikoak izan ziren, ia asteroko maiztasunarekin, 2016ko apirilera arte. Urte hartan, abuztutik aurrera, aldizka jasan zituen erasoak 15 urteko neskatoak.
Nafarroako Justizia Auzitegi Nagusiak egiaztatutzat jo du adingabeak "gaitasun eta heldutasun nahikorik ez" zuela egoera horri aurre egiteko, eta "manipulazio afektiboa" antzeman du, "berezi" sentiarazi nahi zuelakoan. Epaiak azpimarratu duenez, biktimak kalte moralak ditu ordutik, eta zailtasunak bere garapenean eta sexu-alorrean.
Auzitegiak aintzat hartu du nagusitasunaren astungarria, eta auzipetua zigortu du, sexu-abusuaren delitu jarraitua leporatuta, biktima 16 urtetik beherakoa baitzen. Defentsak helegitea jarri du absoluzioa eskatuz, eta Fiskaltzak eta akusazio partikularrak errekurtsoa ezestea eskatu dute.
Era berean, Nafarroako Justizia Auzitegi Nagusiak azpimarratu du lekukoen koherentzia; izan ere, garai hartan biktimaren lagunak zirenek berretsi egin dute salatutako jokabideei buruzko kontakizuna.
Azkenik, epaimahaiak ondorioztatu du akusatuak bazekiela adingabeak 16 urte baino gutxiago zituela, "are gehiago" bere irakaslea zelako eta "eskola-uniformea jantzita joaten zelako".
Zure interesekoa izan daiteke
Espainiako Gobernuak dio martxoaren 3ko sarraskiak "Estatuaren errepresio basatitzat" onartu dituela
Gorka Elejabarrieta EH Bilduko senatariaren galderei erantzunez, Angel Victor Torresek esan du memoria historikoaren eta demokratikoaren legeek biktimak barne hartzen dituztela eta Zaramagako eliza 50. urteurrenean oroimen demokratikoaren leku izendatuko dutela.
Zabaldu dute N-634 errepidea Zarautz eta Getaria artean, atzo zintzilik geratutako harritzarra erretiratu ondoren
Zarautz eta Getaria (Gipuzkoa) arteko N-634 errepidea 18:15ean ireki dute, ia 24 orduz itxita egon eta gero. Euriteen ondorioz, harritzar bat erori zen atzo segurtasun sarera, eta gaur arratsaldean kendu dute, atzerako hondeamakina baten laguntzarekin.
Radio Vitoriak "Memoriaren indarra" aurkeztu du, 1976ko martxoaren 3ko sarraskia berreraikitzen duen soinu-dokumentala
Gertatu eta mende erdi geroago, polizia armatuaren audio argitaratugabeak eta lekukoen testigantzak jasotzen ditu dokumentala, bala horien oihartzuna inoiz gal ez dadin. David Saenzek zuzendutako dokumentalak 30 elkarrizketa biltzen ditu; horien artean, Rodolfo Martín Villari egindakoa.
Eusko Jaurlaritzak sektore publikoko langileen soldata % 1,5 igotzea onartu du
Igoera hori otsaileko nominan aplikatuko da, eta atzeraeraginezko ondorioak izango ditu urtarrilaren 1etik aurrera.
Korrika baliatuz 36 migratzaileri muga zeharkatzen lagundu zieten zazpi ekintzaileak errugabe jo dituzte
2024ko martxoan 36 migratzailek Irungo Santiago zubia zeharkatu zuten, Korrikarekin batera eta hainbat ekintzaileren laguntzarekin. Frantziako Justiziak horietako zazpi auzipetu zituen, eta 10 urterainoko zigorra eta 250.000 euroko isuna eskatu zuen haientzat.
Eusko Jaurlaritzak 817 milioi euroko inbertsioa egingo du 2030era arte, familia, haur eta nerabeei laguntzeko
Familiei, Haurrei eta Nerabeei Laguntzeko Erakundearteko Plan berriak (2026-2030) jasotzen dituen neurrien artean dago, besteak beste, haurrak lau urte bete arte familiek hilero jasoko duten 200 euroko laguntza. Aurtengo lehenengo hiruhilekoan onartuko du Jaurlaritzak neurri berria eta 2026ko urtarrilaren 1etik izango du eragina.
Emakunderen ikerketa baten arabera, bakarrik bizitzea "ikasketa bat da, aukera bat" adineko emakume askorentzat
'Euskal Autonomia Erkidegoan bakarrik bizi diren adineko emakumeak: emandako gizarte-baimena?' txostenaren arabera, bizilagunik ez izateak du esan nahi bakarrik sentitzen direla, gizarteak adineko emakumeei buruz duen irudi estereotipatutik hori ondorioztatzen den arren.
Duela 5.000 urte izoztutako bakterio batek hamar antibiotikori aurre egin diezaieke eta sendagaiak sortzeko baliagarria izan daiteke
Errumaniako izotz-kobazulo batean isolatuta egon da anduia, eta bi agertoki ekarri ditu: askatuz gero, mikrobioen aurkako erresistentzia larriagotu dezake, baina berrikuntza bioteknologikoei atea ireki diezaieke.
Bost gazte hil dira Manlleun (Bartzelona), trasteleku batean izandako sute batean
Bost gazteek "elkargune" gisa erabiltzen zuten trastelekua, eta oraindik ez dago argi zer egiten ari ziren sua piztu denean. Mossoek baztertu egin dute trastelekua bizitoki moduan erabiltzen zutela.
Hainbat errei itxi dituzte Bizkaian eta Gipuzkoan, luiziak eta ur putzuak direla eta
BI-630 errepidean errei bat itxi dute Karrantza parean, luizi bat izan baita. Halaber, lur-jausi bat izan da N-1 errepidean ere, Idiazabal parean, eta errei bat itxi behar izan dute. Hori guztia dela eta, Segurtasun Sailak arretaz gidatzea gomendatzen du.