Lekuko batek deklaratu du ertzain bat ikusi zuela Amaya Zabarteri ostiko bat ematen
2024ko martxoko Paris Saint Germain partidaren aurreko istiluen ondorioz, buruan zaurituta eta ZIUn ingresatuta egon zen Realeko jarraitzaile Amaya Zabarteri laguntza eman zion gazte batek epaitegian deklaratu duenez, zaletuak Ertzaintzaren ostikada bat jaso zuen gertakari horietan. Iker Sarriegi Zabarteren abokatuak testigantza "oso garrantzitsutzat" eta "funtsezkotzat" jo du auzirako.
Ostiral honetan egin da Donostiako Instrukzioko Epaitegian, lekuko horri deklarazioa hartzea ikertzen ari den epaitegian.
Epaitegiko saioaren ostean, Zabarteren abokatuak adierazi du lekukoak arratsalde hartan gertatutakoa oroitu duela epaitegian: Esan du beste neska batekin zegoela, Anoetako geltokitik gertu hirugarren lagun baten zain. Leherketa bat entzun zutela eta emakume bat lurrean ikusi zutela. Ondoren, emakume hori altxa eta haiek zeuden ingurura gerturatu zela. Emakumea "zorabiatu itxura" zuela gehitu du eta, une horretan, "ertzainak iritsi, bultzatu eta ostiko bat ematen ziotela".
Horren aurrean, emakumea "artatzera" joan zirela azaldu du lekukoak. Amaya Zabartek "pilotakada bat eman ziotela buruan" esan omen zien, eta, aldi berean, "ezker hegala, lesioak izan zituen tokia" erakutsi omen zien.
Aipatutako lekukoaz gain, ostiral honetan sei agentek deklaratu dute, ikertu gisa. Istilu horietan, Olaeta kalean, beste pilotakada bat jaso zuela eta begietan ondorioak gelditu zaizkiola salatu zuen bigarren emakume baten kasuan deklaratu dute ertzainek.
Sarriegik adierazi duenez, seirak istiluetan zehar pilotak jaurtitzeaz arduratu ziren agenteak dira. Batzuek esan dute ez dutela gogoratzen non jaurti zituzten, eta beste batzuek adierazi dute Olaeta kalean salbak baino ez zituztela jaurti.
Zure interesekoa izan daiteke
A-12 errepidea moztu dute Mañeru parean, etxebizitza batean piztutako sutea mendira zabaldu ondoren
Bi etxebizitza kaltetu ditu suak eta inguruko hainbat hustu behar izan dituzte. Sutea kontrolpean daukate suhiltzaileek baina ke handia dago errepidean.
Iñaki Dorronsoro Eusko Ikaskuntzako presidente ohia hil da
1947an Ataunen jaioa, gaur egun, Gaindegia behatokiko presidentea eta Jakiundeko akademiako ohorezko kidea zen.
Tenperatura altuek gorabeherak eragin dituzte
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da beroak arazo teknikoak eragin baititu.
Polemikaz inguratura itzuli da Sokamutura Eibarrera, zortzi urteren ostean
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertu sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko zati bati ere eragin dio, eta, ondorioz, zirkulatzeko arazoak izan dira. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.
Eusko Jaurlaritzaren "kriminalizazio kanpaina" eta Ertzaintzaren "basakeria" salatu dute milaka pertsonak Bilbon
Milaka lagun eta gizarte eragile, Global Sumud Euskal Herriako kideak tartean, bildu dira arratsaldean Bilbon, "Poliziaren zigorgabetasunaren eta errepresioaren aurka" protesta egiteko. Eusko Jaurlaritzak "herri mugimenduaren aurka egindako kriminalizazio kanpaina" eta "Ertzaintzaren basakeria" salatu nahi izan dute, eta EAJk "protestarako eskubidea bere interesekoa denera mugatzen duela" ohartarazi dute.
Ia 48.000 pertsonak hartu dute parte Osakidetzako EPEaren bigarren egunean, eta beste 43.000ren txanda izango da igandean
Ostiralean hasi eta igandera bitartean, bederatzi kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.
Hainbat pertsona artatu dituzte Gasteizko lantegi abandonatu batean izandako sutean kea arnasteagatik
Sua 10:30 inguruan piztu da, URSSA fabrikaren eraikin zaharrean, eta suhiltzaileak, Ertzaintzako agenteak eta osasun-langileak bertaratu dira. 44 urteko emakume bat atxilotu dute ustez sutea eragin duelakoan.