Igande honetan ere ez da Rodalies tren zerbitzurik izango Katalunian
Adifi eta Renferi aldiriko eta distantzia erdiko trenak erabat geldiarazteko eskatu die Kataluniako Gobernuak, harik eta “modu fidagarrian eta jarraituan” berriro martxan jarri ahal izan arte.
Rodalies zerbitzua, etenda. Argazkia: EFE
Kataluniako Gobernuko Lurralde kontseilari Silvia Panequek iragarri du igande honetan ere ez dela Rodalies tren zerbitzurik izango, "segurtasun arrazoiak tarteko".
Larunbat honetan ere aldiriko eta distantzia ertaineko tren-zerbitzua etetea eskatu die Rodalies, Renfe eta Adifeko operadoreei Kataluniako Gobernuak, trenak segurtasunez ibiliko direla "bermatu" arte, eta erabaki hori hartu dute horiek.
"Zerbitzua etenda dago. Zirkulazioan dauden trenek helmuga geltokian amaituko dute ibilbidea. Rodaliesetik barkamena eskatzen dugu ", iragarri du Rodalies de Catalunyak sare sozialetan zabaldutako mezu batean.
Goizean, gainera, Kataluniako Gobernuak zerbitzua doakoa izatea eskatu du, gorabeherek jarraitzen duten bitartean.
Tren zerbitzua jada etenda zela, Rodaliesen R4 lineak lur-jausi berri bat jasan du larunbat honetan, Cerdanyola del Valles eta Sabadell hegoaldearen artean, Bartzelonako probintzian.
Adifeko iturriek baieztatu dutenez, teknikariak luizi horren ondorioak ebaluatzeko lanean ari dira.
Azken egunetako hirugarren lur-jausia da gaurkoa. Larriena, urtarrilaren 20an Gelidan (Bartzelona) gertatu zen. Praktiketako makinista bat hil zen eta 37 pertsona zauritu ziren horma bat trenaren gainera erorita. Euri-jasen ondorioz erori zela uste dute teknikariek.
Rodaliesen "agintea hartzeko" eta Sanchezen "parapeto lana ez egiteko" eskatu dio ERCk Kataluniako Gobernuari
Testuinguru horretan, Ester Capella ERCk Kataluniako Parlamentuan duen bozeramaileak Salvador Illaren Gobernuari eskatu dio Rodaliesen trenbideetako kaosaren aurrean "gidaritza" har dezala, "zerbitzua behar bezala berrezartzeko behar dena eskatu dezala" eta Pedro Sanchezen Gobernuaren "parapeto lana egiteari utzi diezaiola".
Bartzelonako Sants geltokitik hedabideei egindako adierazpenetan, Capellak "herritarren mugikortasuna bermatzeko" eta Rodalies zerbitzuan izandako arazoek kaltetutako langileak babesteko eskatu dio Kataluniako Gobernuari.
Capellak azpimarratu du "krisian" dauden trenbide eta bide azpiegiturak "Estatuaren azpiegiturak" direla.
"Kolapsoaren aurrean esnatzeko" deia egin dio Puigdemontek Kataluniari, eta kontseilaria kargutik kentzea eskatu du
Carles Puigdemont JxCateko presidenteak, berriz, Silvia Paneque Lurralde kontseilariaren kargugabetzea eskatu du, "gaitasun ezagatik", eta "Kataluniako Gobernua Kataluniara eramaten ari den kolapso egoeraren aurrean", herritarrei "esnatzeko" eskatu die.
Puigdemonten iritziz, Panequek "gaitasunik ezaren errekorra hautsi du" trenbidearen kudeaketan. Horregatik, kargutik kentzeko eskatu dio Salvador Illa Kataluniako presidenteari: "Niri ez zitzaidan presidente gisa gertatuko. Kasu horietan, kontseilari batek horrenbesteko gaitasun eza erakusten duenean, ez luke oposizioak dimisioa eskatu arte itxaron beharko, kargugabetu egin beharko luke ".
Voxek dimisioak eskatu ditu Generalitatean, Espainiako Gobernuan eta Adifen
Joan Garriga Voxek Kataluniako Parlamentuan duen bozeramaileak ere dimisioak eskatu ditu. Kasu honetan, bai Kataluniako Gobernuan, bai Pedro Sanchezen Gobernuan baita Adifen ere .
Zure interesekoa izan daiteke
Azkenekoz Fustiñanan ikusi zuten 17 urteko neska baten bila ari dira
Zabaldutako datuen arabera, 1,60 metro luze da, gorpuzkera mehea du, eta begi marroiak eta ile beltz luzea ditu.
Hiztunen Berdintasunaren Alde: "Gure plataforma ez dago inongo trama, konplot edo konspiraziorekin nahastuta"
Elkarteak defendatu du bere jarduera bakarra Osakidetzako langileen "lan-eskubideen defendatzea" dela, eta ziurtatu du "erkidegoko bigarren hizkuntza" den euskara "beti errespetatzen" dutela.
Ertzaintzak gizon bat atxilotu du Bilbon, emakume bati sexu-erasoa egiten saiatzeagatik
Biktimak jarritako salaketaren arabera, San Frantzisko kaleko atari batean sexu-erasoa egiten saiatu zen atxilotua, 42 urteko gizona. Sexu-askatasunaren aurkako delitua leporatuta atxilotu dute.
Epaiaren zain gelditu da Ekain Perrinoren aurkako eraso homofoboaren auzia, akusatuek deklaratu ostean
Asteazken honetan deklaratu dute hamaika akusatuek. Guztiek ukatu dute biktimaren aurkako irain homofoboak egin izana eta haren orientazio sexualagatik eraso egin izana. Batek onartu du biktimarekin borroka izan zuela, baina esan du ez zuela beste inork parte hartu.
Euskara Denontzat elkarteak onartu egin du Errenteriako lan-eskaintzaren kontrako helegitea jartzera animatu izana, baina ukatu egin du talde antolaturik dagoela
“Bizpahiru kasutan” laguntza eta defentsa juridikoa eskaini zutela dio Sabin Zubiri Euskara Denontzat elkartearen kideak, eta ikerketarekin “seinalamendu kanpaina” bat bultzatzea leporatu dio Argiari.
Miranda Ebroko sutea krimen matxista dela baieztatu du Marlaskak
Barne ministroak adierazi duenez, sutearen ustezko egilea eta horren bikotekide ohia, Dolores, 58 urtekoa, VioGen sisteman zeuden, baina ez bien arteko harremanagatik. Gizonezkoaren kasuan, 2007an egon zen erregistratua, eta emakumezkoaren kasuan, 2008an. Une honetan, ez zeuden aktibo VioGen sisteman.
Hiru emakume hil dira eta lau lagun zauritu, Miranda Ebron "nahita" eragindako sute batean
Agintariek baiztatu dutenez, bart 22:45 inguruan piztutako sutea "nahita" eragindakoa izan da; egileak poliza-etxean bere burua entregatu du eta atxilotu egin dute. Hildakoak 78, 58 eta 23 urteko hiru emakume dira.
Hizkuntza politikari buruzko "konspirazio teoriak" sortu nahi izatea eta lan eskubideak defendatzen dituztenak "seinalatzea" salatu du Euskadiko CCOOk
Sindikatuak zabaldutako ohar baten arabera, zenbaitek "existitzen ez den oldarraldi judizial" gisa aurkeztu nahi izan dituzte lan eskaintza publikoetako hizkuntza eskakizunen aurka jarritako helegiteak.
Nafarroan sexu eraso bat egitea egotzita atxilotze agindua zuen gizon bat atxilotu dute Kolonbian
Atxilotua Kolonbiako Fiskaltza Nagusiaren esku utzi dute, estraditatu zain.
Atzo arratsaldetik agertu ez den 82 urteko arrantzale baten bila ari dira Mendexa inguruan, lurrean eta itsasoan
Lekeitioko bizilaguna lapak hartzera joan zen atzo arratsaldean eta ez zen etxera itzuli. Gauean bezala, goizetik ere bertan daude erreskate eta larrialdi taldeak.