Gizon batek 13 urteko mutil bat hil duela Suecan aitortu dio Poliziari
48 urteko gizonezkoak, biktimaren lagunetako baten aitak, bere burua entregatu du Valentziako Guardia Zibilaren kuartelean.
Guardia Zibilaren agenteak hilketaren lekuan. Argazkia: EFE
48 urteko gizon batek 13 urteko mutil bat hil du Suecan (Valentzia), gizasemeak berak Poliziari aitortu dionez. Guardia Zibilaren iturriak aipatuta eman dute horren berri albiste agentziek eta bertako egunkariek.
Atzo arratsaldean izan zuen Guardia Zibilak hilketaren berri, 18:30ean. Gizon batek bere burua entregatu zuen, eta hilketa aitortu. Iturri horien arabera, biktimaren lagun baten aita da hiltzailea eta bere etxean gertatu zen hilketa.
Guardia Zibilaren Hilketa Taldeak bere gain hartu zuen ikerketa. Agenteek gerora egiaztatu zutenez, adingabeak kolpeak eta arma zuriz egindako zauriak zituen gorputzean.
Gaur, bertako hedabide batzuek argitaratu dutenez, gizonaren bertsioa ikertzen ari dira, ea hark kontatu bezala gertatu den, ala bere semea babestearren aitortu duen hilketa.
Suecako Udalak udalerrian gertatutako "jazoera izugarria" deitoratu du. "Hilketa argitzen den bitartean, gure doluminak eta babes osoa helarazi nahi dizkiogu biktimaren senitartekoei", adierazi du sare sozialen bidez zabaldutako ohar batean. Udalak bi dolu egun deitu ditu, epe horretan banderak haga erdian izango dituzte eta antolatutako ekitaldi guztiak bertan behera geratu dira.
Zure interesekoa izan daiteke
69 urteko motozale bat hil da Gaubean, auto baten aurka talka eginda
Istripuaren ondoren, Txagorritxuko Ospitalera eraman dute zauri larriekin, eta han hil da ordu batzuk geroago.
Martxoak 3ko sarraskia gogoan, Zeledonek hasiera eman die Ama Zuriaren jaiei
Baskoniako ordezkariek suziria piztu eta Zeledon jaitsita, festa lehertu da Gasteizen, Andra Maria Zuriaren plaza gainezka zegoela.
Gizon bat hil da Lizarran, balkoi batetik erorita, Poliziarengandik ihesi zihoala, genero-indarkeria kasu baten ostean
Ikerketaren arabera, hildakoa laugarren solairutik erori da balkoi batetik bestera igarotzen saiatzen ari zela, agenteak Santiago plazako etxebizitza batera iritsi direnean. Bertan, emakume batek eraso baten berri eman du. Auzia sekretupean dagoenez, ez dute emakumearen egoeraz informatu.
Uharteko parrokoak "Rabat bonbardatzea" eta migratzaileei suarekin erantzutea proposatu du
Javier Aizpun apaizak hainbat mezu argitaratu ditu X sare sozialean Ceutako migrazio krisiaren inguruan, eta Marokoren eta migratzaileen aurkako muturreko neurri gogorrak proposatu ditu.
Zuzenean: Zeledonen igoera
Jarraitu zuzenean Zeledonen igoera Joseba Olagarai eta Josu Pedruzoren kontakizunarekin.
Zuzenean: Edurne eta Zeledon Txikiren jaitsiera
Jarraitu zuzenean Edurne eta Zeledon Txikiren jaitsiera, Ilaski Serranoren eta Josu Pedruzoren komentarioekin.
Poliziak duela 16 urte Fiteroko monasteriotik lapurtutako egurrezko erliebe bat berreskuratu du
Fiteroko Santa Klara Monasterioko aldare nagusian zegoen, eta handik hartu zuten duela 16 urte. Zizelkatutako egurrezko erliebea herriko apaizari eman zaio.
Zuzenean: Zeledonen jaitsiera
Andre Maria Zuriaren jaiak 18:00etan hasiko dira, Zeledonen jaitsierarekin. Baskoniak botako du txupinazoa aurten. EITBk zuzenean emango du ospakizunen hasiera, 17:30etatik aurrera.
Zuzenean: Zeledonen jaitsiera
Gasteizko jaiak gaur hasiko dira, 18:00etan. Zeledon jaitsiko da eta Baskoniak txupinazoa botako du. EITBk zuzenean emango du ospakizunen hasiera, 17:30etik aurrera.
San Mamesko metro geltokia berriz ireki dute, sarrerako eskaileretan sutea piztu ostean
Suhiltzaileak metroaren sarreran izan dira lanean. Dirudienez, eskailera mekanikoetan batu den hautsagatik sortu da sutea eta ketza sortu da.