Rodaliesek astelehen honetan berrekingo dio bere zerbitzuaren zati bati Katalunian, eta doan izango da hilabetez
Erabiltzaileen % 87k berreskuratuko dute zerbitzua. Asteburuan zehar 100 ikuskapen baino gehiago egin dira eta Rodalies tren zerbitzuko zazpi lineatan premiazko 23 gorabehera konpondu ditu Adifek.
Rodaliesek bere zerbitzuaren zati bat berreskuratuko du astelehen honetan Katalunian, erabiltzaileen % 87ri zerbitzua emateko, asteburuan etenda egon ondoren, eta doan izango da hilabetez, Jose Antonio Santano Garraio eta Mugikortasun Jasangarriko Estatu idazkariak eta Silvia Paneque Kataluniako Lurralde kontseilariak iragarri dutenez.
Kataluniako Generalitateko Lurralde Sailaren egoitzan Rodaliesen krisiari jarraipena egiteko beste bilera bat egin dute igande arratsaldean, Generalitateko, Renfeko, Adifeko eta Santanoko ordezkariekin. Ondoren, Santanok prentsaurrekoa eman du, Panequerekin batera.
Santanok aitortu du "koordinazio arazoak" izan direla azken egunetako trenbide krisiaren kudeaketan, eta azaldu du Adifek "prozedura" bat adostu duela Semaf makinisten sindikatuarekin, trenbideen eraginkortasuna egiaztatzeko.
Bideak operatibo daudela ziurtatu ahala, irekitzen joan dira gainontzeko zatiak.
100 ikuskapen baino gehiago
Adif Espainiako Trenbide Azpiegituren Administratzaileak 100 ikuskapen baino gehiago egin ditu dagoeneko Kataluniako Rodalies aldiriko trenen zerbitzuan, eta premiazko 23 gorabehera konpondu ditu. Hain zuzen ere, ezpondak eta trenbideak aztertu eta egokitzen ibili da gorabeherak izan dituzten zazpi lineatan.
Adifek ohar baten bidez esan duenez, esku-hartze horiekin lehenbailehen berrezarri nahi du Rodaliesen zerbitzua, "fidagarritasun handiena bermatuz eta arazo berriak gertatzeko arriskua txikituz".
Esku-hartze gehienak kostaldetik gertu dauden lineetan egin dituzte, baita ezpondak dauden inguruetan ere.
Adifen arabera, esku-hartze horiek "zerbitzuaren arduradunekin, enpresa operadorearekin eta beste eragile batzuekin adostu eta koordinatu dituzte, tren-ustiapenean inplikatutako makinisten kolektiboarekin besteak beste".
Zure interesekoa izan daiteke
Adamuzen apurtu zen errailaren inguruan zabaltzen ari diren gezurrak salatu, eta berria zela defendatu du Puentek
Espainiako Gobernuko Garraio ministroak azaldu duenez, erraila 2023an ekoitzi eta 2025ean instalatu zuten. ArcelorMittalek bidalitako oharra eta egiaztapen tekniko guztiak egin izanaren ikuskapen-ziurtagiria ere argitaratu ditu.
Amurrioko Mendiko Eskolako teilatua bota du haize-ufada handi batek
Ez da inor zauritu, baina Ertzaintzak hesituta du ingurua. Barakaldon ere haize-bolada bortitz batek publizitate kartel bat bota du Megapark merkataritza gunean.
Bi gazte zauritu dira Leitzako inauterietan, karroza baten sabaitik erorita
20 urteko emakume bat eta adin bereko gizon bat hiru metroko altueratik erori dira, eta politraumatismoak egin dituzte. Nafarroako Unibertsitate Ospitalera eraman dituzte, Iruñera.
Jai giro bikaina berriz ere Sunbillako inauterietako karrozen desfilean
Ehunka lagun bildu dira goizean goizetik Sunbillan, inauterietako ekitaldi nagusia ikusteko: karrozen desfilea. 11:00etan abiatu da, Ulibeltzak elkartetik, eta bisitariei opilak, gaztainak, salda, tortilla eta ardoa eskaini dizkieten karrozek ireki dute ibilbidea.
Istriputik astebetera, hileta meza egin dute Adamuzen trenetan hildako 45 pertsonen omenez
Kordobako gotzainak eman du meza, hogei bat apaizek lagunduta, eta ordezkari politikoak, biktimen senideak eta Adamuzko bizilagunak bildu dira zeremonian. Espainiako Gobernuak eta Andaluziako Juntak Estatu Omenaldia atzeratzea erabaki dute, ahalik eta senide gehienek parte hartu ahal izan dezaten.
Pertsona bat hil da Tuteran, bizi zen furgonetan piztutako sutean
Pertsona bat hil da igande honetan Tuteran, etxebizitza gisa erabiltzen zuen furgonetan piztutako sutean, Foruzaingoak jakitera eman duenez.
Gizon batek 13 urteko mutil bat hil duela Suecan aitortu dio Poliziari
48 urteko gizonezkoak, biktimaren lagunetako baten aitak, bere burua entregatu du Valentziako Guardia Zibilaren kuartelean.
Edukiontzi batzuetan piztutako suak bi ibilgailu kiskali ditu Gasteizen
Sutea gaur goizean piztu da Sofia Erregina etorbidean, eta ikerketa ireki dute sua nola piztu den argitzeko.
N-634 errepidea itxita egongo da Zumaia eta Getaria artean denboralea baretu arte
Itsasaldeko arriskuagatik jarritako abisuak astelehen honetako goizeko seiak arte egongo dira indarrean.