Abisu horia ezarriko da astearte goizera arte Araban, Bizkaian eta Nafarroan, haizeagatik
Haize-boladek zakar joko dute, eta 100 km/h-koak ere izango dira Araban eta Bizkaian, eta 70 km/h-koak Nafarroako Kantauri isurialdean.
Haizeak iraularaziko edukiontzi bat, Bermeon. Argazkia: Europa Press
Eusko Jaurlaritzako Segurtasun Sailak abisu horia ezarriko du astearte honetako 09:00ak arte, Bizkaiko eta Arabako haizeguneetan haize-boladek 100 km/h-ko abiadura hartuko dutelako. Nafarroan, Aemetek abisu horia ezarriko du Kantauri isurialdean goizaldeko 05:00ak arte.
Euskal Autonomia Erkidegoan, Segurtasun Sailak alerta laranja ezarri zuen igandean haizeagatik, eta astelehen honetan abisu horia aktibatuko du 21:00etatik aurrera. Bizkaiko haizeguneetan 100 km/h-ko abiadura ere hartuko dute boladek, batez ere mendi inguruetan.
Abisu hori astearte goizaldeko 03:00ak arte izango da indarrean Bizkaian, haizeguneak ez diren lekuetan, hego-mendebaldeko haize-boladek 80 km/h-ko abiaduran joko dutelako, eta goizeko 09:00ak arte lurralde horretan eta Araban, haizeguneetan, 100 km/h-tik gorako haize-boladak egingo dituelako.
Euskalmet Euskal Meteorologia Agentziak iragarri duenez, astearteko lehen orduetan hegoaldeko haizeak gogor joko du, batez ere mendebaldean, baina goizean zehar baretu egingo da.
Bestalde, Aemet Estatuko Meteorologia Agentziak abisu horia ezarri du Kantauri isurialdean haizeagatik, astelehen honetan, 19:00etatik aurrera, 70 km/h-ko abiaduran joko dutelako boladek. Abisu hori astearteko 05:00ak arte egongo da indarrean.
Zure interesekoa izan daiteke
San Joan suak bertan behera utzi dituzte herri askotan, muturreko beroagatik
Nafarroako Gobernuak San Joan surik ez egiteko gomendatu du. Eusko Jaurlaritzak ez du gomendio orokorrik eman eta herri bakoitza bere erabakiak hartzen ari da. Hala, Iruñean, Barakaldon, Urretxun, Zumarragan, Sopelan, Berangon, Gernikan eta Muxikan, besteak beste, ez da surik piztuko.
EHUko errektoreak ohartarazi duenez, kalifikazioak "ezin dira presio sozial, politiko edo mediatikoagatik zehaztu"
Joxerramon Bengoetxea EHUko errektoreak adierazi du kalifikazioak "ezin direla zehaztu presio sozial, politiko edo mediatikoagatik". Horrekin batera, USaPeko euskara azterketetan izandako zenbait notek eragindako polemikaren harira, esan du ikasleen eskubideak defendatzeak "ebaluazio-sistemaren inpendendentzia defendatzea" dakarrela.
Pedrosa sailburuak jakinarazi duenez, USaPeko euskara azterketan zeroen % 47 ebaluatzaile berak jarri zituen
Azterketa horretan jarritako 168 zeroetatik 108, 11. eta 12. epaimahaiek zuzendutako azterketei dagozkie; guztien % 64,3.
Berrikuspenaren ondoren, euskara azterketako zeroak murriztu egin dira, baina "igoera esanguratsurik gabe" kasu gehienetan
Unibertsitatera sartzeko proben behin betiko kalifikazioak argitaratu dituzte eta EHUko errektoreak balorazioa egin du: ebaluazio- eta berrikuspen-sistemaren alde egin du.
Haur-eskolak 13:00etan itxiko dira gaurtik aurrera, muturreko beroagatik
Haurreskolen Partzuergoak bere eskolak ohi baino goizago ixtea aurreratzea erabaki du, tenperatura altuak direla eta. Neurria datozen egunetan egongo da indarrean, kontrakoa erabaki arte.
Bi pertsona atxilotu dituzte Plentziako hondartzan, lapurretetan ari zirela eta udaltzainei erasotzeagatik
Halaber, Ertzaintza bi adingabe ikertzen ari da, igande honetan Plentziako hondartzan izandako gertakarietan parte hartu zutelakoan, hainbat lapurretarekin lotutako polizia-operazio batean.
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gizon bat hil da Sopuertan, trafiko istripuz
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.