Espainiako Gobernuaren migratzaileen ezohiko erregularizazioaren gakoak
Ministroen Kontseiluak Espainiako Estatuan bizi diren migratzaileen egoera legala erregularizatzeko izapideak hasi ditu. Neurria errege-dekretu bidez aterako da aurrera, integrazioa indartzeko, eskubideak bermatzeko eta ezkutuko ekonomia murrizteko.
Espainiako Gobernuak ezohiko erregularizazioa jarri du martxan, dagoeneko Espainian dauden eta baldintza batzuk betetzen dituzten migratzaileentzat.
Hauek dira neurriaren gako nagusiak:
Nortzuek jaso ahal izango dute?
Erregularizazioa, alde batetik, eskaera 2025eko abenduaren 31 baino lehen aurkeztu duten nazioarteko babesaren eskatzaileei zuzenduko zaie, eta, bestetik, data hori baino lehen Espainian gutxienez bost hilabetez egon direla egiaztatzen dutenei. Kasu guztietan, beharrezkoa izango da aurrekari penalik ez izatea eta ordena publikorako mehatxua ez izatea, Zuzenbide Estatuaren arabera.
Nola egiaztatuko da egonaldia?
Eskatzailea Espainiako Estatuan bizi dela edozein dokumentu publiko edo pribaturen bidez frogatu ahal izango da, edo bien konbinazio baten bidez, hala nola errolda, txosten medikoak, gizarte-baliabideei laguntzeko ziurtagiriak, alokairu-kontratuak, diru-bidalketen egiaztagiriak edo garraio-txartelak.
Baimenaren mota eta iraupena
Lanerako baimena ematen duen bizileku-baimena da, lurralde osoan eta edozein sektoretan erabiltzeko. Hasierako baimenak urtebeteko indarraldia izango du eta, ondoren, Atzerritarrei buruzko Erregelamenduko figura arruntetan sartzeko aukera emango du, integrazio progresiboa eta egonkorra bultzatuz.
Familia-unitatearen babesa
Erregularizazioak aukera emango du jada Espainian dauden seme-alaba adingabeentzako baimenak gurasoenarekin batera izapidetzeko. Kasu horietan, baimenak bost urteko indarraldia izango du.
Laneko epeak eta ondorioak
Izapidetzeko gehieneko epea hiru hilabetekoa izango da, baina eskaera izapidetzea onartuta egonez gero (gehienez ere 15 eguneko epean ebatzi beharko da), eskatzaileak lehenengo egunetik hasi ahal izango dira lanean.
Eskaerak apirilaren hasieratik aurrera aurkeztu ahal izango dira, dekretuaren izapideak amaitu ondoren, eta epea 2026ko ekainaren 30era arte egongo da zabalik.
Zergatik orain?
Ekimenak 700.000 sinadura baino gehiagok babestutako legegintzako herri-ekimenaren asmoari heltzen dio. Parlamentuan babes zabala izan zuen, eta, gainera, Integrazio eta Bizikidetza Planaren lehen neurri handia da, migrazio erregular, seguru eta ordenatua sustatzera bideratutako estrategiaren barruan.
Aurrekariak eta zer ondorio espero diren
Horrelako erregularizazioak ohikoak izan dira migrazio-kudeaketan, eta aurrez egin izan dira bai Espainiako estatuan, bai Europar Batasuneko beste herrialde batzuetan. Ebidentzia enpirikoaren arabera, prozesu horiek lan-integrazioa hobetzen dute, zerga-bilketa handitzen dute eta informaltasuna murrizten dute, eta horrek gizarte osoari, langileei eta enpresei mesede egiten die.
Zure interesekoa izan daiteke
Elkanok munduari buelta eman eta jaioterrira itzuli zen unea antzeztu dute Getarian
Aurten, lehen aldiz, Mikel Larrañagak egin du Elkanoren papera, eta Saioa Etxeberria izan da tripulante modura irten den lehen emakumea. Lau urterik behin ospatzen du Getariak Elkanoren iritsiera, munduari bira eman ostean.
Alejandrak 2.000 euro galdu ditu Bilboko etxebizitza baten alokairuaren iruzurrean
Kaltetuak salatu duenez, 2.000 euroko iruzurra egin diote hainbat pertsonari aldi berean eskainitako etxebizitza bat alokatzeagatik. Iruzurrez galdutako dirua eta beste bizitoki bat alokatzeko erabili beharrekoa gehituta, galerak 4.000 eurokoak direla azaldu du.
Iraulitako kamioi batek 31 kilometroko auto-ilarak eragin ditu Baiona inguruan
22:00etatik aurrera, A-63 errepidea erabat itxita egongo da 3 orduz, gutxi gorabehera, ibilgailua erretiratzeko.
Gutxienez 12 salaketa aurkeztu dituzte Bilbon etxebizitza turistiko bat alokatuta iruzurra egin zuen gizonaren aurka
EITBk biktimetako biren testigantzak jaso ditu. Iruzurgileak Airbnb bidez alokatu zuen pisua, hiru egunez. Ordu gutxi batzuetan, benetako jabeak ezer jakin gabe, dozena bat pertsonari alokatu zien. Ertzaintzak ikerketa abiatu du, gizona harrapatu eta biktimek galdutako dirua berreskura dezaten.
Mila pertsona inguru etxetik atera dituzte Baionako erdigunean gas-isuri baten ondorioz
Baionako hiriguneko mila bizilagun etxetik irtenarazi dituzte bart, gas-ihes bat dela eta; ondorioz, segurtasun dispositibo handia aktibatu behar izan dute. Suhiltzaileek 100 metroko perimetroa itxi dute, eta goizaldeko ordu bata arte ezin izan dute etxera itzuli.
Espainiak eskatutakoari entzungor eginez, Schengen berrezartzeari ezetz esan dio Italiak
Ceutan piztutako krisiaren harira, Schengen akordioa eten eta mugetan kontrolak egiteari ekin zion abuztuaren 1ean Meloniren gobernuak. Espainiako Gobernuak igandera arteko epea eman dio Italiakoari neurria bertan behera uzteko, baina Meloniren gobernuak lehengo lepotik du burua: "Abuztuaren 15etik aurrera aztertuko dugu gaia".
Eguzki eklipseak tren gehiago eta mugikortasun zerbitzu indartua ekarriko ditu abuztuaren 12an
Abuztuaren 12an izango da ikusgai, iluntzean. Milaka pertsona erakartzea espero den fenomeno horren aurrean, administrazioek segurtasun dispositibo zabala prestatu dute, mugikortasun segurua eta antolatua bermatzeko helburuarekin.
'Atyla' itsasontzi historikoan sartuko gara, 'Game of Thrones'en unibertsoko targaryendarren ontzian
Ontzia 1980a eta 1984a bitartean egin zuten Lekeition (Bizkaia), artisau moduan, pinu, haritz eta iroko egurra erabiliz. Itsasontzia Donostiako portuko kaian bisitatu ahalko da asteburu honetan, 11:00etatik 14:00etara eta 17:00etatik 21:00etara.
EITBk zuzenean eskainiko du abuztuko eguzki eklipse historikoa, hainbat seinale eta bi globo estratosferiko baliatuz
Saio berezia 19:30etik aurrera izango da ikusgai ETBn, ETB ONen eta ORAINen. Horrez gain, EITBk Eklipse Gaua antolatu du Donostiako Saguesen: eklipsea zuzenean ikusteko pantailak, musika eta behaketa modu seguruan egiteko betaurrekoak izango dira bertan.
Luciaren amesgaiztoa Bilbon: pisu "perfektua" alokatu, eta hiru egunen buruan, maula baten biktima dela konturatu
Bi seme-alaba dituen venezuelar batek 2.000 euro ordaindu ditu Deustun alokairuko etxebizitza batengatik, baina etxea apartamentu turistiko bat da berez. Iruzurgileak gutxienez 10 pertsonari alokatu die, tartean Luciari berari. Biktima horrekin mintzatu da EITB.