Chemsex praktikaren arrisku bikoitzaren aurrean "prebentzio konbinatua" gomendatu du Osasun Sailak
Drogen kontsumoa eta sexu harremanak uztartzen ditu, eta horren aurrean "prebentzioa giltzarri da", "STIak gero eta ugariagoak" direlako, gainera.
Eusko Jaurlaritzako Osasun Sailak chemsex fenomenoaren gorakadaren aurrean "prebentzio bikoitza" behar dela azpimarratu du. Izan ere, praktika horrek "arrisku bikoitza" dakar: sexu-transmisiozko infekzioak eta drogen kontsumoa.
Chemsex hitza ingelesezko chemical eta sex hitzetatik dator, eta gizonekin sexua duten gizonen artean erabiltzen da, drogen erabilera dakarren sexu-praktika deskribatzeko. Erabilera horren bitartez, sexu-harremanetako sentsazioak areagotzea eta horretan tarte luzeagoz aritu ahal izatea bilatzen da.
Hala azaldu dute gaur goizean Oskar Ayerdi HIESaren eta Sexu Transmisioko Infekzioen Planaren Osakidetzako koordinatzaileak eta Rodrigo Oraa psikiatrak, Bizkaiko Osasun Mentaleko Sareko Adikzioen Zerbitzuaren buruak, Osasun Publikoaren eta Adikzioen Zuzendaritzak chemsexari buruz Bilbon antolatutako solasaldian, Elkar Eginez sariak banatzeko ekitaldian.
Adituek gogorarazi dutenez, praktika horrek "arrisku bikoitza" dakar, sexu-osasunaren eta mentalaren esparruan. Osasun Sailak eta Osakidetzak prebentzio konbinatuaren garrantzia azpimarratu dute: sexu-transmisiozko infekzioen baheketa maiz egitea, STIen aurkako txertaketa, GIBaren aurkako tratamendu prebentiboak (PrEP eta PEP) erabiltzea, drogen kontsumoa planifikatzea, polikontsumoa saihestea, eta kontsumo konpultsiborako joera edo mendekotasunen bat izanez gero osasun mentalari arreta egituratua ematea.
Estatu mailan, azken 12 hilabeteetan sexu-harremanak izan dituzten gizonen artean, % 14,1ek droga estimulatzaileak erabili dituzte aldi horretan sexua biziagoa izateko edo denbora gehiago irauteko, eta % 7,6k, azken lau asteetan.
Gogorarazi duenez, HIESaren eta Sexu Transmisiozko Infekzioen Osakidetzaren Planaren azken memoriaren arabera, 2024an STIen transmisio-tasa bikoiztu egin zen, batez ere biztanle gazteenen artean, eta 125 GIB kasu atzeman ziren. Osakidetzako profesionalen aurreikuspenen arabera, 2025ean joera antzekoa izan zen.
Te puede interesar
San Joan suak bertan behera utzi dituzte herri askotan, muturreko beroagatik
Nafarroako Gobernuak San Joan surik ez egiteko gomendatu du. Eusko Jaurlaritzak ez du gomendio orokorrik eman eta herri bakoitza bere erabakiak hartzen ari da. Hala, Iruñean, Barakaldon, Urretxun, Zumarragan, Sopelan, Berangon, Gernikan eta Muxikan, besteak beste, ez da surik piztuko.
EHUko errektoreak ohartarazi duenez, kalifikazioak "ezin dira presio sozial, politiko edo mediatikoagatik zehaztu"
Joxerramon Bengoetxea EHUko errektoreak adierazi du kalifikazioak "ezin direla zehaztu presio sozial, politiko edo mediatikoagatik". Horrekin batera, USaPeko euskara azterketetan izandako zenbait notek eragindako polemikaren harira, esan du ikasleen eskubideak defendatzeak "ebaluazio-sistemaren inpendendentzia defendatzea" dakarrela.
Pedrosa sailburuak jakinarazi duenez, USaPeko euskara azterketan zeroen % 47 ebaluatzaile berak jarri zituen
Azterketa horretan jarritako 168 zeroetatik 108, 11. eta 12. epaimahaiek zuzendutako azterketei dagozkie; guztien % 64,3.
Berrikuspenaren ondoren, euskara azterketako zeroak murriztu egin dira, baina "igoera esanguratsurik gabe" kasu gehienetan
Unibertsitatera sartzeko proben behin betiko kalifikazioak argitaratu dituzte eta EHUko errektoreak balorazioa egin du: ebaluazio- eta berrikuspen-sistemaren alde egin du.
Haur-eskolak 13:00etan itxiko dira gaurtik aurrera, muturreko beroagatik
Haurreskolen Partzuergoak bere eskolak ohi baino goizago ixtea aurreratzea erabaki du, tenperatura altuak direla eta. Neurria datozen egunetan egongo da indarrean, kontrakoa erabaki arte.
Bi pertsona atxilotu dituzte Plentziako hondartzan, lapurretetan ari zirela eta udaltzainei erasotzeagatik
Halaber, Ertzaintza bi adingabe ikertzen ari da, igande honetan Plentziako hondartzan izandako gertakarietan parte hartu zutelakoan, hainbat lapurretarekin lotutako polizia-operazio batean.
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gizon bat hil da Sopuertan, trafiko istripuz
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.