Ikastetxe publikoen itxierak "lanpostuen amortizazioa" duela helburu salatu dute sindikatuek
Steilasek, ELAk eta CCOOk adierazi dutenez, Eusko Jaurlaritzak hurrengo ikasturtean ikastetxe batzuk fusionatu eta itxi nahi izatea "Hezkuntza Sailak azken urteotan darabilen utzikeriaren isla da". Gainera, gogor kritikatu dute Segregazioaren aurkako Mahaia "ekiteko asmorik" ez duela, lau aldiz bildu den arren.
Haurrak, Bilboko ikastetxe baten atarian. Argazkia: EFE
Eusko Jaurlaritzak datorren ikasturterako iragarri dituen hezkuntza zentro publikoen fusioak eta itxierak salatu dituzte Steilas eta ELA sindikatuek.
Bilbon egindako prentsaurrekoan, Steilasek gaitzetsi du Hezkuntza Sailak "aldebakarrez" jokatu duela ikastetxeen fusioen auzian. Sindikatuaren ustez, hezkuntza publikoa "ahultzen" dute eta "azken hamarkadetako politika pribatizatzaileak" betikotzen dituzte.
"Bat-egite horiek Hezkuntza Sailak azken urteotan darabilen utzikeriaren isla dira", azpimarratu du.
Bere ustez, joera "arriskutsua eta onartezina" da, eta "lanpostuen amortizazioa" du helburu. Horregatik, Hezkuntza Sailari plangintza-bileretarako deialdia egiteko eskatu diote.
Halaber, Steilasek kritikatu du sailburuak segregazioaren aurkako borroka eta matrikulazioen jaitsiera hartu duela aitzakiatzat fusioak justifikatzeko, "arazo horiek konpontzeko baliabideak handitu egin behar direlako, besteak beste, langile gehiago kontratatu, arreta pertsonalizatua eman eta beharrezko inbertsio ekonomikoa egin behar da".
Segregazioaren aurkako Mahaia
Bestalde, CCOOk gogor kritikatu du Segregazioaren aurkako Mahaiaren "ekiteko asmo falta", aldi berean Hezkuntza "auzoetako ikastetxe publikoak" itxiko direla iragartzen danilelako. Sindikatuak "langileak, haurrak eta familiak ziurgabetasunean uzten dituen kudeaketa arduragabea" egitea leporatu dio Bizkaiko Hezkuntza Ordezkaritzari.
Sindikatuak ohar batean adierazi duenez, Hezkuntza Sailak auzoetako ikastetxe publiko asko itxiko dituztela iragarri du, eta, aldi berean, laugarren aldiz bildu du Segregazioaren aurkako Hezkuntza Itunaren Mahaia.
Topaketa IDarte Lanbide Heziketako ikastetxe publikoan egin da, Gasteizen, dotazioan zein baliabideetan punta-puntakoa den ikastetxe batean, eta euskal hezkuntza-sistemari eragiten dion izaera sozioekonomikoko eskola-segregazioaren arazoarekin zuzenean edo zeharka lotutako eragile ugari deitu ditu.
CCOO Irakaskuntzak adierazi du ez datorrela bat Hezkuntza Sailak berak bultzatzen dituen helburu, egitura eta dinamikekin, mahai horretako kide aktiboa den aldetik.
Zure interesekoa izan daiteke
39 urteko gizon bat atxilotu dute, Basaurin adingabe bati sexu-erasoa egitea egotzita
Erasoa larunbat goizaldean egin zuten, lonja batean.
Eusko Jaurlaritzak euskara azterketetako zeroen auziko "balizko gorabeherak" aztertzeko eskatu dio EHUri
Unibertsitate eta Hezkuntza sailburuek eta errektoreak urgentziazko bilera egin dute, giro adeitsuan. Aurretik, Jaurlaritzaren bozeramaileak eskatuta zuen azterketak azkar zuzen ditzatela, eta Unibertsitatearen esku daudela esan du. EHUk erantzun du "prozesu guztia" Eusko Jaurlaritzarekin batera egiten dela.
Nafarroako Larrialdietako Zuzendariordetzak botako du sanferminetako txupinazoa
Erakunde hori aukeratu dute herritarrek bozketan, Joseba Asiron alkateak iragarri duenez.
Hasi dira presoak Martuteneko espetxetik Zubietara lekualdatzen
Goizean hasi dira, furgonetetan, presoak Martuteneko espetxetik ateratzen. Gauzak ondo bidean, aste honetan amaituko da lekualdatzea eta kartzela zaharra ekainaren 24an itxiko dute betiko, bertan zeuden 254 presoak Zubietara eraman ostean.
44 urteko garraiolari bat hil da Murchanten, beste kamioi batekin izandako istripu batean
Ezbeharra AP-68an gertatu da. Bertaratu diren langileek ezin izan dute ezer egin hildakoaren bizia salbatzeko. Istripuan 41 urteko beste garraiolari bat zauritu da.
Bi pertsona atxilotu dituzte Bizkaian, Hezbollahrekin zerikusia dutelakoan
Operazioa sekretupean dago, eta ez dute xehetasun gehiagorik zabaldu. Libanoko taldearen beso armatua Europar Batasuneko erakunde terroristen zerrendan dago; ez, ordea, alderdi osoa.
Lau segurtasun kamera suntsitu dituzte Gasteizko Alde Zaharrean
Gasteizko Udalak adierazi duenez, erasoak ostiralean hasi ziren eta astelehen gauean jarraitu dute, eta milaka euroko kalteak eragin dituzte.
Honelakoa da USaPeko azterketak berrikusteko prozesua
Gauerdian amaitu da unibertsitatera sartzeko proba berrikustea eskatzeko epea, eta behin betiko kalifikazioak ekainaren 22an argitaratuko dira.
Taxien Gasteizko ordenantza berriak sektorearen gehiengoaren babesa jaso du eta onartzeko bidean da
Profesionalen segurtasuna eta gauerako gutxieneko zerbitzuak dira hobetu daitezkeen alderdietako batzuk. Zerbitzu horietarako, 50 taxiko partidari eutsiko dio Udalak.
Errenteriako Bertso Eskolako erasoen auzia artxibatu dute, salaketarik ez dagoelako
Ez dago inolako salaketarik, eta Fiskaltzak ezin du ofizioz jardun salaketarik ez dagoenean.