Andaluziako Juntak laguntza eskatuko dio Espainiako Gobernuari eta EBri denboraleek utzitako "milioiko euroko galerei" aurre egiteko
Marta ekaitzak zaparradak eta haize bolada gogorrak utziko ditu erkidegoan. Kezkagarria da, halaber, Guadalquivir ibaiaren maila, uste baita arratsaldean bere gorena harrapatuko duela. Denboralea tarteko, Sevilla-Girona eta Cadiz-Almeria futbol partidak bertan behera utzi dituzte.
Cirque du Soleilk Sevillan jarritako karpa Guadalquivir ibaiaren ibilgutik oso gertu dago. Argazkia: EFE
Leornado ekaitzaren kolpea jaso ostean, Martaren etorrerak alertan jarri du Andaluzia. Zaparradak eta haize bolada gogorrak espero dira hainbat probintziatan, eta horrek azken egunotan utzitako kalte "milioidunak" areagotuko ditu.
Juanma Moreno Andaluziako presidentea Kordoban izan da gaur, Guadalquivir ibaiak harrapatu dituen lekuak bisitatzen. Bertan ohartarazi duenez, Andaluziako Juntak laguntza eskatuko die Espainiako Gobernuko Kontingentzia Funtsari eta Europar Batasuneko Elkartasun Funtsari, "hainbat milioi euroko galerei" aurre egiteko.
Halaber, etxetik irtenarazi dituzten 11.000 lagunak artatzeko Europako funtsak "erreprogramatu eta malgutzeko" deia ere egingo du; izan ere, bizilagun gehiago etxetik atera beharko dira Tocinan (Sevilla), Vejer de la Fronteran (Cadiz), Sorihuela del Guadalimar (Jaen) eta Zagran eta Aguas Blancasen (Granada). Errepideetan izandako kalteak 500 milioi euro ingurukoak dira, Morenoren hitzetan, eta nekazaritzan ere galera handiak izango direla aurreratu du, laboreen % 75 kaltetu baitira.
Denboraleak futbol jardunaldiari ere eragin dio, eta Sevilla-Girona eta Cadiz-Almeria partidak bertan behera utzi dituzte.
Guadalquivir, gainezka egitek zorian
Morenok emandako datuen arabera, 1.500 pertsona irtenarazi dituzte etxetik Kordoba probintzian, Villafranca, El Carpio eta Villa del Rio udalerrietan eta hiriburuan gehienbat. Herritarrei kontuz ibiltzeko deia egin die: "Ezin diogu erne ibiltzeari utzi".
Guadalquivir ibaiak gainezka egin du "hainbat tokitan", eta emaria apur bat jaitsi bada ere, "2,5 metrotik oso gora dago", maila gorritik gertu. Maria Jesus Montero Espainiako lehen presidenteordeak jakinarazi du ibaiak bere gorena harrapatuko duela larunbat arratsaldean edo igandean.
Sevilla hirian, urpean geratu ohi diren hainbat eremutan gainezka egin du ibaiak, baina oraingoz ez da bere ibilgutik atera jendea bizi den guneetan.
Halaber, Gaztela-Mantxako eta Madrilgo hainbat ibai ere maila gorrian daude, uholde arriskuagatik. Madrilen, Jarama, Alberche eta Henares ibaiak dira kezka iturri, eta Ciudad Realen (Gaztela-Mantxa), Bullaque eta Guadiana. Azken horietatik gertu bizi diren lagunek ES-Alert mezu bat jaso dute gaur sakelakoan, arriskuaz ohartarazteko. Besteak beste, urpean gera daitezkeen eremuak ez gurutzatzeko, itxitako errepideak ez erabiltzeko eta ibai inguruetatik ez ibiltzeko gomendatu diete.
Gaztela eta Leonen, Roberto Saiz Burgosko lurralde ordezkariak Babes Zibileko Planaren larrialdi plana jarri du martxan, Arlanza eta Duero ibaiek gainezka egin dezaketelako.
168 errepide itxita
Espainiako Trafiko Zuzendaritzak (DGT) jakinarazi duenez, 168 errepidetan gorabeherak eragin ditu Marta ekaitzak; batzuetan uholdeak izan dira, eta beste zenbaitetan, luiziak. Kaltetutako gehienak, 137, Andaluzian daude, bereziki Cadiz probintzian.
DGTk zuhurtzia eskatu die Andaluziako eta Extremadurako gidariei, Martak zaparrada gehiago utziko dituelako. Ibilgailua bakarrik behar-beharrezkoa bada hartzeko aholkatu dute, eta urpean gera daitezkeen eremu eta ibaietara ez hurbiltzeko.
Zure interesekoa izan daiteke
Maialen Mazonen ustezko hiltzaileak “barkamena” eskatu du epaiketako azken unean
Arabako Lurralde Auzitegian egin duten epaiketa epai zain gelditu da asteazken honetan, aldeek euren ondorioak aurkeztu ondoren. Fiskaltzak eta akusazioek 45 urteko zigorrak eskatzen dituzte, hilketagatik, bi abortu deliturengatik eta adin txikiko bat abandonatzeagatik, akusatuak “nahita” hil zuela emakumea eta egoeraz “jakitun” zegoela uste dutelako. Defentsak absoluzioa eskatu du, hilketaren unean, “errealitatetik erabat deskonektatuta” zegoela argudiatuta.
Medikuen grebari amaiera emateko eskatu dio Alberto Martinezek Osasun Ministerioari
Estatutu markoari buruzko akordiorik ezean, datorren astelehenean laugarren greba astea hasiko dute medikuek. Alberto Martinez Osasun sailburuak azpimarratu duenez, Osakidetza ahaleginak egiten ari da arazoa bideratzeko, baina gatazkari amaiera emateko giltza Osasun Ministerioak dauka.
Altza eta Galtzaraborda arteko Topo zatia uztailaren 18an jarriko da martxan
Zati hori zabaltzeak, batetik, Altzako geltokian trenak nahitaez errebotatzea saihestuko du, eta bestetik, Pasai Antxoko lurpeko geltoki berria estreinatzea ekarriko du, terminal zaharra desegin eta biaduktua, eraikin artean sartuta dagoen trenbide-hesia, kenduta.
Nafarroako Ospitaleko jazarpen kasu batean "delitu zantzuak" ikusita, Fiskaltzara bidali du salaketa Osasun Departamentuak
Nafarroako Unibertsitate Ospitaleko zerbitzuburu baten aurka jazarpenagatiko salaketa jarri zen, modu anonimoan, joan den abenduan. Sare sozial bateko kontuan argitaratu zen gero, eta horren berri zabaldu zen. Bertan, Nafarroako ospitale publiko horretako emakumezko mediku batek salatu zuen zerbitzuburu horren hizkerak eta jokabideak "emakumeak gutxiesten, umiliatzen eta gauzatzat jotzen" zituela, eta zuzendaritzari "ezer ez egitea" leporatzen zion, "jakitun egon arren".
Osakidetzak ia 60.000 euroko soldata eskaini die barneko mediku egoiliarrei
Bigarren urtez jarraian Gaztetzeko eta Fidelizatzeko Programa abiatu du Osakidetzak, azken urteko egoiliarrak bertan geratzeko eta talentua erakartzeko asmoz. Hortaz, lehen edizioan baino 2.500 euro gehiago irabaziko dute erresidentzia amaitu eta Osakidetzan lan egiten duten medikuek.
Abian da Nelson David Moreno Bolañosen aurkako beste epaiketa bat: 73 urteko gizon bat hiltzea egozten zaio, app baten bidez zita bat izan ondoren
Akusatuari 37 urteko kondena ezarri zaio, beste hiru epaiketatan; gutxienez bost gizonezko homosexualen heriotzarekin lotu dute ikertzaileek, baina zazpi ere izan litezke.
Adimen gaitasun handiko helduak eta arrakastaren mitoa
Adimen handiko helduek benetan al dute bizimodu errazagoa? Asier Arrieta psikologoak eta heldutan diagnostikatutako Haizea Lopez idazleak ikuspegi anitzeko errealitatea deskribatu dute. Izan ere, potentzial handiarekin bizitzeak ez du derrigor bizitza errazago bihurtzen, diagnostiko berantiarra, autoexijentzia, antsietatea eta ingurukoen espektatibak tartean daude eta.
Aranako harrera zentroa urrian zabalduko dute eta 120 pertsonentzako lekua izango du
Espainiako Gobernuak azaldu duenez, plaza kopurua murriztu izanaren arrazoia da —hasiera batean, 350 plaza zeuden aurreikusita— duela hiru urte proiektua pentsatu zenean baino errefuxiatu gutxiago ari direla iristen egun Estatura. Ondorioz, "presioa nabarmen murriztu" da.
Ikertzaileek nabarmendu dute akusatuak "bere borondatez" bi aldiz aitortu zuela Lukas Agirre hil zuela
Halaber, agente batek adierazi du bigarren auzipetuak jakinarazi ziola krimenean erabilitako labana berea zela eta ustezko hiltzaileari berak eman ziola.
Jokabide homofoboa egotzita Iruñean epaitu dituzten lau gazteek ukatu egin dute gertakarietan parte hartu izana
Biktimari elkartasuna adierazteko, Egham Nafarroak elkarretaratzea egin du auzitegiaren atarian eta homofobiari aurre egiteko neurriak eskatu ditu.