Kosner Baskoniak bihar ospatuko du Kopako titulua Andre Maria Zurian, 19:00etan
Kosner Baskoniak Espainiako Kopa irabazi osteko gaua luze joan da Gasteizen. Taldea goizaldean iritsi da hiriburura, eta zaleek kale eta plazak hartu dituzte, festa giroan. Asteartean izango da harrera ofiziala.
Baskoniako jokalariak, garaikurrarekin, bart. Argazkia: EFE.
Astelehena aje gozoarekin esnatu da Gasteiz, Kosner Baskoniak Kopako finala irabazi osteko pozak hiri osoa zipriztindu baitu. Taldea goizaldean iritsi da Gasteizko Aireportura (Foronda) eta zain zituen bertan dozenaka zale, jokalariekin eta talde teknikoarekin garaipena ospatzeko.
Ordu batzuk lehenago, partida bitartean ere dardara egin du hiriak. Erdiguneko eta auzoetako tabernak jendez lepo egon ziren tentsio goreneko finala jarraitzeko. Azken txistuarekin batera, ospakizuna hiri osora hedatu da. Aiztogile kalea ospakizunaren epizentroetako bat bihurtu da, zaleek orduak eman dituzte bertan kantuan eta festan.
Andre Maria Zuriaren plaza ere pozaren erdigune izan da; ehunka hiritar bildu dira bertan kantuan eta bengalekin. Taldea 17 urte zegoen kopa altxatu gabe, eta horrenbeste urtez zain egon izanak are gozoago egin du garaipena.
Goizaldean Forondan bildu dira zaleak, aireportuan egon dira taldearen zain eta, pozez eta festa-giroan hartu dituzte haiek, arabarrentzat eta gasteiztarrentzat historiko izan den gaua luzatzeko.
Ospakizunak ez dira amaitu, ordea, eta bihar, asteartea, harrera ofiziala egingo zaio taldeari. Kosner Baskoniak zaleei eskainiko die Kopa 19:00etatik aurrera, Andre Maria Zuriaren plazan. Tituluaren ospakizunak goia joko du orduan, eta ziurra da jendetzak hartuko duela plaza.
Zure interesekoa izan daiteke
Arabako Aldundiak Sarrea elkartea zigortu du eta baimena ukatu dio horren ordez Bernedoko Udalekua antolatu nahi zuen Dorrekoa Elkarteari
9.000 euroko isuna ezarri dio Sarrea elkarteari, bai eta 3 urtez diru-laguntza publikorik eskatu ezina eta 3 urtez adin txikikoekin aisialdiko jarduerak antolatu edo egiteko inhabilitazioa ere. Sarrearen ordez udalekua antolatu nahi zuen Dorrekoa elkarteari atzera bota dio baimen eskaera, Sarrearen inhabilitazioa saihesteko entitate instrumental gisa funtzionatzea leporatuta, lege-iruzur litzatekeena.
Arratsaldean emango diete azken agurra Elgoibarren istripuz hildako bost foruzainei
Hildako bost gizonezkoren aldeko hileta elizkizuna 19:00etan izango da, Iruñeko Katedralean.
Albiste izango dira: Bernedoko udalekua, hildako foruzainen aldeko hileta eta Tilda Swintonen performancea Guggenheimen
Gaurkoan Orain-en albiste izango direnen laburpena, bi hitzetan.
Lasarteko auto-ilarak konponduta, Abanto-Zierbenakek baino ez dute jarraitzen
Ostiral goizeko lehen ordua konplikatua izan da euskal errepide sareko puntu askotan, istripuak izan baitira han eta hemen, baina egoera bere onera itzuli da jada denean, Abanto-Zierbenan izan ezik; bertan, Kantabriarako noranzkoan, eskuineko eta erdiko erreiak itxita daude, atzo izandako istripu baten ondorioz. Egoera horrek gutxienez bi kilometroko auto-ilarak eragin ditu.
?fmt=webp-alpha&qlt=80)
Aske gelditu dira Vito Quilesen ekitaldi baten harira izandako istiluengatik atxilotutako 28 pertsonak
Horietako hamaseiri desordena publikoaren delitua leporatu diete. Gainerako hamabiei, horrez gainera, agintaritzaren agenteen aurkako atentatua ere egotzi diete.
Eutanasia-eskaerak % 61 igo dira Euskadin, eta prozesuaren batez besteko iraupena 39,4 egunera jaitsi da
Ostegun honetan argitaratutako urteko txostenaren arabera, 2025ean 107 eskaera onartu ziren, 78 prestazio gauzatu ziren eta 31 pertsona hil ziren prozesua bukatu baino lehen.
Hiru pertsona ikertu dituzte Bizkaian, genero-indarkeriaren biktima baten datuak lortzeko guardia zibilena egiteagatik
Ikertuetako batek harreman sentimentala zuen emakumearekin, eta harekin bizi zen Barakaldon.
Gizon bat atxilotu dute Donostian, Egia auzoan izandako sexu-erasoaren egilea delakoan
Donostiako Udaleko Bozeramaileen Batzordeak elkarretaratzea deitu du biharko, 11:45ean, Alderdi Ederreko lorategietan.
Foruzaingoko lankideek minean bat egin eta babesa eman diete hildako bost agenteen familiei
Foruzainen hil-kapera izango da gaur Iruñeko San Alberto beilatokian. Etengabea da bertan goizean goizetik, senide, lagun eta lankideen joan-etorria. Istripuan zauritutako kamioiko gidariari sendagiria eman diote, baina shock egoeran dago.
Gasteizko Fournier lantegi zaharrean bizi ziren hiru lagun aterarazi dituzte, inguru horretan astebetean egin den bigarren kaleratzean
Ertzaintzak eta Gasteizko Udaltzaingoak, epailearen aginduz, Heraclio Fournier kaleko industria-nabean zeuden hiru pertsona aterarazi dituzte, baldintza eskasak eta segurtasun falta argudiatuta.