Bentzeno mailak behera egin du Muskizen, baina prebentzio-neurriek indarrean jarraitzen dute
Alkateak, Eduardo Brionesek, seme-alabak eskolara ez eramatea gomendatu die familiei. 09:00etan azterketa berri bat egingo dute.
Eusko Jaurlaritzak jakinarazi duenez, Petronorren izandako intzidentziaren ondorioz Muskiz inguruan atzemandako bentzeno-mailak beheranzko joerari eusten dio. Airearen Kalitatearen Sareak egindako azken jarraipenaren arabera, bentzeno maila, 22:00etan, metro kubikoko 2 mikrogramotik behera zegoen, eta balio horiek atzo prebentzio-gomendioak aktibatzea eragin zutenak baino nabarmen txikiagoak dira.
Hala ere, Osasun Publikoak arreta handiz jokatzeko dei egin du, eta izan daitezkeen aldaketen aurrean etengabeko zaintzari eusteko, bereziki kontuan izanda egunez tenperaturak gora egin dezakeela eta horrek kutsadura mailari eragingo diola.
9:00etan beste azterketa bat egin arte, esposizioa murrizteko gomendioei eutsi zaie. Herritar guztientzako neurrien artean, ahal den guztietan barruko espazio itxietan egotea, ateak eta leihoak itxita edukitzea, aire zabaleko jarduera fisiko bizia saihestea eta etxebizitzen aireztapen luzea mugatzea daude, birzirkulazio bidezko klimatizazio-sistemak lehenetsiz.
Era berean, arreta berezia eskatu zaie talde zaurgarriei, hala nola arnasketako gaixotasunak edo gaixotasun kardiobaskularrak dituzten pertsonei, adingabeei, adinekoei eta haurdun dauden emakumeei. Izan ere, gertakariak irauten duen bitartean, saihestu egin beharko dute kanpoko airearekiko alferrikako esposizioak. Hezkuntza-zentroen, kirol-zentroen eta zentro soziosanitarioen kasuan, aire zabaleko jarduerak etetea gomendatzen da, eta adingabeak eta mendeko pertsonak aireztapen kontrolatua duten barnealdeetan egotea.
Eduardo Briones Muskizko alkateak, gainera, kalera ez irtetea eta haurrak eskolara ez eramatea gomendatu du Radio Euskadin.
Petronorrek ziurtatu du segurtasun-protokoloetan ezarritako neurri zuzentzaile guztiak aplikatzen ari dela intzidentzia kontrolatzeko eta isuriak ahalik eta azkarren murrizteko.
Petronorren izandako inzidentzia baten ondorioz, gasolina biltegiko erregai zati bat lurrundu egin da, eta horrek eragin du airea kutsatzea.
Zure interesekoa izan daiteke
Albiste izango dira: Bentzenoa Muskizen, Goya sarien bezpera eta Bill Clintonen deklarazioa Kongresuan
Gaurkoan Orain-en albiste izango direnen laburpena, bi hitzetan.
30 urtean 2.000 gibel-transplante egin ondoren, mundu mailako erpinean dago EAE
Euskadin gibeleko lehen transplantea egin eta hiru hamarkada igaro direnean, Euskal Osasun Zerbitzuak halako ia 2.000 transplante egin ditu, urtean 75 inguru, eta mundu mailan lehen postuan dago, milioi biztanleko 60 transplanteko tasarekin, mendebaldeko herrialdeetako batez bestekoa halako hiru.
EHUra bideratutako ohiko diru ekarpena jardueraren araberakoa izatea aurreikusten du Jaurlaritzak
Ikerketari lotutako kalitatezko unibertsitatea, nazioarteko testuinguruan garatzea eta gizarte konpromisoa izatea. Horiek dira Eusko Jaurlaritza prestatzen ari den Unibertsitate Lege berriaren oinarriak. Aurreproiektua azarorako legebiltzarrera iristea da asmoa.
4 urte eta 6 hilabeteko zigorra, 7 urteko neskato bati tratu txarrak ematea eta sexu-ukituak egitea leporatuta, Iruñean
Adingabea 2015ean jaio zen, eta "akusatuak jo ohi zuen; batzuetan, gerrikoarekin, beste batzuetan eskuekin, eta zigorrak ezartzen zizkion, paretaren aurrean besoak altxatuta egotera behartzen zuen".
Euskal Herriko mugimendu feminista bi plataformatan iritsiko da M8ra
Besteak beste, koordinakunde abolizionista bat sortu da, eta mugimendu feministaren erantzunek agerian uzten dute prostituzioaren eta trans kolektiboaren inguruan, berbarako, hainbat iritzi daudela.
14 urteko espetxe-zigorra ezarri diete bi gizoni, Bilbon neska bati sexu erasoa egiteagatik
23 eta 22 urteko gizonak aurrez ezagutzen zuten neska mozkor zegoela baliatu zuten bietako baten pisuan eraso egiteko, 2024ko abuztuan. Audientziaren ustez, zigortuek "emakumea objektu edo panpina gisa tratatu zuten, maila goreneraino".
Txorierriko igarobidean auto-ilarak eratu dira, Bilborako noranzkoan, istripu baten ondorioz
Hainbat ibilgailuk talka egin dute, Lezama parean.
Albiste izango dira: Otsailaren 23ko paperak, Goya sarien atarikoa eta tentsioa Kuba eta AEB artean
Gaurkoan Orain-en albiste izango direnen laburpena, bi hitzetan.
Osasunak ikerketa batzorde bat sortuko du, Sadarren izandako istiluengatik
Nafarroako taldearen Zuzendaritza Batzordea kezkatuta agertu da partidaren ostean izan zen indarkeriaren aurrean, eta futbol-zelaiko segurtasuna noren esku geratuko den eztabaidatuko du.