Osasunak ikerketa batzorde bat sortuko du, Sadarren izandako istiluengatik
Nafarroako taldearen Zuzendaritza Batzordea kezkatuta agertu da partidaren ostean izan zen indarkeriaren aurrean, eta futbol-zelaiko segurtasuna noren esku geratuko den eztabaidatuko du.
Osasuna, zaleak agurtzen. Argazkia: Europa Press
Osasunak ikerketa batzorde bat sortzea erabaki du Sadarren Real Madrilen aurkako partidaren ostean izandako gertakariak argitzeko. Organoak "ahalik eta independentzia eta berme handienarekin" lan egingo du, eta antzeko gertakariak berriro gerta ez daitezen neurriak proposatu ahal izango ditu.
Erabakia Zuzendaritza Batzordeak egindako ezohiko bilera batean hartu da. Bertan, klubak "kezka sakona" adierazi du estadioaren hegoaldeko hondoan izandako indarkeriagatik, baita partidaren ostean zelaia utzi zuten zaleek bizi izan zuten izuagatik ere.
Aldi berean, klubak parte-hartzaile gehienen portaera zibikoa azpimarratu du, eta zaleen "kriminalizazio" orokorra arbuiatu du.
Batzordea Mikel Vivanco, Endika Rodríguez eta Celso Galarrek osatuko dute. Horiek testigantzak biltzeaz, lekukoei eta inplikatuei deklarazioa hartzeaz eta informazio guztia aztertzeaz arduratuko dira, zer gertatu zen eta noren erantzukizuna den zehazteko.
Klubak ziurtatu du elkarlanean arituko dela ahalik eta gardentasun handiena bermatzeko eta bazkideek eta zaleek gertaturikoaren nondik norakoen berri izan dezaten. Gainera, batzordeak antolaketa-aldaketak proposatzeko gaitasuna izango du, estadioko segurtasuna nork gidatu behar duen berrikustea barne.
Testuinguru horretan, Javier Remirez Nafarroako Gobernuaren bozeramaileak egindako adierazpenekin bat datorrela adierazi du zuzendaritzak, eta Nafarroako Gobernuarekin biltzea eskatuko du, Sadarren egiten diren ekitaldietan segurtasunaren kudeaketa elkarrekin lantzeko.
Zure interesekoa izan daiteke
?fmt=webp-alpha&qlt=80)
Aske gelditu dira Vito Quilesen ekitaldi baten harira izandako istiluengatik atxilotutako 28 pertsonak
Horietako hamaseiri desordena publikoaren delitua leporatu diete. Gainerako hamabiei, horrez gainera, agintaritzaren agenteen aurkako atentatua ere egotzi diete.
Eutanasia-eskaerak % 61 igo dira Euskadin, eta prozesuaren batez besteko iraupena 39,4 egunera jaitsi da
Ostegun honetan argitaratutako urteko txostenaren arabera, 2025ean 107 eskaera onartu ziren, 78 prestazio gauzatu ziren eta 31 pertsona hil ziren prozesua bukatu baino lehen.
Hiru pertsona ikertu dituzte Bizkaian, genero-indarkeriaren biktima baten datuak lortzeko guardia zibilena egiteagatik
Ikertuetako batek harreman sentimentala zuen emakumearekin, eta harekin bizi zen Barakaldon.
Gizon bat atxilotu dute Donostian, Egia auzoan izandako sexu-erasoaren egilea delakoan
Donostiako Udaleko Bozeramaileen Batzordeak elkarretaratzea deitu du biharko, 11:45ean, Alderdi Ederreko lorategietan.
Foruzaingoko lankideek minean bat egin eta babesa eman diete hildako bost agenteen familiei
Foruzainen hil-kapera izango da gaur Iruñeko San Alberto beilatokian. Etengabea da bertan goizean goizetik, senide, lagun eta lankideen joan-etorria. Istripuan zauritutako kamioiko gidariari sendagiria eman diote, baina shock egoeran dago.
Gasteizko Fournier lantegi zaharrean bizi ziren hiru lagun aterarazi dituzte, inguru horretan astebetean egin den bigarren kaleratzean
Ertzaintzak eta Gasteizko Udaltzaingoak, epailearen aginduz, Heraclio Fournier kaleko industria-nabean zeuden hiru pertsona aterarazi dituzte, baldintza eskasak eta segurtasun falta argudiatuta.
"Bizi Natura" saioaren unerik onenak: 2026ko ekainaren 3a, asteazkena
Oraingo honetan, Bizi Naturaren kamerek katagorrien, flamenkoen, txorien janlekuen, orkatzen eta abarren irudiak eskaini dizkigute.
Ibar auziko epaileak beste hilabete bat eman dio fiskalari lekuko berri bati buruzko erabakia har dezan
Pablo Ibarren defentsaren arabera, lekukoak erailketak egin zituzten bi pertsonak identifikatu zituen, eta horrek errugabetu egingo luke Ibar.
Minutu bateko isilune hunkigarria Nafarroako Parlamentuan, hildako bost foruzainen omenez
Gaurko saioaren hasieran, Unai Hualde Ganberako presidenteak Bozeramaileen Batzordean goizeko lehen orduan onartutako adierazpen instituzionala irakurri du, gertaerak eragindako "mina eta atsekabea" erakusten duen testua. Hildako bost foruzainak omentzeko Nafarroako Gobernuak zein Foruzaingoak antolatutako ekitaldi instituzionalekin bat egin du Ganberak.
Euskal Herriko mediku eta pediatrek pantailek arrisku larriak dakartzatela ohartarazi dute, eta ikasgeletan mugikorrik ez izatea eskatu
Altxa Burua mugimenduarekin batera, sendagileek eta pediatrek txosten bateratua plazaratu dute, lehenengoz. Lan horretan, pantailen aurrean denbora luzez egoteak adingabeengan dakarren eragin negatiboa aztertu dute; alde batetik, buru osasuna aipatu dute: loaren nahasmenduak, antsietatea... Bestetik, erabilera gehiegizkoak obesitatea, ikusmen-arazoak eta hizkuntzaren atzerapenak eragin ditzakeela ohartarazi dute.