Osasunak barne ikerketa abiatuko du Sadarren gertatutakoa argitzeko
Larunbatean izan ziren istiluak, estadioan bertan, Osasuna eta Real Madrilen arteko norgehiagoka amaitu ostean. Horietan, bi pertsona atxilotu zituzten (bat ospitalera eraman behar izan zuten) eta beste bat zauritu zuten.
Istiluak izan ziren larunbat arratsaldean Sadar estadioan, Osasunak eta Real Madrilek jokatu duten partidaren amaieran. Bi pertsona atxilotu zituzten, eta Espainiako Poliziaren oldarraldian zauritutako bi zaleetako bat ospitalera eraman behar izan zuten. Osasunak agiria kaleratu du gertakariak gaitzesteko, eta ikerketa agindu du.
Antza denez, Sadarko segurtasun langileak hego-harmailara joan dira ustez zelaira botila bat bota duen zale bat identifikatzera. Ondoren, Espainiako Polizia zale batzuen aurka oldartu zen, harmailetan eta estadioko korridoreetan.
Bi pertsona atxilotu zituzten, eta beste bi, zauritu. Zaurituetako bat ospitalera eraman behar izan zuten. Bi agente ere arin zauritu ziren, Poliziaren arabera.
Ohar baten bidez, Osasunak gaitzetsi egin ditu Sadarren izandako istiluak, “ikara uneak” sortu zirelako zaleak estadiotik ateratzen ari zirenean.
"Osasunak barne ikerketa bat egingo du Real Madrilen aurkako partidaren ostean izandako gertakariak argitzeko", iragarri du bere webean.
Indar Gorri: "Hau ez zen atzo hasi eta ez da bihar bukatuko"
Indar Gorri taldearen hitzetan, larunbatean jazotakoa "gure zelaian eta Ligako gainerako estadioetan Poliziak duen zigorgabetasunaren ondorioa da".
Nafarroako EH Bilduk salatu du Poliziaren jokabidea gehiegizkoa izan dela
Elkarretaratzea martxoaren 6an
Bestalde, Sadar Bizirikek kaltetutako jarraitzaileei eskatu die jar daitezela plataformarekin harremanetan, eta elkarretaratzea deitu du martxoaren 6rako. Egun horretan, Mallorcaren aurka jokatuko du talde gorritxoak.
Jupol polizia sindikatuak Osasuna kritikatu du
Jupol sindikatuak gogor kritikatu du Osasuna "errealitatetik urrun dagoen gertakarien kontakizun bat egiteagatik".
X sare sozialean zabaldu duenez, Osasunak argudiatu du polizia-operazioa "taldearen segurtasun dispositiboari laguntzeko eta bere instalazioetan segurtasuna bermatzeko" egin zela, eta "oso larritzat" jo ditu adierazpen horiek.
Te puede interesar
?fmt=webp-alpha&qlt=80)
Aske gelditu dira Vito Quilesen ekitaldi baten harira izandako istiluengatik atxilotutako 28 pertsonak
Horietako hamaseiri desordena publikoaren delitua leporatu diete. Gainerako hamabiei, horrez gainera, agintaritzaren agenteen aurkako atentatua ere egotzi diete.
Eutanasia-eskaerak % 61 igo dira Euskadin, eta prozesuaren batez besteko iraupena 39,4 egunera jaitsi da
Ostegun honetan argitaratutako urteko txostenaren arabera, 2025ean 107 eskaera onartu ziren, 78 prestazio gauzatu ziren eta 31 pertsona hil ziren prozesua bukatu baino lehen.
Hiru pertsona ikertu dituzte Bizkaian, genero-indarkeriaren biktima baten datuak lortzeko guardia zibilena egiteagatik
Ikertuetako batek harreman sentimentala zuen emakumearekin, eta harekin bizi zen Barakaldon.
Gizon bat atxilotu dute Donostian, Egia auzoan izandako sexu-erasoaren egilea delakoan
Donostiako Udaleko Bozeramaileen Batzordeak elkarretaratzea deitu du biharko, 11:45ean, Alderdi Ederreko lorategietan.
Foruzaingoko lankideek minean bat egin eta babesa eman diete hildako bost agenteen familiei
Foruzainen hil-kapera izango da gaur Iruñeko San Alberto beilatokian. Etengabea da bertan goizean goizetik, senide, lagun eta lankideen joan-etorria. Istripuan zauritutako kamioiko gidariari sendagiria eman diote, baina shock egoeran dago.
Gasteizko Fournier lantegi zaharrean bizi ziren hiru lagun aterarazi dituzte, inguru horretan astebetean egin den bigarren kaleratzean
Ertzaintzak eta Gasteizko Udaltzaingoak, epailearen aginduz, Heraclio Fournier kaleko industria-nabean zeuden hiru pertsona aterarazi dituzte, baldintza eskasak eta segurtasun falta argudiatuta.
"Bizi Natura" saioaren unerik onenak: 2026ko ekainaren 3a, asteazkena
Oraingo honetan, Bizi Naturaren kamerek katagorrien, flamenkoen, txorien janlekuen, orkatzen eta abarren irudiak eskaini dizkigute.
Ibar auziko epaileak beste hilabete bat eman dio fiskalari lekuko berri bati buruzko erabakia har dezan
Pablo Ibarren defentsaren arabera, lekukoak erailketak egin zituzten bi pertsonak identifikatu zituen, eta horrek errugabetu egingo luke Ibar.
Minutu bateko isilune hunkigarria Nafarroako Parlamentuan, hildako bost foruzainen omenez
Gaurko saioaren hasieran, Unai Hualde Ganberako presidenteak Bozeramaileen Batzordean goizeko lehen orduan onartutako adierazpen instituzionala irakurri du, gertaerak eragindako "mina eta atsekabea" erakusten duen testua. Hildako bost foruzainak omentzeko Nafarroako Gobernuak zein Foruzaingoak antolatutako ekitaldi instituzionalekin bat egin du Ganberak.
Euskal Herriko mediku eta pediatrek pantailek arrisku larriak dakartzatela ohartarazi dute, eta ikasgeletan mugikorrik ez izatea eskatu
Altxa Burua mugimenduarekin batera, sendagileek eta pediatrek txosten bateratua plazaratu dute, lehenengoz. Lan horretan, pantailen aurrean denbora luzez egoteak adingabeengan dakarren eragin negatiboa aztertu dute; alde batetik, buru osasuna aipatu dute: loaren nahasmenduak, antsietatea... Bestetik, erabilera gehiegizkoak obesitatea, ikusmen-arazoak eta hizkuntzaren atzerapenak eragin ditzakeela ohartarazi dute.