Hondarribiak II. Berdintasun Plana onartu du, Alardearen “gatazkaren konponbidean” aurrera egiteko neurriak jasota
Abotsanitzek eta EH Bilduk osatutako gobernu-taldeak babesa eman dio planari; EAJk eta PSEk, berriz, kontra bozkatu dute, emakumeen elkarte bat “baztertu” dela iritzita.
Hondarribiko Udalak II. Berdintasun Plana onartu du ostegun honetan, Abotsanitzek eta EH Bilduk osatutako gobernu-taldearen botoei esker. Dokumentu berriak, besteak beste, udalerriko Alardearen “gatazkaren konponbidean” aurrera egiteko proposamenak jasotzen ditu. EAJk eta PSEk aurkako botoa eman dute, plana egiteko moduarekin ados ez daudelako eta alarde tradizionalaren aldeko emakumeen elkarte bat “baztertu” dela salatuta.
Dokumentuak, alde batetik, Alardearen inguruko “gatazkaren konponbidean” aurrera egitea proposatzen du, “berdintasunari lotutako gai gisa ulertuta”; eta, bestetik, “berdintasunezko alarde baten alde emakumeen eskubideen defentsan jasandako indarkeria aitortzeko” formulak aztertzea planteatzen du.
II. Berdintasun Plana egiteko prozesua 2024ko maiatzean abiatu zuten, diagnostiko-fasearekin. Hainbat hilabetez, udal-zerbitzuak, -langileak eta tokiko eragileak entzun dituzte. Igor Enparan alkateak diagnostikoaren aurkezpenean azpimarratu zuenez, horrek aukera eman du “udalerriko bizitzako hainbat arlotan dauden desberdintasun zehatzak identifikatzeko”.
Planak guztira 124 ekintza jasotzen ditu, lau ardatz estrategikotan egituratuta:
- Gobernu ona: udal jarduera osoan genero ikuspegia “zeharkako printzipio” gisa txertatzea du helburu.
- Ahalduntzea: autonomia ekonomikoa, gizarte- eta politika-eremuetako parte-hartzea eta eskubideen erabilera eraginkorra sustatzea.
- Antolaketa soziala eta zaintzak: erantzunkidetasunean oinarritutako eredu bidezkoago eta iraunkorrago baterantz aurrera egitea.
- Indarkeria matxistarik gabeko bizitzak: prebentzioa, sentsibilizazioa, prestakuntza eta erakundeen arteko koordinazioa indartzea.
Alardea, planaren erdigunean
Alardeari dagokionez, Estitxu Urtizberea alkateordeak azaldu duenez, “egindako diagnostikoak agerian utzi du azken urteotan alardearen inguruko gatazkak eragin zuzena izan duela udalerriko berdintasun-politiken garapenean; izan ere, eztabaidaren zati handi bat bereganatu du eta beste esparru batzuetako lana zaildu du”.
Testuinguru horretan, planak gai horri berariazko tratamendua ematea erabaki du. Hasierako zirriborroan bi jarduera-ildo nagusi jaso zituzten: batetik, “gatazkaren konponbidean” aurrera egitea, berdintasunari lotutako gai gisa ulertuta; eta, bestetik, “emakumeen eskubideen defentsan jasandako indarkeria, berdintasunezko alarde baten alde, aitortzeko formulak aztertzea”.
Alkateak azpimarratu duenez, prozesuan “ez da bazterketarik, betorik ez diskriminazio politikorik egon”. Hala ere, Maria Serrano EAJko bozeramaileak zehaztu du bere alderdiak planarekin duen “arazoa” ez dagoela “edukian”, baizik eta plana egiteko prozesuan, “ez direlako sentsibilitate guztiak integratu nahi izan”. Era berean, salatu du udalerriko emakumeen elkarte bat “baztertu” dutela, “500 bazkide baino gehiago dituena”.
Zure interesekoa izan daiteke
COIk debekatu egin die trans emakumeei emakumeen kategorietan lehiatzea
SRY genearen detekzioan oinarritutako neurria 2028an sartuko da indarrean Los Angelesen, atzerako eraginik gabe.
Nor da Bermeoko portuko argazkiko neska? Hibai Agorria argazkilariak Madrilen aurkitu du erantzuna
Madrilgo zakarrontzi batean agertutako argazki negatibo batzuek Urdaibai, Elorrio eta Madril arteko istorio eder bat berreskuratzea ahalbidetu dute.
Osakidetzak pertsona transexualentzako lehen mailako arreta zerbitzuak zabalduko ditu EAEko hiru hiriburuetan
Gauzak ondo bidean, maiatzetik aurrera jarriko da abian zerbitzua. Osakidetzaren zuzendariak adierazi duenez, helburua da pertsona transexualei errespetuzko eta gertuagoko arreta ematea.
Legebiltzarrak onartu egin du udalekuetan adin txikikoen babesa indartzeko Legea izapidetzea
EH Bilduk eta Sumarrek, neurriak babestu arren, prozedura kritikatu dute, eta PPk eta Voxek erreforma egitea "zuriketa hutsa" dela esan dute.
Noelia eutanasia eskatu zuen Bartzelonako gazteak gaur jasoko du, epaileak onartu ostean
25 urteko emakumeak bere erabakiari eutsi dio, nahiz eta aita aurka agertu, Espainian legezko bide guztiak agortuta eta Giza Eskubideen Europako Auzitegira jota.
Meta eta Google, 2,6 milioi euro ordaintzera behartuta, gazte bati eragindako menpekotasunagatik
Antsietatea, depresioa edo gorputz-dismorfia dira gazteak pairatutako kalteetako batzuk. “Haurrak mendeko egiten dituzten eta osasungaitzak diren produktuak diseinatzen dituzte”, adierazi du abokatuak.
Hondarribiak gaur onartuko du bere II. Berdintasun Plana, eta Alardearen auzia bideratzeko neurriak jasoko ditu
Planak “emakumeen eskubideen defentsan jasandako indarkeria aitortzeko formulak" bilduko ditu.
Albiste izango dira: Korrika zuzenean, krisi energetikoaren aurkako neurriak eta hauteskunde sindikalak Ertzaintzan
Gaurkoan Orain-en albiste izango direnen laburpena, bi hitzetan.
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.