Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Hiru gizonezko eta emakumezko bat atxilotu ditu Ertzaintzak Beasainen, Gipuzkoako hainbat garajetan eta trastelekutan lapurretak egin dituztelakoan.
Eusko Jaurlaritzako Segurtasun Sailak ohar batean jakinarazi duenez, gehienbat Goierri eskualdean egindako lapurretekin du zerikusia desegindako gaizkile taldeak, eta 100 bat objektu atzeman dizkiete, tartean, erreminta-kaxak, tresna informatikoak eta erabilera ezberdinetarako makina txikiak. Material guztia etxebizitza batean aurkitu dute agenteek.
Oharraren arabera, Donostian eta Zegaman izandako bi lapurretengatik jarritako salaketen ondoren abiatu zuten ikerketa. Kasu horietan, ordenagailuak, garbiketa-produktuak, elikagaiak eta arropa eraman zituzten.
Ikerketen ondorioz, 35 urteko emakume bat eta 29, 32 eta 40 urteko hiru gizon identifikatu zituzten, eta joan den ostiralean egin zituen atxiloketak Ertzaintzak, indarra erabilita lapurreta egitea eta talde kriminaleko kide izatea delituak leporatuta. Denak epailearen esku utzi dituzte.
Ertzaintzak dei egin die lapurreten biktima izan diren herritarrei, Beasaingo ertzain-etxetik igaro daitezen, lapurtutako objektuak berreskuratzera. Horretarako, jarritako salaketa aurkeztu beharko dute, eta baita ere, objektuen erosketa-faktura, argazkia edota froga gisa balio dezakeen beste dokumenturen bat.
Atzemandako objektuen artean, etxetresna elektrikoak, musika-tresnak, jostailuak eta oinarrizko produktu ugari ere badaude.
Zure interesekoa izan daiteke
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.